രാജ്യാന്തര സന്തോഷദിനത്തോടനുബന്ധിച്ച് ദുബായ് പോലീസ് വിവിധ പരിപാടികൾ സംഘടിപ്പിക്കുന്നു
ദുബായ്: രാജ്യാന്തര സന്തോഷദിനത്തോടനുബന്ധിച്ച് ദുബായിൽ ഇന്ന് ഇന്ത്യക്കാരടക്കമുള്ള തൊഴിലാളികൾക്ക് കായിക–വിനോദ പരിപാടികൾ നടത്തും. വിവിധ മത്സരങ്ങളിൽ വിജയിക്കുന്നവർക്ക് നാട്ടിലേയ്ക്കുള്ള ആറ് വിമാന ടിക്കറ്റുകളടക്കം സമ്മാനങ്ങൾ നൽകും. മാസ്റ്റർ വിഷൻ ഇൻറർനാഷണൽ ഇവൻറസിൻറെ സഹകരണത്തോടെ ദുബായ് പൊലീസാണ് മണിക്കൂറുകളോളം നീണ്ടുനിൽക്കുന്ന പരിപാടികൾ നടത്തുക.
മലയാള ചലച്ചിത്ര നടനും മിമിക്രി താരവുമായ ടിനി ടോം, ഗായിക അമൃത സുരേഷ് എന്നിവർ നേതൃത്വം നൽകുന്ന വിവിധ കലാ പരിപാടികളും ചടങ്ങിനോടനുബന്ധിച്ച് സംഘടിപ്പിച്ചിട്ടുണ്ട്. രണ്ടായിരം തൊഴിലാളികൾ പങ്കെടുക്കുമെന്നാണ് പ്രതീക്ഷയെന്ന് പോലീസ് ആസ്ഥാനത്ത് ഇന്ന് നടത്തിയ വാർത്താ സമ്മേളനത്തിൽ അധികൃതർ അറിയിച്ചു. വൈകിട്ട് മൂന്ന് മുതൽ ആറ് വരെ വ്യവസായ മേഖലകളായ ജബൽ അലി, മുഹൈസിന എന്നിവിടങ്ങളിലും സബീൽ പാർക്കിലുമാണ് പരിപാടി നടക്കുക.
ദുബായ് പൊലീസ് ജനറൽ വിഭാഗം അഡ്മിനിസ്ട്രേഷൻ അഫയേഴ്സ് പ്രതിനിധി കേണൽ മൻസൂർ അൽ ഗർഗാവി, ദുബായ് പൊലീസ് ജനറൽ ഡയറക്ടറേറ്റ് ഫോർ അഡ്മിനിസ്ട്രേറ്റീവ് അഫയേഴ്സ് ഡയറക്ടർ മേജർ ജനറൽ അൽ സല്ലാൽ സഇൗദ് ബിൻ ഹുവൈദി അൽ ഫലാസി, മറ്റു ഉദ്യോഗസ്ഥരായ അബ്ദുല്ല ജുമാ ഇബ്രാഹിം, മേജർ റഹ്മ ഉംറാൻ അൽ ഷംസി, ടിനി ടോം, അഷ്റഫ് താമരശ്ശേരി, മുഹമ്മദ് റഫീഖ് എന്നിവർ വാർത്താ സമ്മേളനത്തിൽ പങ്കെടുത്തു.
Click it and Unblock the Notifications
Sign in with Google