സൗന്ദര്യം കൂട്ടാന് ശസ്ത്രക്രിയ നടത്തി പെട്ടു; ഇറാനിയന് യുവതി അറസ്റ്റില്, 'ആഞ്ജലീന ജോളി'
ടെഹ്റാന്: സൗന്ദര്യം വര്ധിപ്പിക്കാന് പലതവണ ശസ്ത്രക്രിയ നടത്തിയ യുവതിക്ക് ഒടുവില് ഇറാനില് പിടിവീണു. സോഷ്യല് മീഡിയയില് തരംഗമായ സഹര് തബാര് എന്ന യുവതിയെ ആണ് ഇറാന് പോലീസ് അറസ്റ്റ് ചെയ്തത്. ഹോളിവുഡ് താരം ആഞ്ജലീന ജോളിയുമായി സാദൃശ്യം തോന്നുന്ന തരത്തില് രൂപ മാറ്റം വരുത്തിയതാണ് അറസ്റ്റിലേക്ക് നയിച്ചത്.
കോടതി നിര്ദേശ പ്രകാരമാണ് കേസെടുത്തതെന്ന് ഇറാനിലെ സര്ക്കാര് മാധ്യമമായ തസ്നിം വാര്ത്താ ഏജന്സി റിപ്പോര്ട്ട് ചെയ്തു. ഇന്സ്റ്റഗ്രാമില് തരംഗമായിരുന്നു സഹര് തബാര്. ഒട്ടേറെ ഫോളവേഴ്സും അവര്ക്കുണ്ട്. ഇങ്ങനെയുള്ള വ്യക്തി പ്രമുഖരെ പോലെ രൂപമാറ്റം വരുത്തുന്നത് യുവജനങ്ങളില് മനംമാറ്റമുണ്ടാക്കുമെന്ന് ഇറാന് മാധ്യമങ്ങള് റിപ്പോര്ട്ട് ചെയ്യുന്നു. അവരുടെ എഡിറ്റ് ചെയ്ത ചിത്രങ്ങളാണ് കൂടുതല് പ്രചരിക്കുന്നത്. വിശദവിവരങ്ങള് ഇങ്ങനെ.....
ഭയം തോന്നുമോ
സൗന്ദര്യം വര്ധിപ്പിക്കാന് വേണ്ടിയാണ് ശസ്ത്രക്രിയ നടത്തിയതെങ്കിലും അവരുടെ രൂപത്തില് കാതലായ മാറ്റം സംഭവിച്ചു. നിലവില് ഭയം തോന്നുന്ന തരത്തില് എഡിറ്റ് ചെയ്താണ് സഹര് തബാറിന്റെ ചിത്രങ്ങള് പ്രചരിപ്പിക്കുന്നത്. ടെഹ്റാനിലെ ഗൈഡന്സ് കോടതിയുടെ നിര്ദേശ പ്രകാരമാണ് പോലീസ് അറസ്റ്റ് ചെയ്തത്.
ഈ വകുപ്പുകള് പ്രകാരം
മതനിന്ദ, സാംസ്കാരിക കുറ്റകൃത്യം, അഴിമതി, അക്രമത്തിന് പ്രേരിപ്പിച്ചു, തെറ്റായ മാര്ഗത്തില് വരുമാനമുണ്ടാക്കാന് ശ്രമിച്ചു, യുവജനങ്ങളെ തെറ്റായ വഴിയിലേക്ക് പ്രേരിപ്പിച്ചു തുടങ്ങിയ കുറ്റങ്ങളാണ് സഹര് തബാറിനെതിരെ ചുമത്തിയിരിക്കുന്നത്.
ഇന്സ്റ്റഗ്രാമില് പങ്കുവച്ചു
പ്ലാസ്റ്റിസ് സര്ജറി നടത്തി രൂപ മാറ്റം വരുത്തിയ മുഖത്തിന്റെ ചിത്രങ്ങള് ഇന്സ്റ്റഗ്രാമില് പങ്കുവച്ചതോടെയാണ് ഒട്ടേറെ പേര് ഇവരെ ഫോളോ ചെയ്യാന് തുടങ്ങിയത്. കഴിഞ്ഞ വര്ഷമാണ് ഇവര് പ്ലാസ്റ്റിക് സര്ജറിക്ക ശേഷമുള്ള ചിത്രങ്ങള് ഇന്സ്റ്റഗ്രാമില് പോസ്റ്റ് ചെയ്തത്.
ഇറാന്റെ ആഞ്ജലീന ജോളി
ഇപ്പോള് അറസ്റ്റ് ചെയ്യാന് അതുമാത്രമാണോ കാരണം എന്ന് വ്യക്തമല്ല. സൗന്ദര്യ ശസ്ത്രക്രിയക്ക് ശേഷം സഹര് തബാറിനെ കണ്ടാല് ഹോളിവുഡ് താരം ആഞ്ജലീന ജോളി ആണെന്ന് തോന്നും. ചുണ്ടും മൂക്കും വ്യത്യസ്തമായ രീതിയിലേക്ക് അവര് മാറ്റിയിരുന്നു.
തിരിച്ചറിയാന് സാധിക്കില്ല
നേരത്തെയുള്ള വ്യക്തിയില് നിന്ന് യുവതി പൂര്ണമായും മാറ്റം സംഭവിച്ചതും വിവാദമായിരുന്നു. അടുത്തിടെയായി ഇറാനില് സൗന്ദര്യ ശസ്ത്രക്രിയ കൂടുതല് ജനകീയമായിട്ടുണ്ട്. ഓരോ വര്ഷവും പതിനായിരങ്ങളാണ് ഇത്തരം ശസ്ത്രക്രിയകള് നടത്തുന്നത്.
ഇറാന് പോലീസിന് ആശങ്ക
സൗന്ദര്യ ശസ്ത്രക്രിയ വ്യാപകമാകുന്നത് ഇറാന് പോലീസിനെയും ആശങ്കയിലാഴ്ത്തിയിട്ടുണ്ട്. പൂര്ണ തോതില് രൂപമാറ്റം വരുത്തുന്നതാണ് പോലീസിനെ കുഴക്കുന്നത്. ഇറാനില് ലഭിക്കുന്ന സോഷ്യല് മീഡിയ ഇന്സ്റ്റഗ്രാമാണ്. ഫേസ്ബുക്കും ട്വിറ്ററും ടെലഗ്രാമുമെല്ലാം ഇറാനില് നിരോധിച്ചിട്ടുണ്ട്. ഇന്സ്റ്റഗ്രാമിലാണ് സഹര് തബാറിന് കാല് ലക്ഷത്തോളം ഫോളവേഴ്സുള്ളത്.
-
ഇന്ധനക്ഷാമം രൂക്ഷമാകുന്നു; 'വർക്ക് ഫ്രം ഹോം' വേണമെന്ന ആവശ്യം ശക്തമാകുന്നു -
പുതിയ വീടും കാറും, കൈനിറയെ പൊന്നും! ഇന്നേക്ക് നാലാം നാള് ഈ രാശിക്കാരുടെ നല്ലസമയം -
ദേശീയപാത 66;തലപ്പാടി-ചെങ്കള, രാമനാട്ടുകര-വെങ്ങളം റീച്ച് ഉദ്ഘാടനം ഇന്ന്; ബഹിഷ്കരിച്ച് സംസ്ഥാന സർക്കാർ -
കാവ്യയെ ആണ് ആദ്യം വിളിച്ചത്, പിന്നാലെ ദിലീപേട്ടനെ വിളിച്ചു, നടൻ പറഞ്ഞത്..'ശാലു മേനോൻ പറയുന്നു -
മുസ്ലീം യുവാവുമായി പ്രണയം, നാട് വിട്ടോടി കേരളത്തിലെത്തി വൈറൽ താരം മോണാലിസ, ഇന്ന് വിവാഹം -
യുദ്ധം കൂടിയാലും സ്വര്ണവില കൂടില്ല.. കാരണം ദുബായ്! യഥാര്ത്ഥത്തില് സംഭവിച്ചത് ഇത്... -
വിജയ് സംഗീത വിവാഹ മോചനത്തിനിടെ ജയം രവിയുടെ വേറിട്ട പ്രതികരണം; സോഷ്യല് മീഡിയയില് ചര്ച്ച -
അവസാന ശ്രമമായി പിണറായിയുടെ വിളി, സുധാകരനെ അനുനയിപ്പിക്കാൻ സിപിഎം നേതാക്കൾ വീണ്ടും വീട്ടിലെത്തി -
സൗദി അറേബ്യ നിര്ത്തിയാലും പ്രശ്നമില്ല; എണ്ണ ഒഴുക്കാന് പാശ്ചാത്യ രാജ്യങ്ങള്, സുപ്രധാന നീക്കം ഇങ്ങനെ -
മോദി ഭക്തയല്ല, നമ്മുടെ പ്രധാനമന്ത്രിയല്ലേ, സ്നേഹമാണ് എന്ന് പ്രിയങ്ക, വര്ക്കലയില് മല്സരിക്കാന് റോബിന് -
നരേന്ദ്ര മോദി ക്ഷണിച്ച പരിപാടിക്ക് ചെന്നപ്പോള് ആധാര് കാര്ഡ് ചോദിച്ചു; തര്ക്കം, അപമാനം എന്ന് മന്ത്രി രാജേഷ് -
മൊണാലിസയുടെ വിവാഹത്തിനെതിരെ ബിജെപി;'ക്ഷേത്രങ്ങൾ നിരീശ്വരവാദികൾക്ക് തോന്നിയവാസം കാട്ടാനുള്ളതല്ല'
Click it and Unblock the Notifications
Sign in with Google