ഇറാന് ഇന്ത്യക്കാര്ക്കുള്ള ഇളവ് അവസാനിപ്പിച്ചു; നവംബര് 22 മുതല് വിസ ചട്ടങ്ങള് മാറ്റി, കാരണം ഇതാണ്
തെഹ്റാന്: ഇന്ത്യക്കാര്ക്ക് വിസ ഇല്ലാതെ പ്രവേശനത്തിന് നല്കിയിരുന്ന അനുമതി ഇറാന് അവസാനിപ്പിച്ചു. ഇനി ഇന്ത്യന് പാസ്പോര്ട്ടുള്ളവര്ക്ക് ഇറാനിലേക്ക് വിസ ഇല്ലാതെ യാത്ര സാധ്യമല്ല. നവംബര് 22 മുതലാണ് പുതിയ മാറ്റം നടപ്പാകുക. ഇന്ത്യക്കാര്ക്ക് അനുവദിച്ചിരുന്ന വിസ രഹിത പ്രവേശന അനുമതി ചിലര് ദുരുപയോഗം ചെയ്തുവെന്ന് കണ്ടെത്തിയതാണ് നടപടിക്ക് കാരണം.
ഇന്ത്യക്കാര്ക്ക് ഇനി മുതല് ഇറാനിലേക്ക് പ്രവേശിക്കണം എങ്കില് വിസ നിര്ബന്ധമാണ്. ഇറാനിലൂടെ മറ്റു രാജ്യങ്ങളിലേക്ക് പോകണം എങ്കിലും വിസ വേണം. കേന്ദ്ര വിദേശകാര്യ മന്ത്രാലയം ഇക്കാര്യത്തില് പ്രത്യേക സര്ക്കുലര് ഇറക്കി. ക്രിമിനല് സംഘങ്ങള് ഇറാന് നല്കിയ ഇളവ് ദുരുപയോഗം ചെയ്യുന്നത് തടയാനാണ് പുതിയ നീക്കമെന്നും സര്ക്കുലറില് പറയുന്നു.
ഇറാനിലെ വ്യാജ ജോലി വാഗ്ദാനത്തില് നിരവധി ഇന്ത്യക്കാര് കുടുങ്ങുന്നുണ്ട്. കൂടാതെ മറ്റു രാജ്യങ്ങളിലേക്കുള്ള യാത്ര വാഗ്ദാനം ചെയ്തും തട്ടിപ്പ് നടക്കുന്നു. ചിലരെ തട്ടിക്കൊണ്ടുപോയി മോചനദ്രവ്യം ആവശ്യപ്പെടുന്ന സംഭവങ്ങളുമുണ്ടായി. നിരന്തരം ഇത്തരം വാര്ത്തകള് വരാന് തുടങ്ങിയ സാഹചര്യത്തിലാണ് വിസ ഇളവ് ഇറാന് അവസാനിപ്പിച്ചത്.
സാമ്പത്തിക ഞെരുക്കം അനുഭവിക്കുന്ന രാജ്യമാണ് ഇറാന്. അമേരിക്കയുടെ ഉപരോധനം ഇറാന് നേരിടുന്നുണ്ട്. ഇതില് നിന്ന് മറികടക്കാനാണ് ടൂറിസം മേഖല പരിപോഷിപ്പിക്കാന് തീരുമാനിച്ചതും വിദേശികളെ ആകര്ഷിക്കാന് ശ്രമിച്ചതും. ഇന്ത്യക്കാര് ഉള്പ്പെടെയുള്ള ഏഷ്യന് രാജ്യങ്ങളില് നിന്നുള്ളവര്ക്ക് വിസ രഹിത യാത്ര ഇറാന് അനുവദിച്ചതും ടൂറിസം ലക്ഷ്യമിട്ടായിരുന്നു.
ചെലവ് കുറഞ്ഞ ടൂറിസം ഇനി ഇല്ല
ഷിയാ വിഭാഗക്കാര്ക്ക് ഭൂരിപക്ഷമുള്ള രാജ്യമാണ് ഇറാന്. നിരവധി ഷിയാ പണ്ഡിതന്മാരുടെ ഖബറിടവും ഇറാനിലുണ്ട്. അതുകൊണ്ടു തന്നെ ഇന്ത്യയില് നിന്നും പാകിസ്താനില് നിന്നുമടക്കം നിരവധി പേര് തീര്ഥാടനത്തിന് ഇറാനിലേക്ക് പോകാറുണ്ടായിരുന്നു. കൂടാതെ വിനോദ സഞ്ചാരത്തിനും എത്താറുണ്ട്. ഇവരില് പലരെയും ദുരുപയോഗം ചെയ്യുന്നതായി കണ്ടെത്തിയതോടെയാണ് നടപടി കടുപ്പിച്ചത്.
ഇന്ത്യന് രൂപയേക്കാള് മൂല്യം കുറവാണ് ഇറാന്റെ റിയാലിന്. അതുകൊണ്ടുതന്നെ ചെലവ് കുറഞ്ഞ വിനോദ സഞ്ചാരം സാധ്യമായിരുന്നു. മാത്രമല്ല, യൂറോപ്പിലേക്കും മധ്യേഷ്യയിലേക്കും ചെലവ് കുറഞ്ഞ യാത്രയ്ക്കും ഇറാന് വഴി അവസരമുണ്ടായിരുന്നു. ഇപ്പോള് എല്ലാം നിര്ത്തിവയ്ച്ചിരിക്കുകയാണ്. ഇനി ഇന്ത്യക്കാര്ക്ക് ഇറാനില് പ്രവേശിക്കണമെങ്കില് നേരത്തെ വിസ എടുക്കേണ്ടത് ആവശ്യമാണ്.
ഇറാനിലേക്ക് പോകുന്നതിന് വിസ വേണ്ട എന്ന ഇളവ് ഒരു വര്ഷം മുമ്പാണ് അനുവദിച്ചിരുന്നത്. ഇതുപ്രകാരം വിസ ഇല്ലാതെ ഇറാനിലെത്തുന്ന ഇന്ത്യക്കാര്ക്ക് 15 ദിവസം അവിടെ തങ്ങാന് സാധിക്കുമായിരുന്നു. അതിന് ശേഷവും ഇറാനില് കഴിയണം എങ്കില് വിസ എടുക്കേണ്ടതുണ്ട്. നിലവിലെ റദ്ദാക്കല് താല്ക്കാലികമാണ് എന്നാണ് റിപ്പോര്ട്ടുകള്. സ്ഥിതിഗതികള് മെച്ചപ്പെടുത്തിയാല് ഒരുപക്ഷേ വിസ ഇളവ് പുനരാരംഭിച്ചേക്കും.
-
പുടിന് ഇറാനെ സഹായിക്കുന്നു: അടുത്തയാഴ്ച്ച ഇറാന് കഠിനമായിരിക്കുമെന്ന് ട്രംപ്: -
ഇറാന്റെ കിരീടത്തിലെ രത്നം.. ഖാര്ഗ് ദ്വീപ് ആക്രമിച്ച് യുഎസ്, സൈനിക കേന്ദ്രം ഇല്ലാതാക്കിയെന്ന് ട്രംപ് -
ഇറാന് വഴിയൊരുക്കി, ഇന്ത്യക്ക് ആശ്വാസം: 40,000 മെട്രിക് ടണ് പാചകവാതകവുമായി കപ്പല് ഇന്ത്യയിലേക്ക് -
ട്രംപും നെതന്യാഹുവും വന്നത് സദ്ദാം പ്ലാനുമായി; ഇറാനില് അടിതെറ്റിച്ചത് ജാഫരിയുടെ മുസൈക് ഡിഫന്സ് -
യാത്രക്കാര്ക്ക് ഇന്ഡിഗോയുടെ ഇരുട്ടടി; വിമാനയാത്ര ഇന്നു മുതല് ചിലവേറും: പുതിയ നിരക്കുകള് ഇങ്ങനെ -
വജ്രായുധവുമായി ഇറാൻ; ഹോർമുസ് കടലിടുക്ക് തുറക്കാം..പക്ഷെ ഒരേയൊരു ഡിമാൻ്റ്..യുഎസ് പെടും?;കുറിപ്പ് -
യുഎഇയും സൗദി അറേബ്യയും പ്ലാന് ബി പുറത്തെടുത്തു; 2 പൈപ്പ് ലൈന് സജീവം, ഹോര്മുസ് വിട്ടു -
പ്രകൃതിവിഭവങ്ങളില് സമ്പന്നര് ഈ രാജ്യങ്ങള്; റഷ്യ മുന്നില്.. സൗദിയും ഇറാനും കരുത്തര് -
ഗൾഫിൽ ഭക്ഷ്യ സുരക്ഷ ഉറപ്പാക്കാൻ ലുലു; ബഹ്റൈനിലേക്ക് പ്രത്യേക വിമാനത്തിൽ പഴം, പച്ചക്കറി എത്തിച്ചു -
വീഡിയോ പകർത്തിയാൽ അകത്താകും; അബുദാബി പൊലീസിന്റെ കർശന നടപടി -
കാത്തിരുന്ന രാജയോഗം വന്നെത്തി... ഇനി പ്രശ്നങ്ങള്ക്കെല്ലാം വിട; ആഗ്രഹിക്കുന്നതെന്തും നടക്കും -
അഹാന എനിക്ക് മെസേജ് ഇട്ടു, വിവാഹം കഴിക്കാൻ പോകുന്നുവെന്ന്; നിമിഷ് രവിയെ കുറിച്ച് തുറന്ന് പറഞ്ഞ് കൃഷ്ണകുമാർ
Click it and Unblock the Notifications
Sign in with Google