• search
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

ഇറാനെതിരേ ആദ്യഘട്ട ഉപരോധം നിലവില്‍ വന്നു; പുതിയ ആണവ കരാറിന് ഒരുക്കമാണെന്ന് ട്രംപ്

  • By desk

വാഷിംഗ്ടണ്‍: ഇറാന്റെ ആണവ-ഭീകര പ്രവര്‍ത്തനങ്ങള്‍ നിയന്ത്രിക്കുന്നതിന്റെ ഭാഗമായി രാജ്യത്തിനെതിരേ അമേരിക്ക ആദ്യഘട്ട സാമ്പത്തിക ഉപരോധം പ്രഖ്യാപിച്ചു. ഇതുമായി ബന്ധപ്പെട്ട ഉത്തരവില്‍ അമേരിക്കന്‍ പ്രസിഡന്റ് തിങ്കളാഴ്ച ഒപ്പുവച്ചതോടെ ഉപരോധങ്ങള്‍ പ്രാബല്യത്തില്‍ വന്നതായി വാര്‍ത്താ ഏജന്‍സികള്‍ റിപ്പോര്‍ട്ട് ചെയ്തു. ഇറാന്‍ ആണവ കരാര്‍ ഉദ്ദേശിച്ച ഫലംനല്‍കുന്നതല്ലെന്ന് ആരോപിച്ച് കഴിഞ്ഞ മെയില്‍ അമേരിക്കന്‍ പ്രസിഡന്റ് ഡൊണാള്‍ഡ് ട്രംപ് കരാറില്‍ നിന്ന് ഏകപക്ഷീയമായി പിന്‍മാറിയിരുന്നു. ഇതിന്റെ പശ്ചാത്തലത്തിലാണ് കരാര്‍ ഒപ്പുവച്ച 2015നു മുമ്പ് നിലവിലുണ്ടായിരുന്ന ഉപരോധങ്ങള്‍ തിരികെ കൊണ്ടുവരാന്‍ ട്രംപ് തീരുമാനിച്ചത്.

കലിയടങ്ങാതെ സൗദി; കാനഡയിലേക്കുള്ള വിമാന സര്‍വീസുകള്‍ റദ്ദാക്കി; സൗദി വിദ്യാര്‍ഥികളെ തിരികെ വിളിക്കും

ഇറാനെതിരേ പരമാവധി സാമ്പത്തിക സമ്മര്‍ദ്ദം ചെലുത്തുകയാണ് ഉപരോധം വീണ്ടും ഏര്‍പ്പെടുത്തിയ നടപടിയിലൂടെ ലക്ഷ്യമിടുന്നതെന്ന് ട്രംപ് അറിയിച്ചു. അതേസമയം, പുതിയൊരു ആണവകരാറുണ്ടാക്കുന്ന കാര്യത്തെ കുറിച്ച് ഇറാനുമായി ചര്‍ച്ചയ്ക്ക് ഒരുക്കമാണെന്നും അദ്ദേഹം പറഞ്ഞു. ആണവ സമ്പുഷ്ടീകരണം, ബാലിസ്റ്റിക് മിസൈല്‍ പദ്ധതി, ഭീകരവാദികള്‍ക്ക് സഹായം തുടങ്ങി ഇറാന്റെ എല്ലാ തെറ്റായ പ്രവര്‍ത്തനങ്ങളും അവസാനിപ്പിക്കാനുതകുന്നതായിരിക്കണം പുതിയ കരാറെന്നും അദ്ദേഹം വ്യക്തമാക്കി.

trump

ഇറാന്റെ കറന്‍സി പ്രശ്‌നം അതിന്റെ പാരമ്യതയില്‍ എത്തി നില്‍ക്കുന്ന പ്രതിസന്ധി ഘട്ടത്തിലാണ് അമേരിക്ക ഉപരോധം ഏര്‍പ്പെടുത്തിയത് എന്ന കാര്യം ശ്രദ്ധേയമാണ്. ഇത് ഇറാന്‍ സാമ്പത്തിക സ്ഥിതിയെ ഗുരുതരമായി ബാധിക്കുമെന്ന കാര്യത്തില്‍ സംശയമില്ല. ഇറാന്‍ റിയാലിന്റെ മൂല്യം റെക്കോഡ് താഴ്ചയിലേക്കെത്തിയതിന്റെ പശ്ചാത്തലത്തില്‍ ഭരണകൂടത്തിനെതിരേ രാജ്യത്തിന്റെ വിവിധ ഭാഗങ്ങളില്‍ പ്രതിഷേധം നിലനില്‍ക്കുകയാണിപ്പോള്‍. ഉപരോധം കൂടി നിലവില്‍ വരുന്നതോടെ സ്ഥിതി കൂടുതല്‍ വഷളാവുമെന്നാണ് വിലയിരുത്തപ്പെടുന്നത്. അടുത്തമാസം മുതല്‍ ഇറാനുമായുള്ള എണ്ണ വ്യാപാരം അവസാനിപ്പിക്കാന്‍ ലോകരാജ്യങ്ങളോട് ട്രംപ് ആഹ്വാനം ചെയ്തിരുന്നു.

പുതിയ ഉപരോധത്തിലൂടെ ു.എസ് ഡോളറുകള്‍, വ്യാവസായിക സോഫ്റ്റ് വെയറുകള്‍, വാഹനങ്ങള്‍ തുടങ്ങിയവ വാങ്ങുന്നതിന് തടസ്സമുണ്ടാവും. ഇറാനെതിരായ ഉപരോധം തിരികെ കൊണ്ടുവന്ന അമേരിക്കന്‍ നടപടി ഖേദകരമാണെന്ന് യൂറോപ്യന്‍ യൂനിയന്‍ പ്രതികരിച്ചു.

lok-sabha-home

English summary
iran nuclear deal

Oneindia യില് നിന്നും തല്സമയ വാര്ത്തകള്ക്ക്
ഉടനടി വാര്ത്തകള് ദിവസം മുഴുവന് ലഭിക്കാന്

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more