പുതിയ ഭീഷണിയുമായി ഇറാന്; ഹോര്മുസ് കടലിടുക്കിലൂടെ ഒരു എണ്ണക്കപ്പലും പോവില്ല, പോവുമെന്ന് യുഎസ്
Recommended Video
തെഹ്റാന്/വാഷിംഗ്ടണ്: ഇറാന്റെ എണ്ണ കയറ്റുമതി തടയാനുള്ള അമേരിക്കയുടെയും സൗദി അറേബ്യയുടെയും നീക്കത്തിനെതിരേ പുതിയ ഭീഷണിയുമായി ഇറാന്.
എണ്ണക്കപ്പലുകളുടെ പ്രധാന സഞ്ചാരപാതയായ ഹോര്മുസ് കടലിടുക്കിലൂടെയുള്ള ചരക്കുനീക്കം തടയുമെന്നാണ് ഇറാന്റെ ഭീഷണി. ഇറാന് എണ്ണ കയറ്റുമതി തടയാനുള്ള യു.എസ് ശ്രമങ്ങള്ക്ക് തിരിച്ചടിയായാണ് ഇറാന് പ്രസിഡന്റ് ഹസന് റൂഹാനി ഇത്തരമൊരു ഭീഷണി മുഴക്കിയത്.
ഇറാന്റെ എണ്ണ വ്യാപാരം തടയാന് നീക്കം
ആണവ കരാറില് നിന്ന് പിന്മാറിയ പശ്ചാത്തലത്തില് ഇറാനെതിരേ ഉപരോധം ശക്തമാക്കാന് അമേരിക്ക തീരുമാനിച്ചതിന്റെ പശ്ചാത്തലത്തിലാണിത്. നവംബര് നാലിന് മുമ്പായി ഇറാനുമായുള്ള എണ്ണ വ്യാപാരം അവസാനിപ്പിക്കണമെന്ന് ട്രംപ് ഭരണകൂടം കമ്പനികളോട് ആവശ്യപ്പെട്ടിരുന്നു. കമ്പോളത്തിലെ എണ്ണ വില നിയന്ത്രിക്കുന്നതിന് കൂടുതല് എണ്ണ ഉല്പ്പാദിപ്പിക്കണമെന്ന അമേരിക്കന് പ്രസിഡന്റിന്റെ ആവശ്യം സൗദി അറേബ്യ അംഗീകരിക്കുകയും ചെയ്തിരുന്നു.
ഹസന് റൂഹാനിയുടെ നിലപാട്
എന്നാല് സൗദി ഉള്പ്പെടെയുള്ള രാജ്യങ്ങളില് നിന്നുള്ള എണ്ണക്കപ്പലുകള് ഹോര്മുസ് വഴി പോവാന് അനുവദിക്കില്ലെന്ന നിലപാടാണ് ഹസന് റൂഹാനി പ്രഖ്യാപിച്ചിരിക്കുന്നത്. പ്രത്യാഘാതം എന്താണെന്നറിയാതെയാണ് അമേരിക്ക ഇറാന്റെ എണ്ണ കയറ്റുമതി തടയുമെന്ന് വീമ്പിളക്കുന്നതെന്ന് കഴിഞ്ഞ ദിവസം അദ്ദേഹം പറയുകയുണ്ടായി.
സൈന്യത്തിന്റെ പിന്തുണ
പ്രാദേശിക രാജ്യങ്ങളുടെ എണ്ണ വ്യാപാരം തടയുന്നതിന്റെ ഭാഗമായി ഹോര്മുസ് കടലിടുക്ക് ഉപരോധിക്കുമെന്ന റൂഹാനിയുടെ നിലപാടിന് പിന്തുണയുമായി ഇറാന് സൈന്യവും രംഗത്തെത്തിയിട്ടുണ്ട്. സമയോചിതവും ധീരവുമായ തീരുമാനമാണിതെന്നും ആവശ്യമെങ്കില് അത് നടപ്പിലാക്കാന് ഇറാന് സൈന്യം സജ്ജമാണെന്നും റവല്യൂഷണറി ഗാര്ഡിന്റെ വിഭാഗമായ ഖുദ്സ് ഫോഴ്സിന്റെ കമാന്റര് മേജര് ജനറല് ഖാസിം സുലൈമാനി വ്യക്തമാക്കി.
ജലഗതാഗതം സംരക്ഷിക്കുമെന്ന് യുഎസ്
അതേസമയം, ഹോര്മുസ് കടലിടുക്ക് വഴിയുള്ള ചരക്കുനീക്കം സുഗഗമായി നടക്കുന്നതിനുള്ള സംവിധാനം ഏര്പ്പെടുത്തുമെന്ന് അമേരിക്കന് സൈന്യം വ്യക്തമാക്കി. പ്രാദേശിക സഖ്യകക്ഷികളുമായി ചേര്ന്ന് ഇതുവഴിയുള്ള സ്വതന്ത്രഗതാഗതം സാധ്യമാക്കാന് ആവശ്യമായതെല്ലാം ചെയ്യുമെന്ന് യു.എസ് മിലിറ്ററി സെന്ട്രല് കമാന്റ് വക്താവ് കാപ്റ്റന് ബില് ഉര്ബന് വ്യക്തമാക്കി. അന്താരാഷ്ട്ര നിയമം അനുവദിക്കുന്ന പ്രദേശങ്ങളിലൂടെയുള്ള യാത്ര വിലക്കാന് ആര്ക്കും അധികാരമില്ലെന്നും അദ്ദേഹം ചൂണ്ടിക്കാട്ടി.
-
യുഎസ് കേന്ദ്രങ്ങള് ഉടന് അടച്ചുപൂട്ടണം, ഹോര്മുസ് തുറക്കില്ല, പകരം ചോദിക്കുമെന്ന് മുജ്തബ ഖാംനഇ -
ഇന്ധനക്ഷാമം രൂക്ഷമാകുന്നു; 'വർക്ക് ഫ്രം ഹോം' വേണമെന്ന ആവശ്യം ശക്തമാകുന്നു -
പുതിയ വീടും കാറും, കൈനിറയെ പൊന്നും! ഇന്നേക്ക് നാലാം നാള് ഈ രാശിക്കാരുടെ നല്ലസമയം -
ദേശീയപാത 66;തലപ്പാടി-ചെങ്കള, രാമനാട്ടുകര-വെങ്ങളം റീച്ച് ഉദ്ഘാടനം ഇന്ന്; ബഹിഷ്കരിച്ച് സംസ്ഥാന സർക്കാർ -
കാവ്യയെ ആണ് ആദ്യം വിളിച്ചത്, പിന്നാലെ ദിലീപേട്ടനെ വിളിച്ചു, നടൻ പറഞ്ഞത്..'ശാലു മേനോൻ പറയുന്നു -
മുസ്ലീം യുവാവുമായി പ്രണയം, നാട് വിട്ടോടി കേരളത്തിലെത്തി വൈറൽ താരം മോണാലിസ, ഇന്ന് വിവാഹം -
യുദ്ധം കൂടിയാലും സ്വര്ണവില കൂടില്ല.. കാരണം ദുബായ്! യഥാര്ത്ഥത്തില് സംഭവിച്ചത് ഇത്... -
വിജയ് സംഗീത വിവാഹ മോചനത്തിനിടെ ജയം രവിയുടെ വേറിട്ട പ്രതികരണം; സോഷ്യല് മീഡിയയില് ചര്ച്ച -
അവസാന ശ്രമമായി പിണറായിയുടെ വിളി, സുധാകരനെ അനുനയിപ്പിക്കാൻ സിപിഎം നേതാക്കൾ വീണ്ടും വീട്ടിലെത്തി -
സൗദി അറേബ്യ നിര്ത്തിയാലും പ്രശ്നമില്ല; എണ്ണ ഒഴുക്കാന് പാശ്ചാത്യ രാജ്യങ്ങള്, സുപ്രധാന നീക്കം ഇങ്ങനെ -
മോദി ഭക്തയല്ല, നമ്മുടെ പ്രധാനമന്ത്രിയല്ലേ, സ്നേഹമാണ് എന്ന് പ്രിയങ്ക, വര്ക്കലയില് മല്സരിക്കാന് റോബിന് -
നരേന്ദ്ര മോദി ക്ഷണിച്ച പരിപാടിക്ക് ചെന്നപ്പോള് ആധാര് കാര്ഡ് ചോദിച്ചു; തര്ക്കം, അപമാനം എന്ന് മന്ത്രി രാജേഷ്
Click it and Unblock the Notifications
Sign in with Google