ഇബ്രാഹിം റെയ്‌സിയുടെ ജീവനെടുത്തതും പേജർ? ദുരൂഹത ഉന്നയിച്ച് ഇറാന്‍ പാര്‍ലമെന്റ് അംഗം

ടെഹ്റാന്‍:ഇറാന്‍ മുൻ പ്രസിഡന്റ് ഇബ്രാഹിം റെയ്‌സിയുടെ മരണത്തിനിടയാക്കിയ ഹെലികോപ്റ്റര്‍ അപകടത്തിന് പിന്നില്‍ ഗൂഡാലോചന സംശയിച്ച് ഇറാനിയന്‍ പാർലമെന്റ് അംഗം. ഇബ്രാഹിം റെയ്‌സി ഉപയോഗിച്ചിരുന്ന പേജര്‍ പൊട്ടിത്തെറിച്ചതാണ് അപകടത്തിനിടയാക്കിയതെന്നാണ് ഇറാനിലെ പാര്‍ലമെന്റ് അംഗം അഹമ്മദ് ബഖ്ഷയെഷ് ആര്‍ദേസ്താനി ആരോപിക്കുന്നത്.

സെപ്തംബർ 16നും 17നും രണ്ട് ദിവസങ്ങളിലായി നടന്ന ആക്രമണത്തിൽ ഹിസ്ബുല്ല അംഗങ്ങൾ ഉപയോഗിച്ചിരുന്ന പേജറുകളും വാക്കി ടോക്കികളും പൊട്ടിത്തെറിച്ച് വലിയ നാശനഷ്ടങ്ങള്‍ ഉണ്ടായിരുന്നു. ആ ആക്രമണങ്ങളിലെ ആകെ മരണസംഖ്യ 39 ആയി ഉയർന്നു, 3,000-ത്തിലധികം പേർക്ക് പരിക്കേറ്റു. ആക്രമണം നടത്തിയത് ഇസ്രായേൽ ആണെന്ന് പരക്കെ വിശ്വസിക്കപ്പെടുന്നുണ്ടെങ്കിലും ഇക്കാര്യത്തില്‍ ഇസ്രായേലിന്റെ ഭാഗത്ത് നിന്നും ഇതുവരെ ഒരു പ്രതികരണവും ഉണ്ടായിട്ടില്ല.

"ഇറാൻ പ്രസിഡൻ്റ് ഇബ്രാഹിം റെയ്‌സിയുടെ മരണത്തിനിടയാക്കിയ മാരകമായ ഹെലികോപ്റ്റർ അപകടത്തിനിടയാക്കിയ സാഹചര്യം അദ്ദേഹത്തിൻ്റെ പേജർ പൊട്ടിത്തെറിച്ചതാണ്," അർഡെസ്താനി ഇറാനിയൻ വാർത്താ മാധ്യമങ്ങളോട് പറഞ്ഞു. "റൈസി ഒരു പേജർ ഉപയോഗിച്ചിരുന്നു. അദ്ദേഹം ഉപയോഗിച്ച പേജറിൻ്റെ തരം ഹിസ്ബുള്ള ഉപയോഗിച്ചിരുന്നതില്‍ നിന്നും വ്യത്യസ്തമായിരിക്കാം. എന്നിരുന്നാലും, ഹെലികോപ്റ്റർ തകരാൻ സാധ്യതയുള്ള ഒരു സാഹചര്യം അദ്ദേഹത്തിൻ്റെ പേജർ പൊട്ടിത്തെറിച്ചതാണ്, "അദ്ദേഹം പറഞ്ഞു.

പേജറുകൾ വാങ്ങിയതിൽ ഇറാന് പങ്കുണ്ടെന്നും അദ്ദേഹം സൂചിപ്പിച്ചു. ഹിസ്ബുള്ളയുടെ പേജറുകൾ വാങ്ങുന്നതിൽ (ഇറാൻ സേന) തീർച്ചയായും ഒരു പങ്കുവഹിച്ചു, അതിനാൽ നമ്മുടെ സ്വന്തം രഹസ്യാന്വേഷണ ഏജൻസികളും ഇക്കാര്യം അന്വേഷിക്കണം ഇറാഖി പാർലമെൻ്റ് സ്പീക്കർ മുഹമ്മദ് അൽ-ഹൽബൂസിയുടെയും ഫോട്ടോ വൈറലായതിന് പിന്നാലെയാണ് റൈസി ഒരു പേജർ ഉപയോഗിച്ചതെന്ന സിദ്ധാന്തം വ്യാപകമായി പ്രചരിക്കാൻ തുടങ്ങിയത്.

പ്രചരിക്കുന്നഫോട്ടോയിൽ, പശ്ചാത്തലത്തിൽ ഒരു പേജർ മേശപ്പുറത്ത് സൂക്ഷിച്ചിരിക്കുന്നത് കാണാം. എന്നാല്‍ ഹിസ്ബുള്ള തീവ്രവാദികൾ ഉപയോഗിച്ചിരുന്ന പേജർ ബ്രാൻഡ് തന്നെയാണോ ഇതെന്ന് വ്യക്തമല്ല.
കനത്ത മൂടൽമഞ്ഞ് ഉൾപ്പെടെയുള്ള കഠിനമായ കാലാവസ്ഥയാണ് പ്രധാനമായും ഇബ്രാഹിം റെയ്‌സിയുടെ മരണത്തിൽ കലാശിച്ച ഹെലികോപ്റ്റർ അപകടത്തിന് കാരണമായതെന്നാണ് ഇറാൻ സർക്കാർ ഈ മാസം ആദ്യം പുറത്തിറക്കിയ അന്തിമ അന്വേഷണ റിപ്പോർട്ടിൽ പറയുന്നത്.

അതേസമയം, പേജർ ആക്രമണങ്ങളുടെ പശ്ചാത്തലത്തില്‍ ഇറാനിലെ എലൈറ്റ് റെവല്യൂഷണറി ഗാർഡ്സ് കോർപ്സ് എല്ലാ അംഗങ്ങളോടും ഏതെങ്കിലും തരത്തിലുള്ള ആശയവിനിമയ ഉപകരണങ്ങൾ ഉപയോഗിക്കുന്നുണ്ടെങ്കില്‍, അതെല്ലാം ഒഴിവാക്കാന്‍ നിർദേശിച്ചു. ആശയവിനിമയ ഉപകരണങ്ങൾ മാത്രമല്ല, എല്ലാ ഉപകരണങ്ങളും പരിശോധിക്കാൻ ഐ ആർ ജി സി വലിയ തോതിലുള്ള പ്രവർത്തനം നടത്തുന്നുണ്ടെന്നും സുരക്ഷാ ഉദ്യോഗസ്ഥരെ ഉദ്ധരിച്ചുള്ള റിപ്പോർട്ടില്‍ പറയുന്നു. ഈ ഉപകരണങ്ങളിൽ ഭൂരിഭാഗവും ഇറാനില്‍ നിർമ്മിച്ചതോ ചൈനയിൽ നിന്നും റഷ്യയിൽ നിന്നും ഇറക്കുമതി ചെയ്തതോ ആണെന്ന് അദ്ദേഹം പറഞ്ഞു.