ഇസ്ലാം മതം ഉപേക്ഷിച്ചയാളെ ഐസിസ് തലവെട്ടിക്കൊന്നു, കുരിശേറ്റി

ദമാസ്‌കസ്: ഐസിസ്‌ന്റെ ക്രൂരകൃത്യങ്ങള്‍ ഓരോദിവസവും വര്‍ദ്ധിച്ചുവരികയാണ്. ഇസ്ലാം മതം ഉപേക്ഷി ആളെ കഴുത്തറുത്ത് കൊന്ന വാര്‍ത്തയാണ് സിറിയയില്‍ നിന്ന് വരുന്നത്.

ജ്യൂസ്‌ന്യൂസ് ആണ് ഈ വാര്‍ത്ത റിപ്പോര്‍ട്ട് ചെയ്തിരിയ്ക്കുന്നത്. ഇസ്ലാം മതം സ്വീകരിച്ചതിന് ശേഷം മതം ഉപേക്ഷിച്ച ആളാണ് കൊല്ലപ്പെട്ടതെന്നാണ് റിപ്പോര്‍ട്ട്. കൊല്ലപ്പെട്ട ആളുടെ ചിത്രങ്ങളും പ്രസിദ്ധീകരിച്ചിട്ടുണ്ട്.

'റിദ്ദ' എന്ന കുറ്റകൃത്യമാണ് ഇയാള്‍ ചെയ്തതെന്ന് ശവശരീരത്തില്‍ എഴുതിവച്ചിട്ടുണ്ട്. ഇസ്ലാമിനെ ഉപേക്ഷിച്ചു എന്നാണ് കുറ്റം. പൊതുവെ ഇസ്ലാമില്‍ നിന്ന് ക്രിസ്ത്യന്‍ മതത്തിലേയ്ക്ക് മാറുന്നവരെയാണ് ഇങ്ങനെ വിളിയ്ക്കാറുള്ളതെന്നും ജ്യൂസ് ന്യൂസ് റിപ്പോര്‍ട്ട് ചെയ്യുന്നു.

ഇഷാന്‍ അഹമ്മദ് എന്ന സകീര്‍ ആണ് ഐസിസ്‌ന്റെ ക്രൂരതയ്ക്ക് ഇരയായതെന്നാണ് റിപ്പോര്‍ട്ട്. കൊലപതാകത്തിന്റെ ചിത്രങ്ങളെല്ലാം തന്നെ പ്രസിദ്ധീകരിയ്ക്കാന്‍ സാധ്യമല്ലാത്തവിധം ഭീതിയുണര്‍ത്തുന്നതാണ്.

മതം മാറ്റം മാത്രമല്ല ഇയാള്‍ക്കെതിരെ ചുമത്തിയിട്ടുള്ള കുറ്റം. മതനിന്ദ നടത്തിയെന്ന കുറ്റവും ഉണ്ട്. ഐസിസിന്റെ നിയമാവലി പ്രകാരം ഇതിന് വധശിക്ഷയില്‍ കുറഞ്ഞ ഒരു കുറ്റവും ഇല്ല.

English summary

ISIS beheaded and crucified a man who left Islam.