ഐസിസിന്റെ പരിശീലനം... തീവ്രവാദ പ്രവര്ത്തനം സര്ക്കസ് കളിയാണോ!
ബാഗ്ദാദ്: തീവ്രവാദ പ്രവര്ത്തനം എന്ന് പറഞ്ഞാല് സര്ക്കസ്സുകളിയല്ലെന്ന് എല്ലാവര്ക്കും അറിയാം. കാരണം അവര് ലോകത്തോട് കാണിയ്ക്കുന്ന ക്രൂരതകള് അത്രയ്ക്ക് വലുതാണല്ലോ...
എന്നാല് ഐസിസ് ഒടുവില് പുറത്ത് വിട്ട പുതിയ വീഡിയോയിലെ ചില ഭാഗങ്ങള് കണ്ടാല് ഒരു സര്ക്കസ് പരിശീലനം ആണ് ഓര്മ വരിക. എന്നാല് ഞെട്ടിപ്പിയ്ക്കുന്ന ക്രൂര ദൃശ്യങ്ങളും ഇതിലുണ്ട്.
പത്ത് മിനിട്ട് ദൈര്ഘ്യമുള്ള വീഡിയോ ആണ് പുറത്ത് വിട്ടിട്ടുള്ളത്. കറുത്ത വസ്ത്രം ധരിച്ച് എകെ 47 തോക്കുളേന്തിയാണ് ഭീകരര് നില്ക്കുന്നത്. ഏത് സാഹചര്യങ്ങളും നേരിടാന് പ്രാപ്തരാക്കുന്നതാണ് ഈ പരിശീലനങ്ങള് എന്നാണ് വിലയിരുത്തുന്നത്.
നാം സര്ക്കസ്സില് കാണുന്നത് പോലെ തീ വളയത്തിനുള്ളിലൂടെ ചാടുന്നതിനുള്ള പരിശീലനങ്ങള് നല്കുന്നുണ്ട്. തീയിലൂടെ ഓടാനും ഉണ്ട് പരിശീലനം. പരിക്കേറ്റവരെ എങ്ങനെ രക്ഷിച്ചുകൊണ്ടുപോകാം എന്നതും ഇതിലൂടെ പഠിപ്പിയ്ക്കുന്നുണ്ട്.
സിറിയയില് വച്ചാണ് ഈ ദൃശ്യങ്ങള് ചിത്രീകരിച്ചിട്ടുള്ളതെന്നാണ് റിപ്പോര്ട്ടുകള്. എന്നാല് ഇതിന്റെ ആധികാരികത ഇതുവരെ ആരും സ്ഥിരീകരിച്ചിട്ടില്ല.
പത്ത് പേരെ പിറകില് നിന്ന് വെടിവച്ച് കൊല്ലുന്ന വേറൊരു വീഡിയോ കൂടി പുറത്ത് വിട്ടിട്ടുണ്ടെന്ന് റിപ്പോര്ട്ടുകളുണ്ട്. ഓറഞ്ച് നിറത്തിലുള്ള മേല് വസ്ത്രത്തിന് കരം ഇപ്പോള് നീല മേല് വസ്ത്രങ്ങളാണത്രെ ഇരകളെ ധരിപ്പിച്ചിട്ടുള്ളത്.