Click it and Unblock the Notifications
Just In
Don't Miss
-
ഉര്വശി ചിത്രത്തില് ദിലീപിന് കിട്ടിയത് 3000 രൂപ; അദ്ദേഹം കരഞ്ഞുകൊണ്ട് എന്റെ അടുത്ത് വന്നു; വിജി തമ്പി -
IPL 2024: ഡുപ്ലെസിയുടെ മാരക പ്ലാന്! 'ദുരന്തം' ബൗളിങ് വച്ച് കളി ജയിച്ചതെങ്ങനെ? അറിയാം -
മുടിയുടെ കരുത്ത് ഉറപ്പ് നല്കും മുട്ട, വീട്ടില് എളുപ്പത്തില് തയ്യാറാക്കാവുന്ന എഗ്ഗ് ഹെയര്പാക്കുകള് -
ബിഎസ്എൻഎൽ 4ജി മരിച്ചിട്ടില്ല! 15000 കോടിയുടെ കരാർ: ടിസിഎസ് 4 ഡാറ്റ സെന്ററുകൾ സ്ഥാപിക്കും -
'സീറോ ടു ഹീറോ'... ടാറ്റയെ പ്രശംസിച്ച് ക്രാഷ് ടെസ്റ്റിംഗ് ഏജന്സി! മാരുതി കണ്ട് പഠിക്കട്ടെ -
മൾട്ടിബാഗർ റെയിൽവേ ഓഹരികൾ, ഇപ്പോൾ വാങ്ങിയാൽ 30% നേട്ടമുണ്ടാക്കാം, കൂടെക്കൂട്ടുന്നോ -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
ഭീഷണിയുമായി വീണ്ടും ഇസ്രായേല്‍: സിറിയയിലെ ഇറാന്‍ സൈനിക കേന്ദ്രങ്ങള്‍ തകര്‍ക്കും
തെല്‍അവീവ്: സിറിയയിലെ ഇറാന്‍ സൈനിക കേന്ദ്രങ്ങള്‍ ആക്രമിക്കുമെന്ന് ഇസ്രായേല്‍ പ്രധാനമന്ത്രി ബെഞ്ചമിന്‍ നെതന്യാഹുവിന്റെ മുന്നറിയിപ്പ്. സിറിയയും ഇറാനും പുതിയ സുരക്ഷാ സഹകരണ കരാറില്‍ ഒപ്പുവച്ച പശ്ചാത്തലത്തിലാണ് ഈ ഭീഷണി. സിറയയില്‍ സൈന്യത്തെ വിന്യസിക്കാനും ആധുനിക ആയുധങ്ങള്‍ സ്ഥാപിക്കാനുമുള്ള ഇറാന്റെ ഏത് നീക്കത്തെയും ഇസ്രായേല്‍ ശക്തമായി ചെറുക്കുമെന്ന് പ്രധാനമന്ത്രി വ്യക്തമാക്കി.
സിറിയയും ഇറാനും തമ്മിലുള്ള ഒരു കരാറും ഇതില്‍ നിന്ന് ഞങ്ങളെ തടയില്ല. ഒരു ഭീഷണിയും ഞങ്ങള്‍ക്ക് ഇക്കാര്യം തടസ്സമാവില്ല- നെതന്യാഹു പറഞ്ഞു. ഇസ്രായേലിന്റെ ആണവ കേന്ദ്രങ്ങള്‍ക്ക് മുന്‍ പ്രസിഡന്റ് ഷിമോണ്‍ പെരസിന്റെ പേര് നല്‍കുന്ന ചടങ്ങില്‍ സംസാരിക്കുകയായിരുന്നു നെതന്യാഹു.
സിറിയയുമായി ഉണ്ടാക്കിയ സുരക്ഷാ സഹകരണ കരാറിന്റെ അടിസ്ഥാനത്തില്‍ ഇറാന്‍ സൈന്യം സിറിയയില്‍ തുടരുമെന്ന് കഴിഞ്ഞ ദിവസം ദമസ്‌ക്കസിലെ ഇറാന്‍ സൈനിക സ്ഥാനപതി പറഞ്ഞിരുന്നു.സിറിയയുടെ അഖണ്ഡതയും സ്വാതന്ത്ര്യവും പരമാധികാരവും സംരക്ഷിക്കുന്നതിന് അവരെ പിന്തുണയ്ക്കുകയെന്ന ലക്ഷ്യത്തോടെയാണ് ഇരുരാജ്യങ്ങളും തമ്മില്‍ സുരക്ഷാ കരാറില്‍ ഒപ്പുവച്ചിരിക്കുന്നതെന്നും ബ്രിഗേഡിയര്‍ ജനറല്‍ അബുല്‍ഖാസിം അലിനെജാദ് പറയുകയുണ്ടായി.
ഏഴുവര്‍ഷത്തിലേറെയായി തുടരുന്ന സിറിയന്‍ ആഭ്യന്തര സംഘര്‍ഷത്തില്‍ വിമത സൈനികര്‍ക്കെതിരായ പോരാട്ടത്തില്‍ പ്രസിഡന്റ് ബശ്ശാറുല്‍ അസദിന് രാഷ്ട്രീയവും സാമ്പത്തികവും സൈനികവുമായ പിന്തുണ ഇറാന്‍ നല്‍കിവരുന്നുണ്ട്. സിറിയയിലെ ഇറാന്‍ സൈനിക കേന്ദ്രങ്ങള്‍ക്കെതിരേ നേരത്തെ ഇസ്രായേല്‍ നിരവധി ആക്രമണങ്ങള്‍ നടത്തിയിരുന്നു. ലബനാനിലെ ശിയാ സായുധ വിഭാഗമായ ഹിസ്ബുല്ലയ്ക്ക് ഇറാന്‍ ആയുധങ്ങള്‍ നല്‍കുന്നുവെന്നാരോപിച്ചായിരുന്നു ആക്രമണം.
ശക്തിയുള്ളവരുടെ കൂടെയാണ് എപ്പോഴും ലോകമെന്നും ശക്തിയില്ലാത്തവര്‍ എപ്പോഴും ആക്രമിക്കപ്പെടുമെന്നുമുള്ള തത്വം ലോകത്തെവിടെയുമെന്ന പോലെ മിഡിലീസ്റ്റിലും നിലനില്‍ക്കുമെന്നും നെതന്യാഹു തന്റെ പ്രസംഗത്തില്‍ പറഞ്ഞു.
