Click it and Unblock the Notifications
Just In
Don't Miss
-
കോടിക്കണക്കിന് രൂപയുടെ ആസ്തി... ആഡംബര കാറുകള് എന്നിട്ടും മക്കൾക്കൊപ്പം ഓട്ടോയിൽ സഞ്ചരിച്ച് നയൻതാര! -
IPL 2024: ഒരോവറില് 5 റണ്സ് മാത്രം, എന്നിട്ടും ബൗളര്ക്കു പിന്നെ ഓവറില്ല! റുതുരാജ് എന്തൊരു ദുരന്തം? -
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള് -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
ജെറൂസലേം: രണ്ട് പലസ്തീന്‍ പ്രതിഷേധകരെ കൂടി ഇസ്രായേല്‍ വധിച്ചു
ഗസ സിറ്റി: ജറൂസലേം ഇസ്രായേലിന്റെ തലസ്ഥാനമായി അംഗീകരിച്ച യുഎസ് പ്രസിഡന്റ് ഡൊണാള്‍ഡ് ട്രംപിന്റെ പ്രഖ്യാപനത്തിനെതിരെ പ്രതിഷേധിച്ച പലസ്തീനികളെ ഇസ്റായേല്‍ സൈന്യം വധിച്ചു. ഗസയില്‍ നടന്ന പ്രതിഷേധപ്രകടനത്തിനെതിരേ ഇസ്രായേല്‍ സൈന്യം നടത്തിയ ആക്രണത്തിലാണ് രണ്ടു പേര്‍ കൊല്ലപ്പെട്ടത്. ഇതില്‍ 24കാരനായ സക്കരിയ്യ അല്‍ കഫാര്‍നെ ഇസ്രായേല്‍ സൈന്യത്തിന്റെ വെടിയുണ്ടയേറ്റാണ് മരണപ്പെട്ടതെന്ന് പ്രാദേശിക മാധ്യമങ്ങള്‍ റിപ്പോര്‍ട്ട് ചെയ്തു. കൊല്ലപ്പെട്ട രണ്ടാമത്തെയാളെ തിരിച്ചറിഞ്ഞിട്ടില്ല.
ഇസ്റായേലുമായി അതിര്‍ത്തി പങ്കിടുന്ന വടക്കന്‍ ഗസയിലാണ് സംഭവം. ഇവിടെ പ്രക്ഷോഭത്തിലേര്‍പ്പെട്ട ഫലസ്തീനികള്‍ക്കു നേരെ സൈന്യം ആക്രമണം നടത്തുകയായിരുന്നു. വെടിയുണ്ടകളും കണ്ണീര്‍ വാതകവും ഗ്രനേഡുകളും ഉപയോഗിച്ചാണ് സൈന്യം പ്രക്ഷോഭകരെ നേരിട്ടതെന്ന് മആന്‍ വാര്‍ത്താ ഏജന്‍സി വ്യക്തമാക്കി. ആക്രമണത്തില്‍ 70 പേര്‍ക്ക് പരുക്കേല്‍ക്കുകയും ചെയ്തതായി ഫലസ്തീന്‍ ആരോഗ്യമന്ത്രാലയം അറിയിച്ചു. ഡിസംബര്‍ ആറിന്, ജറൂസലേമിനെ ഇസ്റായേലിന്റെ തലസ്ഥാനമായി അമേരിക്കന്‍ പ്രസിഡന്റ് ഡൊണാള്‍ഡ് ട്രംപ് പ്രഖ്യാപിച്ചതിന്റെ ശേഷം തുടര്‍ച്ചയായ മൂന്നാമത്തെ വെള്ളിയാഴ്ചയും ശക്തമായ പ്രതിഷേധമാണ് ഫലസ്തീനിന്റെ വിവിധ പ്രദേശങ്ങളില്‍ നടന്നുവരുന്നത്.
ഇവര്‍ക്കു നേരെ ഇസ്റായേല്‍ നടത്തിയ ആക്രമണത്തില്‍ ഇതിനകം എട്ടു പലസ്തീനികള്‍ കൊല്ലപ്പെട്ടു. ഇരുകാലുകളും നഷ്ടപ്പെട്ട് വീല്‍ ചെയറില്‍ സഞ്ചരിക്കുകയായിരുന്ന ഇബ്രാഹീം അബൂ തുറയ്യയും കൊല്ലപ്പെട്ടവരില്‍പ്പെടും. അമേരിക്കന്‍ തീരുമാനത്തില്‍ പ്രതിഷേധിച്ച ഇദ്ദേഹത്തെ ഇസ്രായേല്‍ സൈന്യം വെടിവച്ചുകൊല്ലുകയായിരുന്നു. ഗസയില്‍ മാത്രം ഇതോടെ മരണം ആറായി ഉയര്‍ന്നു. നൂറുകണക്കിനാളുകള്‍ ഇസ്രായേല്‍ ആക്രമണങ്ങളില്‍ പരിക്കേറ്റ് ആശുപത്രിയില്‍ ചികില്‍സയിലാണെന്ന് പലസ്തീന്‍ ആരോഗ്യമന്ത്രാലയം വ്യക്തമാക്കി. ഇസ്രായേലി അതിക്രമങ്ങള്‍ക്കെതിരേ പ്രതിഷേധിച്ച 16കാരി അഹദ് തമീമിയടക്കം 500 ലേറെ പേരെ ഇസ്രായേല്‍ അറസ്റ്റ് ചെയ്യുകയുമുണ്ടായി.
