ജാക്ക് ഡോഴ്സി ഒഴിഞ്ഞു: ട്വിറ്ററിന്റെ പുതിയ സിഇഒ ആയി ഇന്ത്യന് വംശജന് പരാഗ് അഗ്രവാൾ
ന്യൂയോർക്ക്: ഇന്ത്യന് വംശജനായ പരാഗ് അഗ്രവാള് ട്വിറ്ററിന്റെ പുതിയ സിഇഒ ആവും. ട്വിറ്റർ സഹസ്ഥാപകനും സി ഇ ഒയുമായിരുന്ന ജാക്ക് ഡോഴ്സി കമ്പനിയിൽനിന്ന് രാജിവെച്ചതിന് പിന്നാലെയാണ് പരാഗ് അഗ്രവാള് പകരക്കാരനായി എത്തുമെന്ന് ട്വിറ്റർ ഔദ്യോഗികമായി വ്യക്തമാക്കിയത്. ട്വിറ്ററിൽ കൂടിയായിരുന്നു ജാക്ക് ഡോഴ്സി തന്റെ രാജിക്കാര്യം പുറത്ത് വിട്ടത്. കമ്പനി സി ഇ ഒ സ്ഥാനത്തിന് പുറമെ ബോർഡ് ചെയർമാൻ സ്ഥാനവും ജാക്ക് ഒഴിഞ്ഞു.
ട്വിറ്റർ ബോർഡ് പുറത്താക്കുകയാണെന്ന മണിക്കൂറുകൾ നീണ്ട ഊഹാപോഹങ്ങൾക്ക് ശേഷമായിരുന്നു ഡോർസി തന്നെ രാജി സ്ഥിരീകരിച്ചത്. "ഞാൻ ട്വിറ്റർ വിടാൻ തീരുമാനിച്ചു, കാരണം കമ്പനി അതിന്റെ സ്ഥാപകരിൽ നിന്നും മുന്നോട്ട് പോകാൻ തയ്യാറാണെന്ന് ഞാൻ വിശ്വസിക്കുന്നു. ബോർഡ് എല്ലാ സാധ്യതകളും പരിഗണിച്ച് കർശനമായ തീരുമാനം എടുത്തു. പുതിയ സിഇഒ ആയി ഏകകണ്ഠമായി പരാഗിനെ നിയമിച്ചു. എന്റെ തിരഞ്ഞെടുപ്പായിരുന്നു അദ്ദേഹം. കമ്പനിയെയും അതിന്റെ ആവശ്യങ്ങളെയും മനസ്സിലാക്കുന്നു. അദ്ദേഹം വളരെ ആഴത്തില് പ്രവർത്തിക്കുന്ന വ്യക്തിയാണ്"- ട്വിറ്റർ ജീവനക്കാർക്ക് അയച്ച സന്ദേശത്തിൽ ജാക്ക് പറയുന്നു.
ഈ കമ്പനിയെ മാറ്റിമറിക്കുന്നതില് സഹായിച്ച എല്ലാ നിർണായക തീരുമാനങ്ങൾക്കും പിന്നിൽ പരാഗ് ഉണ്ടായിരുന്നു. അവൻ ജിജ്ഞാസയും അന്വേഷണവും യുക്തിബോധവും സർഗ്ഗാത്മകതയും ആവശ്യപ്പെടുന്നവനും സ്വയം ബോധമുള്ളവനും എളിമയുള്ളവനുമാണ്. ഞാൻ ദിവസവും പഠിക്കുന്ന ഒരാള് കൂടിയാണ് പരാഗ്. എന്റെ വിശ്വാസം നിങ്ങളുടെ സിഇഒ എന്ന നിലയിൽ അദ്ദേഹത്തിന് വളരെ മികച്ച രീതിയില് പ്രവർത്തിക്കാന് സാധിക്കുമെന്നും അദ്ദേഹം കൂട്ടിച്ചേർത്തു. ഒരു കമ്പനി "സ്ഥാപകന്റെ നേതൃത്വത്തിൽ" എന്നതിന്റെ പ്രാധാന്യത്തെക്കുറിച്ച് ധാരാളം ചർച്ചകൾ നടക്കുന്നുണ്ട്. ആത്യന്തികമായി അത് ഗുരുതരമായ പരിമിതികളും പരാജയത്തിന്റെ ഒരു പോയിന്റും ആണെന്നാണ് ഞാൻ വിശ്വസിക്കുന്നതെന്നും അദ്ദേഹം പറഞ്ഞ,
Recommended Video
സ്റ്റാൻഫോർഡ് സർവകലാശാലയിൽ നിന്ന് കമ്പ്യൂട്ടർ സയൻസിൽ പിഎച്ച്ഡി നേടുന്നതിന് മുമ്പ് ഐഐടി മുംബൈയിൽ നിന്ന് ബിരുദം നേടിയ അഗർവാൾ, മൈക്രോസോഫ്റ്റ്, യാഹൂ, എടി എന്നിവയിൽ ജോലി ചെയ്തിട്ടുണ്ട്. ട്വിറ്റർ സിഇഒ ആയി പരാഗ് എത്തിയതോടെ ഗൂഗിളിന്റെ സുന്ദർ പിച്ചൈ, മൈക്രോസോഫ്റ്റിന്റെ സത്യ നാദെല്ല, ഐബിഎമ്മിന്റെ ആർവിംഗ് കൃഷ്ണ, അഡോബിന്റെ ശന്തനു നാരായൺ എന്നിങ്ങനെ അര ഡസനിലധികം ആഗോള ടെക് ഭീമന്മാർക്ക് ചുക്കാൻ പിടിക്കുന്നവരായി ഇന്ത്യൻ വംശജർമാറി.
Click it and Unblock the Notifications
Sign in with Google