• search

ജോസഫ് അന്നംകുട്ടി ജോസിന്റെ 'ബറീഡ് തോട്ട്സ്' (കുഴിച്ചുമൂടപ്പെട്ട ഓർമ്മകൾ) എന്ന പുസ്തകം പ്രകാശനം ചെയ്തു.

  • By Desk
Subscribe to Oneindia Malayalam
For Quick Alerts
ALLOW NOTIFICATIONS
For Daily Alerts

    ഷാർജ: സാമൂഹ്യമാദ്ധ്യമങ്ങളിലെ പുതിയ തരംഗവും എഴുത്തുകാരനും നടനും ബ്ലോഗറുമായ ജോസഫ് അന്നംകുട്ടി ജോസിന്റെ 'ബറീഡ് തോട്ട്സ്' (കുഴിച്ചുമൂടപ്പെട്ട ഓർമ്മകൾ) എന്ന പുസ്തകം ഷാർജ അന്താരാഷ്ട്രപുസ്തകമേളയിൽ പ്രകാശനം ചെയ്യപ്പെട്ടു. റൈറ്റേഴ്സ് ഫോറത്തിൽ വച്ച് നടന്ന ചടങ്ങിൽ ജോസഫ് അന്നംകുട്ടി ജോസിൽ നിന്ന് അദ്ദേഹത്തിന്റെ പിതാവ് പുസ്തകം ഏറ്റുവാങ്ങി. പുസ്തകത്തിന്റെ പേര് സൂചിക്കുന്നതുപോലെ, മറവിയുടെ കാണാപ്പുറങ്ങളിൽ കുഴിച്ചുമൂടാനായി കാത്തുവച്ച ഓർമ്മകളുടെയും ചിന്തകളുടെയും സമാഹാരമാണ് പുസ്തകത്തിലുള്ളത്.

    തന്നെ സ്നേഹിച്ചവരേക്കുറിച്ചും തനിക്ക് സ്നേഹിക്കാൻ കഴിയാത്തവരേക്കുറിച്ചും തന്നെ കബളിപ്പിച്ചവരേക്കുറിച്ചും താൻ കബളിപ്പിച്ചവരേക്കുറിച്ചും തന്നെ ബഹുമാനിച്ചവരേക്കുറിച്ചും തനിക്ക് ബഹുമാനിക്കാൻ കഴിയാത്തവരേക്കുറിച്ചുമാണ് ഈ പുസ്തകം. എല്ലാവരുടേയും ജീവിതത്തിൽ ഒരു കാമുകിയോ കാമുകനോ ഉണ്ടായിരിക്കും. എല്ലാവർക്കും മറക്കാനാകാത്ത ഒരു പരാജയവും കൈപിടിച്ചുകയറ്റിയ ഒരു വ്യക്തിയുമുണ്ടാകും. എല്ലാവരേയും സ്വാധീനിച്ച ഒരു അദ്ധ്യാപകനോ അദ്ധ്യാപികയോ ഉണ്ടാകും. അത്തരം വ്യക്തികളെക്കുറിച്ചുള്ള വിവരണങ്ങളാണ് തന്റെ പുസ്തകത്തിലുള്ളത്.

    Joseph Annakutty Jose

    'ബറീഡ് തോട്ട്' എന്ന തന്റെ പുസ്തകം വാങ്ങിക്കണമെന്ന് ആരോടും പറയുന്നില്ലെന്ന് ജോസഫ് അന്നംകുട്ടി ജോസ് പറഞ്ഞു. പകരം, ചുറ്റും നിറയുന്ന സംഭവങ്ങളുടെയും വ്യക്തികളുടെയും നേരെ കണ്ണുതുറന്നിരിക്കാൻ എഴുത്തുകാരൻ പറഞ്ഞു. ചുറ്റും കാണുന്നതെല്ലാം ധൈര്യസമേതം ഉറക്കെ വിളിച്ചുപറയാനും ജോസഫ് അന്നംകുട്ടി ജോസഫ് അഭ്യർത്ഥിച്ചു. ഏതെങ്കിലുമൊക്കെ വ്യക്തികൾക്ക് തുറന്നുപറച്ചിലുകൾ കൊണ്ട് പ്രയോജനമുണ്ടായേക്കാമെന്ന് അദ്ദേഹം പറഞ്ഞു. ആർത്തവത്തെക്കുറിച്ചുള്ള ജോസഫ് അന്നംകുട്ടി ജോസിന്റെ കാമ്പസ് പ്രസംഗവും യൂട്യൂബ് ടെലികാസ്റ്റുകളും അടുത്തയിടെ ഏറെ ശ്രദ്ധിക്കപ്പെട്ടിരുന്നു.

    English summary
    Joseph Annakutty Jose's book release in Sharjah book festival

    Oneindia യില് നിന്നും തല്സമയ വാര്ത്തകള്ക്ക്
    ഉടനടി വാര്ത്തകള് ദിവസം മുഴുവന് ലഭിക്കാന്

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more