ഭാര്യയുടെ സ്വഭാവം കുട്ടികളെപ്പോലെ, സെക്സില്‍ ഏര്‍പ്പെടുന്നതിന് ഭര്‍ത്താവിന് വിലക്ക്

ലണ്ടന്‍: ഭാര്യയുമായി ലൈംഗിക ബന്ധത്തില്‍ ഏര്‍പ്പെടുന്നതില്‍ നിന്നും ഭര്‍ത്താവിന് വിലക്ക്. മാനസിക രോഗിയായ ഭാര്യയുമായി ബന്ധം പുലര്‍ത്തുന്നതില്‍ നിന്ന് ബംഗ്ളാദേശി യുവാവിന് വിലക്ക്. ലണ്ടന്‍ കോടതിയാണ് യുവാവിനെ വിലക്കിയത്. യുവാവിന്റെ ആദ്യഭാര്യയാണ് മാനസികരോഗിയായ സ്ത്രീ. 39 വയസുണ്ടെങ്കിലും നാലും എട്ടും വയസുള്ള കുട്ടികളുടെ മാനസികാവസ്ഥയിലാണ് സ്ത്രീ ഇപ്പോള്‍.

യുവാവിന് മറ്റൊരു ഭാര്യ കൂടിയുണ്ട്. ചെറിയ കുട്ടികളെപ്പോലെയാണ് ആദ്യ ഭാര്യ പെരുമാറുന്നത്. യുവതിയെ മാനസികാരോഗ്യ കേന്ദ്രത്തില്‍ പാര്‍പ്പിച്ചിരിയ്ക്കുകയാണ്. എന്നാല്‍ യുവാവ് പല ദിവസങ്ങളിലും ആശുപത്രിയില്‍ നിന്നും ഭാര്യയെ വീട്ടിലേയ്ക്ക് കൂട്ടിക്കൊണ്ട് വരികയും ലൈംഗികബന്ധത്തില്‍ ഏര്‍പ്പെടുകയും ചെയ്തിരുന്നു. ഇത് സ്ത്രീയുടെ ആരോഗ്യ നില വഷളാകുന്നതിനിടയാക്കി. യുവതിയുടെ നാല് കുട്ടികള്‍ സര്‍ക്കാര്‍ സംരക്ഷണത്തിലാണ്.

സ്ത്രീയുടെ ആരോഗ്യനിലയും അതിവ മോശമായി തുടരുകയാണ്. ഗര്‍ഭം ധരിയ്ക്കാനോ കുഞ്ഞിനെ പ്രസവിയ്ക്കാനോ ഉള്ള ആരോഗ്യം സ്ത്രീയ്ക്കില്ലെന്നും ഈ സാഹചര്യത്തില്‍ അവരുമായി ശാരീരിക ബന്ധം പുലര്‍ത്തുന്നതില്‍ നിന്ന് ഭര്‍ത്താവ് പിന്മാറണമെന്നും കോടതി ആവശ്യപ്പെട്ടു. എതിര്‍ത്ത് നില്‍ക്കാനുള്ള ശേഷി പോലും സ്ത്രീയ്ക്കില്ല. സ്ത്രീയുടെ താത്പര്യത്തോടെയല്ലാതെ ഭര്‍ത്താവ് അവരുമായി ബന്ധം പുലര്‍ത്തരുതെന്നും കോടതി പറഞ്ഞു. യുവതിയെ വീണ്ടും ആശുപത്രിയിലേയ്ക്ക് അയക്കുകയും ചെയ്തു.

English summary

Judge bars husband from getting too close to 'special' wife.Woman with mental age of four to eight years is mother of four children.