Click it and Unblock the Notifications
Just In
Don't Miss
-
'ഇപ്പോൾ തീപ്പൊരിയല്ല കാട്ടുതീയാണ്, അന്ന് കിട്ടിയ എനർജി ലൈഫിന്റെ അവസാനം വരെയുണ്ടാകും'; സിജോ തിരിച്ചുവന്നു -
ക്രാഷ് ടെസ്റ്റിൽ ഹോണ്ടയുടെ 'മാരുതി'യായി അമേസ്; ഇടിപ്പരീക്ഷയിൽ കിട്ടിയത് വെറും 2-സ്റ്റാർ റേറ്റിംഗ് -
അമ്പോ ലാഭം വില! ഇതുവരെ വന്നതെല്ലാം സൈഡിലോട്ട് നിന്നോ, ഇനി ഈ റിയൽമി 5ജിഫോണാണ് മെയിൻ -
തിരിച്ചുകയറി സ്വർണവില, പവന്റെ വില വീണ്ടും 53,000 കടന്നു, അഡ്വാൻസ് ബുക്കിംഗ് നല്ലതാണ് -
ദാമ്പത്യത്തില് വഴക്കുകള് പതിവ്, പരസ്പര വിയോജിപ്പ് അവസാനിപ്പിക്കാന് വേണ്ടത് ഈ 7 കാര്യം -
ട്രെയിനുമുണ്ട്, ടിക്കറ്റുമുണ്ട്, വോട്ട് ചെയ്യാൻ നാട്ടിൽ വരാം... മടക്ക യാത്രയ്ക്കും തീവണ്ടി -
T20 World Cup 2024: കീപ്പിങ്ങില് മിന്നിച്ച് രാഹുല്, പക്ഷെ സഞ്ജുവിനോളം വരുമോ? പോരാട്ടം കടുക്കുന്നു
കശ്മീര്‍ നാലാം യുദ്ധത്തിന് വഴിവക്കുമെന്ന് ഷെരീഫ്
ഇസ്ലാമാബാദ്: ഇന്ത്യയുടെ അധീനതയില്‍ നിന്ന് കശ്മീര്‍ സ്വതന്ത്രമാകണം എന്നതാണ് തന്റെ ആഗ്രഹമെന്ന് പാക് പ്രധാനമന്ത്രി നവാസ് ഷെരീഫ്. താന്‍ ജീവിച്ചിരിക്കെ തന്നെ അത് നടക്കുമെന്നാണ് പ്രതീക്ഷിക്കുന്നതെന്നും നവാസ് ഷെരീഫ് പറഞ്ഞു. ആസാദ് ജമ്മു ആന്‍ഡ് കശ്മീര്‍ കൗണ്‍സിലിന്റെ സമ്മേളനത്തില്‍ സംസാരിക്കുകയായിരുന്നു നവാസ് ഷെരീഫ്.
ഇന്ത്യയും പാകിസ്താനും തമ്മില്‍ നാലാമത് ഒരു യുദ്ധം ഉണ്ടാവുകയാണെങ്കില്‍ അത് കശ്മീരിന്റെ പേരില്‍ ആയിരിക്കുമെന്നും അദ്ദേഹം പറഞ്ഞു. പ്രശ്‌നം ഉടന്‍ പരിഹരിച്ചില്ലെങ്കില്‍ ആ യുദ്ധം ഏത് നിമിഷവും സംഭവിച്ചേക്കുമെന്ന ഭീഷണിയും നവാസ് ഷെരീഫ് മുഴക്കിയിട്ടുണ്ട്.
ആയുധ പന്തയത്തിന് ഇന്ത്യ പാകിസ്താനെ നിര്‍ബന്ധിക്കുകയാണെന്ന് നവാസ് ആരോപിച്ചു. ഇന്ത്യ-പാക് ബന്ധം നല്ല രീതിയില്‍ ആയിരുന്നെങ്കില്‍ ആയുധങ്ങള്‍ക്കായി ചെലവഴിക്കുന്ന പണം സമൂഹത്തിന് വേണ്ടി ചെലവഴിക്കാമായിരുന്നു എന്നും നവാസ് ഷെരീഫ് പറഞ്ഞു.
കശ്മീരിലെ ജനങ്ങളുടെ താത്പര്യത്തിനനുസസരിച്ചാണ് ആ പ്രശ്‌നം പരിഹരിക്കേണ്ടത്. കശ്മീര്‍ പ്രശ്‌നം പരിഹരിക്കപ്പെടാതെ പ്രദേശത്ത് സമാധാനം ഉണ്ടാകില്ലെന്നാണ് ഐക്യ രാഷ്ട്രസഭയുടെ പ്രമേയവും സൂചിപ്പിക്കുന്നത്-നവാസ് ഷെരീഫ് പറഞ്ഞു.
ഡോണ്‍ ന്യൂസ് ആണ് പാകിസ്താന്‍ പ്രധാനമന്ത്രിയുടെ ഈ പ്രസംഗം റിപ്പോര്‍ട്ട് ചെയ്തിരിക്കുന്നത്. ഔദ്യോഗിക പത്രക്കുറിപ്പില്‍ ഇത്തരം വിവാദ പരാമര്‍ശങ്ങള്‍ ഒന്നും തന്നെ ഉള്‍പ്പെടുത്തിയിട്ടില്ല.
