അപ്രതീക്ഷിതമായി ഭാഗ്യം തുണച്ചു: മലയാളിയ്ക്ക് അബുദാബി ബിഗ് ടിക്കറ്റിന്റെ നറുക്കെടുപ്പിൽ 12 മില്യൺ, വിജയികൾ ഇന്ത്യക്കാർ
അബുദാബി: അബുദാബി ബിഗ് ടിക്കറ്റിന്റെ നറുക്കെടുപ്പിൽ ഭാഗ്യം തെളിഞ്ഞത് പ്രവാസി മലയാളിയ്ക്ക്. അബുദാബി ബിഗ് ടിക്കറ്റിന്റെ 22ാമത് ദി ഡ്രീം 12 മില്യൺ സിരീസ് നറുക്കെടുപ്പിലാണ് പ്രവാസി മലയാളി 1.2 കോടി രൂപ സ്വന്തമാക്കിയത്. ദുബായിൽ താമസിച്ച് വരുന്ന ജോർജ്ജ് ജേക്കബ്ബിനാണ് അപ്രതീക്ഷിതമായി ഭാഗ്യം തെളിഞ്ഞത്. നവംബർ 30ന് വാങ്ങിയ 069402 നമ്പറാണ് കൂടുംബത്തിലേക്ക് ഭാഗ്യമെത്തിച്ചത്. മറ്റൊരു പ്രത്യേകത ബിഗ് ടിക്കറ്റിന്റെ നറുക്കെടുപ്പിൽ സമ്മാനാർഹരായവരെല്ലാം മലയാളികളാണ് എന്നതാണ്.
കുടുംബത്തിനൊപ്പം യാത്ര ചെയ്തുകൊണ്ടിരിക്കെയാണ് നറുക്കെടുപ്പിൽ വിജയിയായ വിവരം ജോർജ്ജ് അറിയുന്നത്. തന്നെ പറ്റിക്കുന്നതായി ആരോ വിളിച്ചതാണെന്ന് ആദ്യം കരുതിയെങ്കിലും പിന്നീട് സത്യാവസ്ഥ വെളിപ്പെടുകയായിരുന്നു. ഇതോടെ കാർ നിർത്തിയ ശേഷം റിച്ചാർഡും ബുഷ്റയുമായി ജോർജ്ജ് സംസാരിക്കുകയും ചെയ്തു.
ബിഗ് നറുക്കെടുപ്പിന്റെ രണ്ടാം സമ്മാനമായ അഞ്ച് ലക്ഷം ദിർഹം സ്വന്തമാക്കിയത് ഇന്ത്യക്കാരനായ അവിനാശ് കുമാർ കെ എയാണ്. ഇദ്ദേഹത്തിന്റെ 70370 എന്ന നമ്പറാണ് സമ്മാനാർഹമായത്. ഇന്ത്യക്കാരൻ തന്നെയായ സിദ്ദിഖ് അബ്ദുൾ ഖാദറിനാണ് ഒരു ലക്ഷം ദിർഹം മൂന്നാം സമ്മാനമായി ലഭിച്ചത്. 261717 എന്ന നമ്പറിലുള്ള ടിക്കറ്റാണ് ഭാഗ്യം കൊണ്ടുവന്നത്. സുനിൽകുമാർ ശശിധരൻ നായർക്കാണ് നാലാം സമ്മാനം. ഇദ്ദേഹം വാങ്ങിയ 93305 എന്ന നമ്പറിനാണ് നാലാം സമ്മാനം. ഇതോടെ 80,000 ദിർഹമാണ് സമ്മാനത്തുകയായി ലഭിക്കുക. 60,000 ദിർഹമാണ് അഞ്ചാം സമ്മാനം. 103389 എന്ന ടിക്കറ്റ് സ്വന്തമാക്കിയ ശുഐബ് അക്തറിനാണ് അഞ്ചാം സമ്മാനം. എന്നാൽ ആറാം സമ്മാനം സഗീഷ് രാജ് നടയിലെക്കണ്ടി വാങ്ങിയ 183904 എന്ന നമ്പർ ടിക്കറ്റിനാണ് ലഭിച്ചത്. 40,000 ദിർഹമാണ് ഇതോടെ സമ്മാനയിനത്തിൽ ലഭിക്കുക.
ഡിസംബർ മാസത്തേക്ക് നടക്കുന്ന ബിഗ് ടിക്കറ്റിന്റെ 223 ാം സിരീസ് നറുക്കെടുപ്പിൽ രണ്ട് കോടി ദിർഹമാണ് സമ്മാനത്തുകയായി പ്രഖ്യാപിച്ചിട്ടുള്ളത്. രണ്ടാം സമ്മാനം 30 ലക്ഷം ദിർഹവും 10 ലക്ഷം ദിർഹം മൂന്നാം സമ്മാനവുമാണ് വിജയികൾക്ക് ലഭിക്കുക.
Recommended Video
മതപരിവര്ത്തന നിരോധന നിയമം; ഉത്തര്പ്രദേശില് ആദ്യ അറസ്റ്റ്, പിടിയിലായത് മുസ്ലിം യുവാവ്