കിം കര്ദാഷ്യാന് മാര്പാപ്പയെ പറഞ്ഞതെന്ത്... പുതിയ വിവാദം
ബ്യൂണസ് അയേഴ്സ്: കിം കര്ദാഷ്യാനും ഫ്രാന്സ് മാര്പാപ്പയും തമ്മില് എന്താണ് പ്രശ്നം? ഇവര്ക്ക് രണ്ട് പേര്ക്കും ഇടയില് എന്തെങ്കിലും പ്രശ്നമുണ്ടാകാനുള്ള സാധ്യത വളരെ കുറവാണ്.
കാരണം കിം കര്ദാഷ്യാന് അറിയപ്പെടുന്ന മോഡലും റിയാലിറ്റ് ഷോ സ്റ്റാറും ആണ്. ഫ്രാന്സിസ് മാര്പാപ്പയാണെങ്കില് കത്തോലിക്കാ വിശ്വാസികളുടെ ആധ്യാത്മിക നേതാവും.
എന്നാല് മാര്പാപ്പയുടെ അമേരിയ്ക്കന് സന്ദര്ശനത്തിനിടെ കിം കര്ഷ്യാന് ഒരു കാര്യം ട്വീറ്റ് ചെയ്തു. 'ദ പോപ്പ് ഈസ് ഡോപ്പ്' എന്നായിരുന്നു അത്. എന്താണ് കര്ദാഷ്യാന് ഉദ്ദേശിച്ചത് എന്നാണ് ഇപ്പോള് സജീവമായ ഓണ്ലൈന് ചര്ച്ച.
ഡോപ്പ് എന്ന് പറഞ്ഞാല് പൊതുവേ മയക്കുമരുന്ന് എന്നാണ് അര്ത്ഥം. എന്നാല് അമേരിക്കയില് ഈ വാക്ക് നല്ല അര്ത്ഥത്തിലാണത്രെ ഉപയോഗിയ്ക്കുന്നത്. കര്ദാഷ്യാന്റെ ട്വീറ്റ് കണ്ട് അര്ജന്റീനയിലെ ഒരു ഓണ്ലൈന് പത്രം വാര്ത്ത കൂടു കൊടുത്തമ്പോള് സംഗതി കൊഴുത്തു.
'പോപ്പ് ഈസ് ഡ്രഗ്' എന്ന് കിം കര്ദാഷ്യാന് ട്വീറ്റ് ചെയ്തു എന്നായിരുന്നു ആ ഓണ്ലൈന് പത്രം റിപ്പോര്ട്ട് ചെയ്തത്. പോപ്പ് അര്ജന്റീനക്കാരന് ആണല്ലോ, ഇതോടെ അര്ജന്റീനയില് ശക്തമായ പ്രതിഷേധം ഉയര്ന്നു.
എന്തായാലും കിം ഇക്കാര്യത്തില് വലിയ വിശദീകരണം ഒന്നും പിന്നീട് നല്കിയിട്ടില്ല. കിം കര്ദാഷ്യാന് പോപ്പിനെ ഏതായാലും മോശമാക്കി ചിത്രീകരിയ്ക്കില്ലെന്ന വിശ്വാസത്തിലാണ് ആരാധകര്.