ഇസ്ലാം വിരുദ്ധത: യുവ ബ്ളോഗര് വാഷിഖുര് റഹ്മാനെ ബംഗ്ളാദേശില് വെട്ടിക്കൊന്നു
ധാക്ക: ധാക്കയില് വീടിന് തൊട്ടു മുന്പിലിട്ട് യുവ ബ്ളോഗറെ വെട്ടിക്കൊന്നു. വാഷിഖുര് റഹ്മാന് (27) എന്ന ബ്ളോഗറെയാണ് വീടിന് 500 മീറ്റര് അകലെ വച്ച് വെട്ടിക്കൊലപ്പെടുത്തിയത്.
കൊലപാതകവുമായി ബന്ധപ്പെട്ട് രണ്ട് മതപഠന വിദ്യാര്ഥികള് പൊലീസ് പിടിയിലായതായി ബിബിസി റിപ്പോര്ട്ട് ചെയ്യുന്നു. ധാക്കയിലെ ബെഗുന്ബാരിയിലാണ് സംഭവം. കുറച്ച് ആഴ്ചകള്ക്ക് മുമ്പാണ് പ്രശസ്ത ബ്ളോഗറായ അവിജിത് റോയിയെ നടുറോഡില് വെട്ടിക്കൊലപ്പെടുത്തിയത്. ഇതിന് തൊട്ടുപിന്നാലെയാണ് വീണ്ടും ബ്ളോഗറെ വെട്ടിക്കൊലപ്പെടുത്തുന്നത്.
നിരീശ്വരവാദിയായ എഴുത്തുകാരനാണ് കൊല്ലപ്പെട്ട വാഷിഖുര് റഹ്മാന്. കുചിത് ഹാഷെര് ചന്ന എന്ന പേരിലാണ് അദ്ദേഹം എഴുതിയത്. മതത്തിലെ പല വിശ്വാസങ്ങളേയും തന്റെ എഴുത്തിലൂടെ റഹ്മാന് ചോദ്യം ചെയ്തിരുന്നു.
ഇറച്ചിക്കത്തി ഉപയോഗിച്ചാണ് അക്രമി സംഘം എവുത്തുകാനെ നടുറോഡില് വെട്ടിക്കൊന്നതെന്ന് സാമൂഹിക പ്രവര്ത്തകനും ബ്ളോഗറുമായ ഇമ്രാന് സര്ക്കാര് പറഞ്ഞു. ഇസ്ലാം വിരുദ്ധമായ ബ്ളോഗെഴുത്താണ് റഹ്മാനെ കൊല്ലുന്നതിന് പ്രേരിപ്പിച്ചതെന്ന് അറസ്റ്റിലായ മതപഠന വിദ്യാര്ഥികള് പൊലീസിനോട് പറഞ്ഞു.