കുവൈത്തിലും സാത്താന് ആരാധന, 'സാത്താന് വീട്ടില്' പൊലീസിന്റെ റെയ്ഡ്, കണ്ടെടുത്തത്....
കുവൈത്ത് സിറ്റി: സാത്താന് ആരാധന നടത്തുന്നവരെപ്പറ്റി കേട്ടിട്ടില്ലേ. പല രാജ്യങ്ങളിലും സാത്താന് ആരാധന നടത്തുന്നവരുണ്ട്. എന്നാല് കുവൈത്ത് പോലൊരു ഇസ്ലാമിക രാജ്യത്തിലും സാത്താന് പൂജ നടക്കുന്നുണ്ടെന്ന് പറഞ്ഞാല് വിശ്വസിയ്ക്കുമോ. അതീവ രഹസ്യമായി സാത്താന് ആരാധന കുവൈത്തിലും നടക്കുന്നുണ്ട് . ഇത്തരം ആരാധന കേന്ദ്രങ്ങളില് ഒന്നില് കഴിഞ്ഞ ദിവസം കുവൈത്തി പൊലീസ് റെയ്ഡ് നടത്തി .
കുവൈത്ത് സിറ്റിയില് നിന്നും ഏറെ അകലെയായി ഒറ്റപ്പെട്ട പ്രദേശത്ത് ഒരൊഴിഞ്ഞ വീടായിരുന്നു സാത്താന് ആരാധനയ്ക്കായി ഉപയോഗിച്ചിരുന്നത് . ഇവിടെ പൂജകളും മറ്റും നടക്കാറുണ്ടെന്ന രഹസ്യ വിവരത്തെത്തുടര്ന്നാണ് പൊലീസ് റെയ്ഡ് നടത്തിയത് .
പൂജയ്ക്കുള്ള തയ്യാറെടുപ്പുകള് നടത്തുന്നതിന് മുമ്പാണ് പൊലീസ് സ്ഥലത്തെത്തിയത് . വീട്ടില് നിന്നും പ്രതിമകള്, ചിത്രങ്ങള് പൂജയ്ക്കായി കരുതിയ മറ്റ് ചില വസ്തുക്കള് എന്നിവ പൊലീസ് കണ്ടെടുത്തു . സാത്താന് ആരാധന നടത്തുന്നതിന് വേണ്ടി മാത്രം നിര്മ്മിച്ചതാണ് വിജനമായ സ്ഥലത്തെ വീടെന്ന് പൊലീസ് പറയുന്നു. 'അല് അന്ബ' പത്രമാണ് വാര്ത്ത റിപ്പോര്ട്ട് ചെയ്യുന്നത് .