• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Elections 2019

തണുപ്പിക്കുന്ന ചേമ്പറിനുള്ളില്‍ കുടുങ്ങിയ വനിതാ സലൂണ്‍ ഉടമ മരിച്ച നിലയില്‍

  • By Anwar Sadath

ലാസ് വേഗാസ്: അമേരിക്കയിലെ ലാസ് വേഗാസിനടുത്ത് സലൂണ്‍ നടത്തിവരികയായിരുന്ന യുവതിയെ ക്രയോചേംബറിനുള്ളില്‍ മരിച്ച നിലയില്‍ കണ്ടെത്തി. ചെല്‍സി എന്ന ഇരുപത്തിനാലുകാരിയുടെ മൃതദേഹമാണ് കണ്ടെടുത്തത്. ഇവര്‍ എങ്ങിനെ ചേമ്പറിനുള്ളില്‍ കുടുങ്ങി എന്ന കാര്യം ഇപ്പോഴും ദുരൂഹമാണെന്ന് പോലീസ് പറയുന്നു.

മൈനസ് 115 ഡിഗ്രീ സെല്‍ഷ്യസില്‍ തണുപ്പുള്ള ചേമ്പര്‍ ആണിത്. കായിക താരങ്ങളും മറ്റും ശരീരം തണുപ്പിക്കാന്‍ ഉപയോഗിക്കുന്നതും പ്രത്യേക രീതിയിലുള്ള ചികിത്സ നല്‍കിവരുന്നതും ഈ ചേമ്പറിനുള്ളിലാണ്. ചെറിയവസ്ത്രം മാത്രം ഉപയോഗിക്കുന്നതിനാല്‍ ചേമ്പറിനുള്ളില്‍ ക്യാമറ ഘടിപ്പിക്കാറില്ല. അതുകൊണ്ടുതന്നെ ചെല്‍സിയ ചേമ്പറില്‍ എങ്ങിനെ പെട്ടുവെന്നത് അറിയാന്‍ ബുദ്ധിമുട്ടാണെന്ന് പോലീസ് വ്യക്തമാക്കി.

മൂന്നു പേര്‍ക്ക് ഒരേസമയം ഉപയോഗിക്കാവുന്ന വിധത്തിലുള്ളതാണ് ചേമ്പര്‍. അപകടം സംഭവിക്കാതിരിക്കാന്‍ എപ്പോള്‍വേണമെങ്കിലും പുറത്തുപോകാനുള്ള സൗകര്യത്തിനായി വാതില്‍ ലോക്ക് ചെയ്യാറുമില്ലെന്ന് ചെല്‍സിയയുടെ സുഹൃത്ത് പറയുന്നു. ചേമ്പറിനുള്ളിലെ തണുപ്പ് കുറയ്ക്കാനും കൂട്ടാനും ഇതിനുള്ളിലുള്ളവരെ അനുവദിക്കാറുമുണ്ട്.

ചെല്‍സിയ സഹായികളില്ലാതെ ചേമ്പറില്‍ തണുക്കാനായി കിടന്നിട്ടുണ്ടാകമെന്നും ബോധക്ഷയം സംഭവിച്ചതിനാല്‍ തണുപ്പില്‍ മരിച്ചതാകാമെന്നുമാണ് പോലീസിന്റെ പ്രാഥമിക നിഗമനം. കൊലപാതക സാധ്യതയും പോലീസ് തള്ളിക്കളയുന്നില്ല. അന്വേഷണം ഊര്‍ജിതമാണെന്നും ദിവസങ്ങള്‍ക്കുള്ളില്‍ മരണത്തിലെ ദുരൂഹത നീക്കുമെന്നും പോലീസ് വ്യക്തമാക്കി.

English summary
Las Vegas Salon boss 'freezes to death' after becoming trapped in cryochamber for 10 hours
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more