ഗദ്ദാഫിയുടെ മകന് സൈഫുല് ഇസ് ലാമിന് വധശിക്ഷ വിധിച്ചു
ട്രിപ്പോളി: മുന് ലിബിയന് നേതാവ് കേണല് മുഅമ്മര് ഗദ്ദാഫിയുടെ മകന് സൈഫുല് ഇസ് ലാമിന് വധശിക്ഷ വിധിച്ചു. സമാധാന പ്രതിഷേധത്തെ അടിച്ചമര്ത്താന് ശ്രമിച്ചതിന് ലിബിയയിലെ ഒരു കോടതിയാണ് വധശിക്ഷവിധിച്ചത്.
കൂടാതെ ഗദ്ദാഫിയുടെ അടുത്ത എട്ട് അനുയായികള്ക്കും വധശിക്ഷയുണ്ട്. മുന് ഇന്റലിജന്സ് മേധാവി അബ്ദുല്ല സെനൂസ്സിയും ഖദ്ദാഫിയുടെ കീഴില് അവസാനത്തെ പ്രധാനമന്ത്രിയുമായിരുന്ന അല് ബഗ്ദാദി അല് മഹ്മൂദിയും വധശിക്ഷ വിധിക്കപ്പെട്ടവരില് ഉള്പ്പെടുന്നു.
വിചാണസമയത്ത് സൈഫുല് ഇസ്ലാം കോടതിയിലുണ്ടായിരുന്നില്ല എന്നാണ് അന്താര്ഷ്ട്ര മാധ്യമങ്ങള് നല്കുന്ന വിവരം. വിമതരുടെ പിടിയിലായ സൈഫുല് ഇസ് ലാം 2011 മുതല് അവിടെ തടവിലാണ്.
വിചാരണയുടെ നടപടിക്രമത്തില് അന്താരാഷ്ട്ര മനുഷ്യാവകാശ സംഘടനകള് ആശങ്കപ്രകടിപ്പിച്ചിട്ടുണണ്ട്. യുദ്ധക്കുറ്റങ്ങളില് സൈഫുല് ഇസ്ലാമിനെ വിചാരണ നടത്താന് അന്താരാഷ്ട്ര ക്രിമിനല് കോടതി ആവശ്യപ്പെട്ടിരുന്നു. സൈഫുല് ഇസ് ലാമിന്റെ പിതാവായ മുഅമ്മര് ഗദ്ദാഫി 2011 ഒക്ടോബറിലാണ് കൊല്ലപ്പെട്ടത്.