20കാരിയായ വികലാംഗയെ വീട്ടുജോലിക്കാരെ കോടാലി കൊണ്ട് വെട്ടി, കാരണമറിയാതെ സൗദി കുടുംബം

By ജാനകി

Updated: Monday, December 7, 2015, 13:47 [IST]

റിയാദ്: സൗദി അറേബ്യയില്‍ ഒട്ടേറെ കുറ്റകൃത്യങ്ങളില്‍ അകപ്പെടുന്നവരാണ് എത്യോപ്യന്‍ സ്ത്രീകള്‍. വീട്ടുജോലിക്കാരുടെ വിസയില്‍ രാജ്യത്ത് എത്തുന്നവരില്‍ ഏറെയും എത്യോപ്യക്കാരാണ്. എന്നാല്‍ വീട്ടുടമകള്‍ക്ക് പോലും തലവേനയുണ്ടാക്കുന്ന ഇവരില്‍ ഏറെപ്പേരും കാലാവധി തികയ്ക്കും മുമ്പ് ജയിലിലാക്കപ്പെടുകയോ നാടുകടത്തപ്പെടുകയോ ചെയ്യുന്നു.

എത്യോപ്യന്‍ ജോലിക്കാരിയില്‍ നിന്നും ദുരനുഭവം ഉണ്ടായതിന്റെ ഞെട്ടലിലാണ് സൗദിയിലെ ഒരു സ്വദേശി കുടുംബം. കുടുംബത്തിലെ വികാലംഗയായ 20കാരിയെ ജോലിക്കാരി കോടാലിയ്ക്ക് വെട്ടി. പെണ്‍കുട്ടിയുടെ നിലവിളികേട്ടാണ് മുറിയ്ക്കുള്ളിലേയ്ക്ക് മറ്റുള്ളവര്‍ എത്തുന്നത്.

ശരീരത്തില്‍ പലയിടത്തും കോടാലി കൊണ്ടുള്ള വെട്ടേറ്റിരുന്നു. ഗുരുതരമായി പരിക്കേറ്റ പെണ്‍കുട്ടിയെ ആശുപത്രിയില്‍ പ്രവേശിപ്പിച്ചിരിയ്ക്കുകയാണ്. ജോലിക്കാരിയെ പൊലീസ് കസ്റ്റഡിയിലെടുത്തു. ഇവരെ ചോദ്യം ചെയ്യുകയാണ്. പെണ്‍കുട്ടിയെ ആക്രമിച്ചതിന്റെ കാരണം ജോലിക്കാരി ഇതുവരേയും വ്യക്തമാക്കിയിട്ടില്ല. നിസാര കാരണങ്ങള്‍ക്ക് പോലും എത്യോപ്യന്‍ വീട്ടുജോലിക്കാര്‍ ക്രൂരമായി പെരുമാറാറുണ്ട്.