സൗദി സ്ത്രീയുടേയും മകളുടേയും ക്രൂര പീഡനം ഇന്തൊനേഷ്യന് യുവതിയ്ക്ക് കാഴ്ച നഷ്ടമായി
മക്ക: സൗദി അറേബ്യയില് വീട്ടുജോലിക്കാരിയ്ക്ക് വീണ്ടും ക്രൂര പീഡനം. വീട്ടുടമയായ സ്ത്രീയാണ് ഇന്തൊനേഷ്യക്കാരിയായ വീട്ടുജോലിക്കാരിയെ അതിക്രൂരമായി മര്ദ്ദിച്ചത്. കൊടിയ പീഡനങ്ങള്ക്ക് ഇരയായ ജോലിക്കാരിയുടെ കാഴ്ച നഷ്ടമായി. തലയ്ക്കേറ്റ ഗുരുതര പരിക്കാണ് കാഴ്ച നഷ്ടമാകാന് കാരണം.
മാസങ്ങള്ക്ക് മുമ്പാണ് തമിഴ്നാട് സ്വദേശിയായ സ്ത്രീ സൗദി അറേബ്യയില് ആക്രമിയ്ക്കപ്പെട്ടത്. വീട്ടുജോലിക്കാരിയുടെ വീസയില് എത്തിയ സ്ത്രീയുടെ കൈ വെട്ടി മാറ്റുകയായിരുന്നു. ഇതിന് പിന്നാലെയാണ് ക്രൂരമായ മറ്റൊരു സംഭവം കൂടി റിപ്പോര്ട്ട് ചെയ്യുന്നത്.
ചൊവ്വാഴ്ചയാണ് ഇന്തൊനേഷ്യക്കാരിയായ സ്ത്രീയെ വീട്ടുടമയായാ സൗദി സ്ത്രീയും മകളും ചേര്ന്ന് മര്ദ്ദിച്ചത്. സ്ത്രീയുമായി വഴക്കിട്ട ശേഷമായിരുന്നു മര്ദ്ദനം. മൂര്ച്ചയില്ലാത്ത ഒരു വസ്തുകൊണ്ട് തലയില് പല തവണ ആഞ്ഞടിച്ചു.തലയ്ക്കും മുഖത്തിനും ഗുരുതരമായി പരിക്കേറ്റ സ്ത്രീയുടെ കാഴ്ച നഷ്ടമായി. ഇവരെ തബൂക്കിലെ സര്ക്കാര് ആശുപത്രിയില് പ്രവേശിപ്പിച്ചിരിയ്ക്കുകയാണ്.