സ്പോണ്‍സറുടെ കുട്ടിയെ കാണുന്നതും വീട്ടുജോലിക്കാരിയ്ക്ക് കലികയറും, 3 വയസുകാരന്‍റെ കാല്‍ തല്ലിയൊടിച്ചു

ഷാര്‍ജ: തൊഴിലുടമയുടെ കുഞ്ഞിന്റെ കാല്‍ തല്ലിയൊടിച്ച കേസില്‍ വീട്ടുജോലിക്കാരി വിചാരണ നേരിടുന്നു. ഫിലിപ്പീന്‍സുകാരിയായ വീട്ടുജോലിക്കാരിയാണ് വിചാരണ നേരിടുന്നത്. തന്റെ മൂന്ന് വയസുകാരനായ മകന്റെ കാല്‍ വീട്ടുജോലിക്കാരി തല്ലിയൊടിച്ചുവെന്നാണ് തൊഴിലുടമയുടെ പരാതി.

കുട്ടിയെ താന്‍ തല്ലിയെന്നും എന്നാല്‍ കാല്‍ തല്ലിയൊടിച്ചില്ലെന്നും വീട്ടുജോലിക്കാരി പറയുന്നു. കസേരയില്‍ നിന്നും താഴേയ്ക്ക് ചാടിയപ്പോഴാണ് നിലത്തേയ്ക്ക് വീണ് കുട്ടിയുടെ കാല്‍ ഒടിഞ്ഞതെന്നാണ് ജോലിക്കാരിയുടെ വാദം. കുട്ടിയെ ജോലിക്കാരി സ്ഥിരമായി മര്‍ദ്ദിയ്ക്കാറുണ്ടായിരുന്നെന്നും ഇക്കാര്യം അടുത്തിടെയാണ് താന്‍ അറിയുന്നതെന്നും പിതാവ് പൊലീസിനോട് പറഞ്ഞു.

ജോലിക്കാരിയെ കാണുമ്പോഴെല്ലാം കുട്ടി ഭയപ്പെടുകയും ഒളിയ്ക്കാന്‍ ശ്രമിയ്ക്കുകയും ചെയ്യുന്നത് ശ്രദ്ധയില്‍പ്പെട്ടതോടെയാണ് കാര്യങ്ങള്‍ അന്വേഷിച്ചതെന്നും പിതാവ്. തന്നെ ജോലിക്കാരി സ്ഥിരമായി തല്ലാറുണ്ടെന്ന് കുട്ടി പറഞ്ഞുവത്രേ. കുട്ടിയെ ആശുപത്രിയില്‍ പ്രവേശിപ്പിച്ചിരിയ്ക്കുകയാണ്. കേസിലെ വിചാരണ ഡിസംബര്‍ ഏഴിലേയ്ക്ക് നീട്ടിവച്ചുു.

English summary

A Filipina housemaid is on trial in Sharjah on charges of beating a three-year-old son of her employer and breaking his leg.