ദുബായ് മില്ലേനിയം ലോട്ടറി മലയാളിക്ക്; സമ്മാന തുക കേട്ടാൽ ഞെട്ടും...!!!
ദുബായിൽ സ്റ്റോർ കീപ്പറായി ജോലി നോക്കുന്ന അജേഷ് പത്മനാഭനാണ് ലോട്ടറി അടിച്ചത്
ദുബായ്: മലയാളി യുവാവിന് ദുബായ് ഡ്യൂട്ടി ഫ്രീ ലക്കി ഡ്രോയില് ഒന്നാം സമ്മാനം. ഷാര്ജയില് താമസിക്കുന്ന അജേഷ് പത്മനാഭനാണ് ഒന്നാം സമ്മാനം ലഭിച്ചതെന്ന് ഖലീജ് ടൈംസ് റിപ്പോര്ട്ട് ചെയ്യുന്നു. അജേഷ് എടുത്ത 1584 എന്ന ടിക്കറ്റിനാണ് നറുക്കെടുപ്പില് ഒന്നാം സമ്മാനമായ 1 മില്യണ് ഡോളര് ( 6,75, 85000 രൂപ) സമ്മാനം അടിച്ചത്.
ദുബായില് ഒരു കടയിലെ ജോലിക്കാരനാണ് അജേഷ്. തന്റെ ടിക്കറ്റിന് ഒന്നാം സ്ഥാനം ലഭിച്ചെന്ന് വിശ്വസിക്കാനാവുന്നില്ലെന്ന് അജേഷ് പറഞ്ഞു. രണ്ട് കുട്ടികളുടെ അച്ഛനായ തനിക്ക് ഈ തുക വളരെ വലുതാണെന്നും അജേഷ് വ്യക്തമാക്കി. മില്ലേനിയം മില്യണര് നറുക്കെടുപ്പില് സ്ഥിരമായി പങ്കെടുക്കാറുള്ള ആളാണ് അജേഷ്.
അജേഷിന് ഒപ്പം തന്നെ 2 പേര്ക്ക് കൂടി ലോട്ടറി അടിച്ചിട്ടുണ്ട്. ദുബായില് താമസിക്കുന്ന ലെബനനീസ് സ്വദേശിയായ ഡാനി സഹ്റയാണ് സമ്മാനം നേടിയ മറ്റൊരാള്. അടുത്ത ആഴ്ച ജന്മദിനം ഘോഷിക്കാന് പോകുന്ന ഡാനിയ്ക്ക് പിറന്നാള് സമ്മാനമാണ് ഈ ലോട്ടറി.
നേപ്പാള് സ്വദേശിയായ പ്രജ്വള് രാജിന് ഡ്യൂകാറ്റ് മോണ്സ്റ്റര് ബൈക്ക് ആണ് അടിച്ചിരിക്കുന്നത്. 2016ലും ഇദ്ദേഹത്തിന് സമ്മാനം അടിച്ചിരുന്നു.
ദുബായിലെ ഏറ്റവും ജനപ്രിയമായ ലോട്ടറി നറുക്കെടുപ്പില് ഒന്നാണ് മില്ലേനിയം മില്യണയര് നറുക്കെടുപ്പ്.