പ്രതിരോധ ശേഷി കൂട്ടാന് പാമ്പിന് തല ചവച്ചരച്ച മധ്യവയസ്ക്കന് മരിച്ചു
അക്ര: പ്രതിരോധശേഷി കൂട്ടാന് വിഷപാമ്പിന്റെ തല കഴിച്ച മധ്യവയ്യ്ക്കന് മരിച്ചു. ഖാനയിലാണ് കര്ഷകന് വിഷ പാമ്പിന്റെ തല തിന്ന് മരിയ്ക്കുന്നത്. വിഷത്തെ പ്രതിരോധിയ്ക്കുന്നതിന് വേണ്ടിയാണ് മൂസ ഡിക്പോര് എന്ന കര്ഷകന് പാമ്പിന് തല തിന്നത്. വിഷപാമ്പിന്റെ തലയില് നിന്നും വിഷം കുടിയ്ക്കുന്നത് പ്രതിരോധ ശേഷി കൂട്ടുമെന്നൊരു വിശ്വാസം ആഫ്രിയ്ക്കയിലെ ഗ്രാമീണര്ക്കിടയിലുണ്ട്.
ഖാനയ്ക്കടുത്ത് അഫ്ളാവോയിലാണ് സംഭവം നടന്നത്. പാമ്പ് വിഷത്തെ പ്രതിരോധിയ്ക്കുന്നതിന് വേണ്ടി വിഷ പാമ്പിന്റെ തല ചവച്ചരച്ച് തിന്നുന്നതിനിടെയാണ് മൂസ മരിയ്ക്കുന്നത്. ഒരു സുഹൃത്തിന്റെ കൃഷിയിടത്തില് ട്രാക്ടര് ഉപയോഗിച്ച് ഉഴുതുകൊണ്ടിരിയ്ക്കുമ്പള് ഒരു വിഷപാമ്പ് ട്രാക്ടറില് കുടുങ്ങുകയായിരുന്നു.
ട്രാക്ടറില് നിന്ന് പാമ്പിനെ വേര്പെടുത്താന് ശ്രമിച്ചെങ്കിലും സാധിച്ചില്ല. തുടര്ന്ന് നാട്ടുകാരില് ചിലര് പാമ്പിന്റ തല അറുത്ത് മാറ്റി. പാമ്പിന് തല ഔഷധമായി ആഫ്രിയ്ക്കയില് പലയിടത്തും ഉപയോഗിയ്ക്കാറുണ്ട്.അതിനാല് നാട്ടുകാരില് പലരും പാമ്പിന് തല സ്വന്തമാക്കാന് ശ്രമിച്ചു. എന്നാല് ഇത് വിട്ടുകൊടുക്കാന് മൂസ തയ്യാറായില്ല. പാമ്പിന് തല വായിലേയ്ക്ക് വച്ച്് വിഷം വലിച്ചെടുക്കാന് ശ്രമിച്ചു. എന്നാല് നാക്കില് വിഷപ്പല്ല് കൊള്ളുകയും അരമണിയ്ക്കൂറിനുള്ളില് മൂസ മരിയ്ക്കുകയുമായിരുന്നു.