അബുദാബി: ഇലക്ട്രിക് കേബിളുകള് മോഷ്ടിയ്ക്കാന് ശ്രമിച്ച പാകിസ്താനി ഷോക്കേറ്റ് മരിച്ചു
അബുദാബി: ഇലക്ട്രിക് കേബിളുകള് മോഷ്ടിയ്ക്കാന് ശ്രമിച്ച പാകിസ്താനി ഷോക്കേറ്റ് മരിച്ചു. അബുദാബിയിലാണ് സംഭവം. കേബിളുകള് സൂക്ഷിച്ചിരുന്ന മുറിയില് നിന്നും അവ മോഷ്ടിച്ച് കടക്കാന് ശ്രമിയ്ക്കുന്നതിനിടെയാണ് 33കാരനായ പാകിസ്താനി ഷോക്കേറ്റ് മരിയ്ക്കുന്നത്.
ഇലക്ട്രിക്കല് റൂമിനുള്ളില് യുവാവ് മരിച്ച് കിടക്കുന്നതായി അല് ഷാബിയ പൊലീസിനാണ് വിവരം ലഭിയ്ക്കുന്നത്. കെട്ടിടത്തിന്റെ മതില് ചാടിക്കടന്നെത്തിയ യുവാവ് മുറിയ്ക്ക് മുന്നിലുള്ള ഇരുമ്പ് വാതിലും തകര്ത്തിരുന്നു.
അതിന് ശേഷം കേബിളുകള് മുറിച്ച് മാറ്റാന് ശ്രമിയ്ക്കുന്നതിനിടെയാണ് യുവാവ് വൈദ്യുതാഘാതമേറ്റ് മരിയ്ക്കുന്നത്. കേബിളുകളാല് മൂടപ്പെട്ട നിലയിലായിരുന്നു യുവാവിന്റെ മൃതദേഹം. അബുദാബിയിലെ ഒരു നിര്മ്മാണ കമ്പനിയിലെ ജീവനക്കാരനാണ് മരിച്ച പാകിസ്താനി. കേബിളുകള് മോഷ്ടിയ്ക്കുന്നതിന് വേണ്ടി പ്രത്യേക ആയുധവും ഇയാള് ഒപ്പം കരുതിയിരുന്നു. ഈ ആയുധവും പൊലീസ് കണ്ടെടുത്തിട്ടുണ്ട്.