മക്ഡൊണാള്ഡ് കോഫിയില് ചത്ത എലി
കാനഡ : ഇടവേളകളില് കാപ്പി കുടിക്കുന്നത് പലര്ക്കും ഇഷ്ടമുളള കാര്യമാണ്. കുറച്ചു ആര്ഭാടം കൂടുതല് വേണമെന്നാകുമ്പോള് മക്ഡൊണൊള്ഡിനെ ആശ്രയിക്കുന്നവരും ഇന്ന് ധാരാളം. അത്തരത്തില് കാപ്പി കുടിക്കാന് മക്ഡൊണാള്ഡിലെത്തിയ യുവാവാണ് കുടുങ്ങിയിരിക്കുന്നത്. ഫാസ്റ്റ് ഫുഡ് ഭീമന് മക്ഡൊണാള്ഡ് കാപ്പിയില് ചത്ത എലിയെയും നല്കി ആര്ഭാടം കൂട്ടി.
കഴിഞ്ഞ ദിവസം മക്ഡൊണാള്ഡിന്റെ കാനഡയിലെ ഒരു റെസ്റ്റോറന്റിലാണ് സംഭവം നടന്നത്. സൃഹൃത്തിനൊപ്പം ഓഫീസില് നിന്ന് ഇറങ്ങുന്നവഴിയെ പതിവുപോലെ കാപ്പികുടിക്കാന് കയറിയതായിരുന്നു റോണ് മൊറൈസ് യുവാവ്. കാപ്പി കുടിച്ച് പകുതി തീരാറായപ്പോഴാണ് എലിയെ ശ്രദ്ധയില്പ്പെട്ടത്. '' കാപ്പി കുടിച്ചു തീരാറാകുമ്പോള് വെറുതെ ഒന്നു നോക്കുന്ന ശീലം ഉളളതിനാല് രക്ഷപ്പെട്ടു. സംഭവം വലിയ ഞെട്ടലുണ്ടാക്കിയെന്നും വിശ്വാസത്തിന് ഭംഗം വരുത്തിയതായും റോണ് പറയുന്നു.
എന്നാല് കാപ്പിയില് എലിയെ കണ്ടെത്തിയ സംഭവം മക്ഡൊണാള്ഡ് അധികൃതര് നിഷേധിച്ചിരിക്കുകയാണ്. യുവാവ് കാപ്പി കുടിച്ച സ്ഥലത്തെ സ്റ്റോറില് പരിശോധന നടത്തിയെങ്കിലും തങ്ങള്ക്ക് യാതൊന്നും കണ്ടെത്താന് കഴിഞ്ഞില്ലെന്നാണ് അധികൃതര് നല്കുന്ന വിശദീകരണം.