കുവൈത്ത്: 13കാരിയുമായി ബന്ധം പുലര്ത്തിയ യുവാവിനെ അറസ്റ്റ് ചെയ്തു
കുവൈത്ത് സിറ്റി: 13കാരിയായ കുവൈത്തി പെണ്കുട്ടിയുമായി ബന്ധം പുലര്ത്തിയതിന് യുവാവ് അറസ്റ്റില് . പെണ്കുട്ടിയുടെ മുറിയില് യുവാവിനെ കണ്ടെത്തിയതിനെത്തുടര്ന്ന് കുട്ടിയുടെ അമ്മ പൊലീസില് വിവരമറിയിച്ചു . തുടര്ന്നാണ് യുവാവിനെ അറസ്റ്റ് ചെയ്തത് . താനും യുവാവുമായി പ്രണയത്തിലാണെന്നും പലതവണ മുറിയില് എത്തിയിട്ടുണ്ടെന്നും പെണ്കുട്ടി പറയുന്നു.
രാത്രിയില് വീട്ടിലെ ലൈറ്റുകള് അണയ്ക്കുന്നതിനിടെയാണ് യുവതി തന്റെ മകളുടെ മുറിയ്ക്കുള്ളില് അപരിചിതനായ ഒരു യുവാവിനെ കണ്ടത് . ലൈറ്റ് ഇട്ടതും യുവാവ് പുറത്തേയ്ക്ക് ഓടി രക്ഷപ്പെട്ടു . ഉടന് തന്നെ സ്ത്രീ വിവരം പൊലീസിനെ അറിയിച്ചു.
പൊലീസ് നടത്തിയ അന്വേഷണത്തിലാണ് യുവാവ് അറസ്റ്റിലയാതത് . ഭവനഭേദനത്തിനും പ്രായപൂര്ത്തിയാകാത്ത പെണ്കുട്ടിയെ പ്രണയിച്ചതിനുമാണ് യുവാവിനെതിരെ പൊലീസ് കേസെടുത്തത് . പെണ്കുട്ടിയെക്കാള് 10 വയസ് പ്രായക്കൂടുതല് യുവാവിനുണ്ടെന്ന് അമ്മ പറയുന്നു.
യുവാവ് പലതവണയും തന്റെ മുറിയില് എത്തിയിട്ടുണ്ടെന്നും തങ്ങള് പ്രണയത്തിലാണെന്നും പെണ്കുട്ടി പറയുന്നു . യുവാവ് സ്വദേശിയാണോ എന്ന കാര്യം വ്യക്തമല്ല . അല് വതാന് പത്രമാണ് വാര്ത്ത റിപ്പോര്ട്ട് ചെയ്തത് .