ഇ-സിഗരറ്റ് വായില്‍ വച്ച് പൊട്ടിത്തെറിച്ചു, യുവാവിന് പല്ലുകള്‍ നഷ്ടമായി, മുഖം വികൃതമായി

ബെര്‍ലിന്‍: ഇ-സിഗരറ്റ് വായ്ക്കുള്ളില്‍ വച്ച് പൊട്ടിത്തെറിച്ചു. ഇരുപതുകാരന്റെ പല്ലുകള്‍ നഷ്ടമാവുകയും മുഖം വികൃതമാവുകയും ചെയ്തു. ജര്‍മ്മനിയിലെ കൊളോഗ്നയിലാണ് സംഭവം. സിഗരറ്റിന്റെ ബാറ്ററി പൊട്ടിത്തെറിച്ചതാണ് അപകടത്തിന് കാരണം. ദ ലോക്കല്‍ ഉള്‍പ്പടെയുള്ള മാധ്യമങ്ങള്‍ സംഭവം റിപ്പോര്‍ട്ട് ചെയ്തിട്ടുണ്ട്.

ഇ- സിഗരറ്റിനുള്ളിലെ ബാറ്ററി യുവാവിന്റെ വായില്‍ വച്ച് പൊട്ടിത്തെറിച്ചു. ഇതോടെ ഏഴില്‍ അധികം പല്ലുകള്‍ യുവാവിന് നഷ്ടമായി. പൊട്ടിത്തെറിയുടെ ആഘാതത്തില്‍ യുവാവിന്റെ പല്ലുകള്‍ പുറത്തേയ്ക്ക് തെറിച്ച് വീഴുകയായിരുന്നു.ചില പല്ലുകള്‍ ഇളകിയ നിലയിലുമാണ്. സിഗരറ്റ് പൊട്ടിത്തെറിച്ചതിനെത്തുടര്‍ന്ന് മുഖത്തിനും സാരമായി പരിക്കേറ്റു.

2.6 ദശലക്ഷം ഉപഭോക്താക്കളാണ് ഇ-സിഗരറ്റുകള്‍ക്ക് ഉള്ളത്. പൊതുവെ സുരക്ഷിതമെന്നാണ് ഇവയെ കരുതിയിട്ടുള്ളത്. പുകയിലവലിയില്‍ നിന്ന് രക്ഷ നേടാന്‍ ആഗ്രഹിയ്ക്കുന്നവരും ഇ-സിഗരറ്റുകള്‍ ഉപയോഗിയ്ക്കാറുണ്ട്.

English summary

Man's teeth come flying out when e-cigarette explodes