കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

ഭാര്യയുടെ നഗ്ന ചിത്രങ്ങൾ സോഷ്യൽ മീഡിയ വഴി പ്രചരിപ്പിച്ചു; പ്രതി പറഞ്ഞ കാരണം, കേട്ടാൽ ഞെട്ടും...

  • By Desk
Google Oneindia Malayalam News

അജ്മാന്‍: സ്വന്തം ഭാര്യയുടെ നഗ്നചിത്രങ്ങള്‍ സാമൂഹ്യമാധ്യമങ്ങളിലൂടെ പ്രചരിപ്പിച്ച അറബ് യുവാവിനെ ആറ് മാസം തടവിനും ഒരു ലക്ഷം ദിര്‍ഹം പിഴയ്ക്കും അജ്മാന്‍ ക്രിമിനല്‍ കോടതി ശിക്ഷിച്ചു. ശിക്ഷാ കാലാവധി കഴിഞ്ഞയുടന്‍ നാട്ടിലേക്ക് പറഞ്ഞയക്കാനും തീരുമാനമായി. വൈവാഹിക രഹസ്യങ്ങള്‍ പുറത്താക്കിയെന്ന കുറ്റത്തിനാണ് 38കാരനായ അറബ് യുവാവിനെതിരേ കോടതി ശിക്ഷ വിധിച്ചത്.

കാമുകിയുമായുള്ള തന്റെ അവിഹിത ബന്ധം ഭാര്യ ചോദ്യം ചെയ്തതിന് പ്രതികാരമായി യുവാവ് ഭാര്യയുടെ നഗ്ന ചിത്രങ്ങള്‍ വാട്ട്‌സാപ്പിലും ഇമോയിലും പോസ്റ്റ് ചെയ്യുകയായിരുന്നു. ഭാര്യയുടെ കിടപ്പറ ചിത്രങ്ങള്‍ക്കൊപ്പം അവരെ മോശമായി ചിത്രീകരിക്കുന്ന രീതിയിലുള്ള ടെക്‌സറ്റ് മെസേജും ഇയാള്‍ അയച്ചതായി പോലിസ് കണ്ടെത്തി.

Phone

കാമുകിയുമായുള്ള ബന്ധം എതിര്‍ത്താല്‍ തന്റെ നഗ്നചിത്രങ്ങള്‍ സോഷ്യല്‍ മീഡിയയിലൂടെ പ്രചരിപ്പിക്കുമെന്ന് ഭര്‍ത്താവ് നേരത്തേ ഭീഷണിപ്പെടുത്തിയിരുന്നതായി യുവതി കോടതിയെ ബോധിപ്പിച്ചു. ഭര്‍ത്താവിന്റെ അമിതമദ്യാപന ശീലത്തെ താന്‍ എതിര്‍ത്തതും തന്നോടുള്ള വിരോധത്തിന് കാരണമായതായും യുവതി പറഞ്ഞു. ഭര്‍തൃമതിയായ കാമുകിക്ക് തന്റെ ചിത്രങ്ങള്‍ അയച്ചുകൊടുത്തതായി പിന്നീട് യുവതി കണ്ടെത്തുകയായിരുന്നു. നന്നായി മദ്യപിച്ച ഭര്‍ത്താവ് വളരെ വൈകിയായിരുന്നു അന്ന് വീട്ടിലെത്തിയത്. ഭാര്യയുടെ ചിത്രങ്ങള്‍ അയച്ചതായി കാമുകിക്കയച്ച ടെക്സ്റ്റ് മെസേജുകളും താന്‍ കാണാനിടയായതായി യുവതി പറഞ്ഞു.

ഇക്കാര്യം താന്‍ മനസ്സിലാക്കിയെന്നറിഞ്ഞ ഭര്‍ത്താവ് തന്നെ ആക്രമിക്കാന്‍ ശ്രമിച്ചു. കുട്ടികളുമായി ഒരു വിധം വീട്ടില്‍ നിന്ന് രക്ഷിപ്പെടുകയായിരുന്നു. അന്ന് രാത്രി കോര്‍ണിഷിലാണ് കുട്ടികള്‍ക്കൊപ്പം കഴിച്ചുകൂട്ടിയതെന്നും യുവതി പറഞ്ഞു. പിന്നീട് ബന്ധുവിന്റെ സഹായത്തോടെയാണ് ഭര്‍ത്താവിനെ ബന്ധപ്പെടാന്‍ ശ്രമിച്ചെങ്കിലും അയാള്‍ വീട്ടില്‍ നിന്ന് രക്ഷപ്പെട്ടിരുന്നു. ഇയാളുടെ അഭാവത്തിലാണ് കോടതി ശിക്ഷ വിധിച്ചത്.

English summary
Arab man sentenced to six months in Ajman
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X