2വര്‍ഷം മുന്പ് 'മരിച്ച' ഭാര്യ ടിവി പരിപാടിയില്‍, ഭര്‍ത്താവ് ഞെട്ടി, സിനിമയെ വെല്ലുന്ന സംഭവം

റാബത്ത്: രണ്ട് വര്‍ഷം മുമ്പ് മരിച്ച ഭാര്യയെ ജീവനോടെ ടെലിവിഷന്‍ പരിപാടിയില്‍ കണ്ട യുവാവ് ഞെട്ടി. മൊറോക്കോയിലാണ് സിനിമയെ വെല്ലുന്ന സംഭവങ്ങള്‍ നടന്നത്. 2014ലാണ് വാഹപാനപകടത്തില്‍ യുവാവിന് ഭാര്യയെ നഷ്ടമായത്. കാസബ്‌ളാന്‍കയിലെ ഒരു ആശുപത്രിയിലുള്ള ഡോക്ടര്‍മാരാണ് യുവതിയുടെ മരണം സ്ഥിരീകരിച്ചത് .

ആശുപത്രി അധികൃതര്‍ നല്‍കിയ മൃതദേഹം യുവാവ് സംസ്‌ക്കരിയ്ക്കുകയും ചെയ്തു . ഭാര്യയുടെ മരണത്തില്‍ ദുഖിതനായി കഴിയവെയാണ് 2016ല്‍ ഒരു ടെലിവിഷന്‍ പരിപാടിയില്‍ യുവാവിന്റെ മരിച്ച ഭാര്യയെ ചില സുഹൃത്തുക്കള്‍ കാണുന്നത് . നഷ്ടപ്പെട്ട് പോയ കുടുംബാംഗങ്ങളെ കണ്ടെത്തുന്നതിന് വേണ്ടിയുള്ള ടെലിവിഷന്‍ പരിപാടിയിലാണ ്‌യുവതി പ്രത്യക്ഷപ്പെട്ടത് .

രണ്ട് വര്‍ഷം മുമ്പ് കാണാതായ ഭര്‍ത്താവിനെ തിരഞ്ഞായിരുന്നു യുവതിയുടെ വരവ് . ഭര്‍ത്താവിന്റെ പേരും മേല്‍വിലാസവും യുവതിയ്ക്ക് ഓര്‍മ്മയുണ്ടായിരുന്നു. ഇക്കാര്യങ്ങള്‍ ചാനല്‍ പരിപാടിയിലൂടെ പറയുകയും ചെയ്തു. ഭര്‍ത്താവും ഭാര്യയും രണ്ട് വര്‍ഷത്തിന് ശേഷം ഒന്നിച്ചു . പക്ഷേ അന്ന് ഭാര്യയെന്ന് തെറ്റിദ്ധരിച്ച് സംസ്‌ക്കരിച്ച സ്ത്രീ ആരാണെന്ന് ഇതുവരേയും തിരിച്ചറിഞ്ഞിട്ടില്ല .

English summary

Man shocked as 'dead' wife appears on TV show two years later