ബന്ധുവിന്‍റെ കിടപ്പറയ്ക്ക് തീയിട്ടതിന് ജയിലിലായി, പുറത്തിറങ്ങിയ യുവാവ് അമ്മയെ കൊന്നു

കൊളംബോ: ബന്ധുവിന്റെ കിടപ്പറയ്ക്ക് തീയിട്ട കേസില്‍ അറസ്റ്റിലായ യുവാവ് ജയില്‍ മോചിതനായ ശേഷം അമ്മയെ തല്ലിക്കൊന്നു. 37കാരനായ യുവാവാണ് അമ്മയെ കൊന്ന കേസില്‍ വീണ്ടും ജയിലിലായത്. യുവാവിന് മാനസിക വിഭ്രാന്തിയുണ്ടെന്നാണ് പൊലീസ് സംശയിക്കുന്നത്.

യാതൊരു പ്രകോപനവും ഇല്ലാതെയാണ് യുവാവ് ഏറ്റവും അടുത്ത ബന്ധുവിന്റെ കിടപ്പുമുറിയ്ക്ക് തീയിട്ടത്. തുടര്‍ന്ന് ജയിയിലായി. യുവാവ് ജയിലിലായതില്‍ മനംനൊന്ത് ഭാര്യ ആത്മഹത്യ ചെയ്യുകയും ചെയ്തിരുന്നു. ജയില്‍ മോചിതനായ യുവാവ് അമ്മയ്‌ക്കൊപ്പമായിരുന്നു താമസം. എന്നാല്‍ ഇതും അധികം നീണ്ട് നിന്നില്ല.

മാനസിക അസ്വാസ്ഥ്യമുണ്ടെന്ന് കണ്ടെത്തിയതിനെ തുടര്‍ന്നാണ് യുവാവിനെ ജയില്‍ മോചിതനാക്കിയത്. വീട്ടിലെത്തി ദിവസങ്ങള്‍ കഴിയും മുമ്പ് ഇരുമ്പ് ദണ്ഡ് കൊണ്ട് യുവാവ് അമ്മയെ തലയ്ക്കടിച്ച് കൊന്നു. കൊലപതാക വിവരം അറിഞ്ഞ് പൊലീസ് എത്തുമ്പോള്‍ ഇയാള്‍ സ്ഥലത്തില്ലായിരുന്നു. മുങ്ങിയതാകുമെന്നാണ് പൊലീസ് കരുതിയത്. അമ്മയ്ക്ക് ശവപ്പെട്ടി വാങ്ങാന്‍ കടയില്‍ പോയതാണെന്ന് പറഞ്ഞ് യുവാവ് തിരിച്ചെത്തി പൊലീസിനെ ഞെട്ടിച്ചു.

English summary

Man whose wife ends life kills his mom