അമേരിക്കൻ പത്രത്തിന്റെ ഹെഡ് ഓഫീസിൽ വെടിവെപ്പ്.. 5 പേർ കൊല്ലപ്പെട്ടു, വെടിവെച്ചയാൾ അറസ്റ്റിൽ!!
വാഷിംഗ്ടൺ: അമേരിക്കയിലെ കാപ്പിറ്റൽ ഗസറ്റെ പത്രത്തിന്റെ ഓഫീസിൽ നടന്ന വെടിവെപ്പിൽ 5 പേർ കൊല്ലപ്പെട്ടതായി റിപ്പോർട്ട്. പ്രാദേശിക പത്രമായ കാപ്പിറ്റൽ ഗസറ്റെയുടെ ഹെഡ് ക്വാർട്ടേഴ്സിലാണ് വെടിവെപ്പ് നടന്നത്. വൈകിട്ട് മൂന്നരയോടെയാണ് സംഭവം ഉണ്ടായത്. മേരിലാൻഡിലെ അന്നാപോളിസിലാണ് സംഭവം.
നിരവധി പേർക്ക് വെടിയേറ്റതായി റിപ്പോർട്ടുണ്ട്. 5 പേരെങ്കിലും സംഭവത്തിൽ മരിച്ചതായി വാർത്താ ഏജന്സിയായ അസോസിയേറ്റഡ് പ്രസാണ് റിപ്പോര്ട്ട് ചെയ്തത്. തോക്കുമായി എത്തിയ ഒരാള് പത്രമോഫീസിലെ ജീവനക്കാർക്ക് നേരെ വെടിവെക്കുകയായിരുന്നു എന്ന് ദൃക് സാക്ഷികള് പറയുന്നു. അക്രമിയെ പോലീസ് അറസ്റ്റ് ചെയ്തിട്ടുണ്ട്.
ACTIVE SHOOTER UPDATE: Everyone at D'Amore Law is safe and under locked down at 88 Bestgate Road, Annapolis. We want to thank the police for a phenomenal response to protect us all as we wait. #breaking #annapolis #shooting #activeshooter pic.twitter.com/UuzxatcphY
— D'Amore Injury Law (@DAmoreInjuryLaw) June 28, 2018
പത്രമോഫീസിന്റെ ന്യൂസ് റൂമിലേക്ക് കയറിയ അക്രമി ഓഫീസ് വെടിവെച്ച് തകര്ത്ത ശേഷം ഓഫീസിൽ ഉണ്ടായിരുന്നവർക്ക് നേരെ നിറയൊഴിക്കുകയായിരുന്നു. ഷോട്ട് ഗൺ ഉപയോഗിച്ചായിരുന്നു ആക്രമണം. സംഭവത്തെ തുടർന്ന് അമേരിക്കയിലെ മാധ്യമസ്ഥാപനങ്ങളുടെ സുരക്ഷ വർധിപ്പിച്ചു.