എഡ്മോണ്ടന് ആക്രമണം: അക്രമി അറസ്റ്റില്, പിടിയിലായത് സൊമാലിയന് അഭയാര്ത്ഥി!!
ആള്ക്കൂട്ടത്തിലേയ്ക്ക് കാറിടിച്ച് കയറ്റിയ അക്രമി പോലീസ് ഉദ്യോഗസ്ഥനെ കുത്തിപ്പരിക്കേല്പ്പിച്ചു
ഒട്ടാവ: കാനഡയിലുണ്ടായ കത്തിക്കുത്തിലും അക്രമത്തിലും അഞ്ച് പേര്ക്ക് പരിക്ക്. കാനഡയിലെ എഡ്മോണ്ടണ്ണില് രണ്ടടത്തായി കത്തിക്കുത്ത് നടന്ന സംഭവത്തില് പോലീസ് കുറ്റവാളിയെ പിടികൂടി. സൊമാലി പൗരനാണ് പോലീസ് പിടിയിലായത്. നഗരത്തിലെ തിരക്കേറിയ ഭാഗത്ത് കത്തികൊണ്ട് കുത്തിപ്പരിക്കേല്പ്പിച്ചതിന് പുറമേ കാല്നടയാത്രക്കാര്ക്കിടയിലേയേക്ക് വാഹനമോടിച്ച് കയറ്റിയ കുറ്റങ്ങളാണ് ഇയാള്ക്കെതിരെ ചുമത്തിയിട്ടുള്ളത്.
ഞായറാഴ്ച വൈകിട്ട് കനേഡിയന് പോലീസ് അധികൃതര് നടത്തിയ വാര്ത്താസമ്മേളനത്തില് കുറ്റവാളിയെ പിടികൂടിയെന്നും ഇയാള് എഡ്മോണ്ടന് പോലീസിനും റോയല് കനേഡിയന് മൗണ്ടഡ് പോലീസിനും പരിചിതനായ സൊമാലിയന് പൗരനാണെന്നും പോലീസ് വ്യക്തമാക്കി.
ആദ്യത്തെ ആക്രമണം ശനിയാഴ്ച (പ്രാദേശിക സമയം) രാത്രി 8.15നായിരുന്നു. വെള്ളനിറത്തിലുള്ള ഷെവര്ലെ മാലിബു ട്രാഫിക് ബാരിക്കേഡിന് മുകളിലേയ്ക്ക് ഓടിച്ചു കയറ്റുകയായിരുന്നു. സ്പീഡില് ഓടിച്ചുവന്ന കാര് ട്രാഫിക് ബാരിക്കേഡിന് സമീപത്തുനില്ക്കുകയായിരുന്ന പോലീസ് ഉദ്യോഗസ്ഥനെ ഇടിച്ചുവീഴ്ത്തുകയായിരുന്നു. ഓടി രക്ഷപ്പെടാന് ശ്രമിച്ച പോലീസ് ഉദ്യോഗസ്ഥനെ കാറില് നിന്നിറങ്ങിയ അക്രമി കത്തി ഉപയോഗിച്ച് കുത്തിപ്പരിക്കേല്പ്പിച്ച ശേഷം ഓടി രക്ഷപ്പെടുകയായിരുന്നു. കാറില് ഐസിസ് പതാക സ്ഥാപിച്ചിരുന്നുവെന്ന് പോലീസ് കണ്ടെത്തിയിരുന്നു. അക്രമിക്കെതിരെയുള്ള തെളിവായി പോലീസ് ഇത് പിടിച്ചെടുത്തിട്ടുണ്ട്. ഈ സംഭവത്തിന് ശേഷമാണ് പോലീസ് നഗരത്തിലെ പോലീസ് ഉദ്യോഗസ്ഥര്ക്ക് ഷെവര്ലേ ഉടമയുടെ പേര് കൈമാറുന്നത്. തുടര്ന്ന് അര്ദ്ധരാത്രിയോടെ പോലീസ് കുറ്റവാളിയെ വലയിലാക്കുകയും ചെയ്തു.
ഭീകരവാദ പ്രവര്ത്തനങ്ങളിലെ പങ്ക്, ഭീകര സംഘടനയ്ക്ക് വേണ്ടി പ്രവര്ത്തിച്ചു എന്നിങ്ങനെ വിവിധ വകുപ്പുകള് ചുമത്തിയാണ് ഇയാള്ക്കെതിരെ പോലീസ് കേസെടുത്തിട്ടുള്ളതെന്ന് എഡ്മോണ്ടന് പോലീസ് വ്യക്തമാക്കി. തീവ്ര ചിന്താഗതിയുള്ള ഇയാളെക്കുറിച്ച് നിരവധി പരാതികള് ലഭിച്ചതിനെ തുടര്ന്ന് 2015 ല് തന്നെ പോലീസ് ഇയാളെക്കുറിച്ച് അന്വേഷണം നടത്തിയിരുന്നു. എന്നാല് ഭീകരവാദ പ്രവര്ത്തനങ്ങളില് ഏര്പ്പെടുന്നുവെന്നതിന് തക്കതായ തെളിവില്ലാത്തതിനാല് പോലീസ് നടപടികള് സ്വീകരിച്ചിരുന്നില്ല.
-
സ്വർണം കൂട്ടത്തോടെ വിറ്റ് ദുബായിലെ ഇന്ത്യക്കാർ; ഒരു ദിവസം ഒരു കിലോ വരെ..കാരണം ഇതാണ് -
യുദ്ധം വേഗത്തിൽ അവസാനിക്കുമെന്ന് ട്രംപ്; 'വീണ്ടും തുടങ്ങിയാൽ കനത്ത തിരിച്ചടി തന്നെ അവർക്ക് നൽകും' -
ദീലീപ് കുടുങ്ങുമോ?നടി കേസിൽ ഹൈക്കോടതിയുടെ നിർണായക നീക്കം, നോട്ടീസ് നൽകി..ഇനി നിയമപോരാട്ടം -
ഗണേഷ് കുമാർ വിവാദത്തിൽ ട്വിസ്റ്റ്, ഭാര്യയെ വിളിച്ച് മാപ്പ് പറഞ്ഞ് മന്ത്രി, മാപ്പ് കൊടുത്തെന്ന് ബിന്ദു മേനോൻ -
എൽഡിഎഫ് 66 ഇടത്ത്, യുഡിഎഫ് 62 ഇടത്ത്, 12 മണ്ഡലങ്ങളിൽ കടുത്ത മത്സരം; കേരളത്തിൽ ഇഞ്ചോടിഞ്ചെന്ന് സർവേ -
'ഇങ്ങനാണേല് ഞാനില്ല'; പിണങ്ങിയിറങ്ങി ശശീന്ദ്രന്, എന്സിപിയിലും ആര്ജെഡിയിലും അതൃപ്തി പുകയുന്നു -
വിജയും തൃഷയും രഹസ്യമായി വിവാഹിതരായി? രജനിയും കമലും പങ്കെടുത്തു, ഫോട്ടോകൾ വൈറൽ, സത്യമാണോ? -
ശനിയുടെ അസ്തമയം 40 ദിവസം; ഈ രാശിക്കാർക്ക് ഭാഗ്യം ഉറപ്പ്, ദാമ്പത്യ ജീവിതത്തിൽ പൂർണ സന്തോഷം..! -
ഇസ്രായേലിന്റെ ഉറ്റരാജ്യം; അസര്ബൈജാന് ഇറാനിലേക്ക് മരുന്നും ഭക്ഷണവും അയച്ചു, വിചിത്ര ബന്ധം -
സഞ്ജു സാംസണിന്റെ ആസ്തി എത്ര? ഐപിഎൽ ശമ്പളവും പരസ്യ വരുമാനവും ചേർന്ന് വരുമ്പോൾ.. കണ്ണ് തള്ളും! -
ഈ രാശിക്കാരാണോ? മാര്ച്ച് മുതല് ഘടാഘടിയന് രാജയോഗം; ജീവിതം ഇനി കളറാകും -
സ്വര്ണം വില കൂടി; ഡോളര് ഇടിഞ്ഞത് തിരിച്ചടി, ഇനിയും ചാഞ്ചാട്ട സാധ്യത, ഇന്നത്തെ പവന് വില
Click it and Unblock the Notifications
Sign in with Google