ആഡംബര ഹോട്ടലിന് തീപിടിച്ചു!! 10 മരണം, നാലുനില കെട്ടിടം കത്തിയമർന്നു !!!
ചൈനയിലെ ആഡംബര ഹോട്ടലിൽ വൻ തീപിടുത്തം.
ബീജിങ്: ചൈനയിലെ ആഡംബര ഹോട്ടലില് ഉണ്ടായ തീ പിടുത്തത്തിൽ 10 പേര് മരിച്ചു. കെട്ടിടത്തിന് അകത്ത് കുടുങ്ങി കിടക്കുന്നവരെ രക്ഷപ്പെടുത്തി.
ചൈനയിലെ പ്രധാന ആഡംബര ഹോട്ടലുകളില് ഒന്നാണ് തീ പിടുത്തം ഉണ്ടായ പ്ലാറ്റിനം മിക്സ് ഹോട്ടല്. നാല് നിലകളുള്ള ഹോട്ടലില് 24 മുറികളാണ് ഉള്ളത്.
ഹോട്ടലിന്റെ രണ്ടാം നിലയില് ഉള്ള മുറികളില് നിന്നാണ് തീ പടര്ന്നത്. ഇവിടെ വലിയ ഒരു ആഘോഷം നടക്കുന്നതിനായുള്ള ഒരുക്കങ്ങള് പുരോഗമിയ്ക്കുകയായിരുന്നെന്ന് ചൈനീസ് മാധ്യമങ്ങള് റിപ്പോര്ട്ട് ചെയ്യുന്നു.
ഹോട്ടല് കെട്ടിടത്തില് നിന്ന് ഇപ്പോഴും പുക പുറത്ത് വരുന്നുണ്ട്. പൊട്ടിത്തെറിയ്ക്ക് സാധ്യത ഉണ്ടോ എന്ന ആശങ്കയില് സുരക്ഷാഉദ്യോഗസ്ഥര്. ഹോട്ടലില് ഉണ്ടായിരുന്ന താമസക്കാരെ ഒഴിപ്പിച്ചു.
|
ഹോട്ടലിന് അകത്ത് ആളുകള് കുടുങ്ങി കിടക്കുന്നുണ്ടോ എന്നും ആശങ്കയുണ്ട്. രണ്ടാം നിലയില് ജോലി ചെയ്യുകയായിരുന്ന സ്ത്രീകള് അടക്കമുള്ളവരെ പുറത്തെത്തിച്ചിട്ടുണ്ട്. പ്രദേശത്ത് ഇപ്പോഴും പുക പടരുന്നുണ്ട്.
തീപിടുത്തത്തിൽ പൊള്ളലേറ്റവരെ ആശുപത്രിയിൽ പ്രവേശിപ്പിച്ചു. രക്ഷപ്പെടാനായി കെട്ടിടത്തിന്റെ മുകൾ നിലയിൽ നിന്ന് ചാടിയ ചിലർക്കും പരിക്കേറ്റിട്ടുണ്ട്.
വിഐപികളും പണക്കാരും താമസിക്കാൻ എത്തുന്ന ഹോട്ടലാണ് ഇത്. തീ പിടുത്തം ഉണ്ടായപ്പോൾ അകത്ത് വിഐപികൾ ആരെങ്കിലും ഉണ്ടായിരുന്നോ എന്ന് വ്യക്തമല്ല. കോടികളുടെ നഷ്ടമാണ് ഉണ്ടായിരിക്കുന്നത്.