Click it and Unblock the Notifications
Just In
Don't Miss
-
അമ്മൂമ്മ ഒരുപാട് സ്ട്രഗിൾ ചെയ്തു; അമ്മ ഇന്ന് അതേ ലൈഫ് സ്റ്റെെലിലാണ്; എന്റെ ആവശ്യം വരാറില്ല; സൗഭാഗ്യ -
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള് -
IPL 2024: രാഹുല് 'ഷോ', സഞ്ജുവും റിഷഭും ഭയക്കണം! ലോകകപ്പില് രോഹിത്തിനൊപ്പം ഓപ്പണറോ? -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
ചൈനയില്‍ ഒബാമയ്ക്കും ഡൂപ്ലിക്കേറ്റ്; ഒരു ഷോയ്ക്ക് വാങ്ങുന്നത് 67,000 രൂപ
ഇംഗ്ലീഷില്‍ വലിയ പിടിയില്ലാത്തതുകാരണം മുറി ഇംഗ്ലീഷിലാണ് ഷിയോയുടെ വേദികളിലെ പ്രകടനം.
ബെയ്ജിങ്: എന്തിനും ഏതിനും ഡൂപ്ലിക്കേറ്റ് ഇറക്കുന്നവരാണ് ചൈനക്കാര്‍. ഇപ്പോഴിതാ അമേരിക്കന്‍ പ്രസിഡന്റ് സാക്ഷാല്‍ ബരാക്ക് ഒബാമയ്ക്കും ഒരു ഡൂപ്ലിക്കേറ്റ് ഇറങ്ങിയിരിക്കുന്നു. കാഴ്ചയില്‍ തനി ഒബാമയെന്ന് തോന്നിക്കുന്ന ഷിയോ ജിങ്ങോ ഒബാമയെ അനുകരിക്കുന്നതിലും മിടുക്കനായതിനാല്‍ അനവധി ഷോയാണ് ചൈനയിലെ വിവിധ ഭാഗങ്ങളില്‍ നടത്തുന്നത്.
ഓരോ ഷോയ്ക്കും 1,000 ഡോളര്‍(ഏകദേശം 67,000 രൂപ) വീതമാണ് ചൈനീസ് ഒബാമ കൈപ്പറ്റുന്നതെന്നാണ് റിപ്പോര്‍ട്ട്. സാക്ഷാല്‍ ഒബാമ ജനുവരിയില്‍ അമേരിക്കന്‍ പ്രസിഡന്റ് പദവി ഒഴിയുമെന്നതിനാല്‍ ഈ മുന്‍ സെക്യൂരിറ്റി ഗാര്‍ഡിന് ആശങ്കയുണ്ട്. പഴയപോലെ വേദികളില്‍ ഷോ അവതരിപ്പിക്കാന്‍ അവസരം ലഭിച്ചേക്കില്ലെന്നാണ് ഷിയോ പറയുന്നത്.
ഇംഗ്ലീഷില്‍ വലിയ പിടിയില്ലാത്തതുകാരണം മുറി ഇംഗ്ലീഷിലാണ് ഷിയോയുടെ വേദികളിലെ പ്രകടനം. ഒബാമയുടെ ഹെയര്‍സ്റ്റൈലും വേഷഭൂഷാദികളുമായി ഷിയോ ചൈനയില്‍ ഇപ്പോള്‍ വാര്‍ത്താപ്രാധാന്യവും നേടിക്കഴിഞ്ഞു. 2008ല്‍ സെക്യൂരിറ്റി ജോലി ചെയ്തു ജീവിക്കവെ ഒരു സഹപ്രവര്‍ത്തകനാണ് ഷിയോയിലെ ഒബാമയുടെ രൂപം കണ്ടെത്തിയത്.
ഇതിനുശേഷം ഒബാമയെ അനുകരിക്കാനുള്ള ശ്രമത്തിലായിരുന്നു. 2012ല്‍ ഒബാമ വീണ്ടും അധികാരത്തിലെത്തിയതോടെ ഷിയോ ചെറിയ വേദികളില്‍ പ്രത്യക്ഷപ്പെട്ടുതുടങ്ങി. 2014ല്‍ ഒരു ടിവി പരിപാടിയില്‍ പങ്കെടുക്കുകകൂടി ചെയ്തതോടെയാണ് ഷിയോയുടെ ഭാഗ്യം തെളിഞ്ഞുവന്നത്. ഒബാമ അടുത്തതന്നെ സ്ഥാനമൊഴിയുമെങ്കിലും ഒരു അഭിനേതാവായി തിളങ്ങാനാണ് ഇനി ഷിയോയുടെ പരിപാടി.
