പെര്‍ഫോമന്‍സ് പോര, 12 ഭര്‍ത്താക്കന്മാര്‍ക്ക് നിര്‍ബന്ധിത സുന്നത്ത്

നയ്‌റോബി: കിടപ്പറയില്‍ പെര്‍ഫോമന്‍സ് പോര എന്ന് ഭാര്യമാര്‍ പരാതിപ്പെട്ടതിനെ തുടര്‍ന്ന് ഭര്‍ത്താക്കന്മാരെ ആക്രമിച്ച് കീഴടക്കിയ ശേഷം ബലമായി സുന്നത്ത് നടത്തി. ആഫ്രിക്കന്‍ രാജ്യമായ കെനിയയിലെ തുര്‍ക്കാന പ്രദേശത്താണ് സംഭവം. സുന്നത്ത് കല്യാണം നടത്തിയ പുരുഷന്മാരുടെ അത്ര പോര തങ്ങളുടെ ഭര്‍ത്താക്കന്മാരുടെ പ്രകടനം എന്നായിരുന്നത്രെ ഭാര്യമാരുടെ പരാതി.

മോയീസ് ബ്രിഡ്ജിലെ പന്ത്രണ്ട് ചെറുപ്പക്കാരെയാണ് അടിച്ചുവീഴ്ത്തിയ ശേഷം ബലമായി നഗ്നരാക്കി സുന്നത്ത് കല്യാണം നടത്തിവിട്ടത്. പ്രദേശത്ത് സുന്നത്ത് കല്യാണം നടത്താത്ത മറ്റ് ചെറുപ്പക്കാരും സംഭവം അറിഞ്ഞ് അങ്കലാപ്പിലാണ്. മോയിസ് ബ്രിഡ്ജിലെ നിരവധി സ്ത്രീകളാണ് തങ്ങളുടെ ഭര്‍ത്താക്കന്മാരുടെ പ്രകടനത്തില്‍ തൃപ്തി പോരെന്ന് പരാതിപ്പെട്ടത്.

സുന്നത്ത് നടത്തിയ പുരുഷന്മാരില്‍ തങ്ങള്‍ തൃപ്തരാണ് എന്നും ഇവര്‍ പറഞ്ഞു. ചെറുപ്പത്തില്‍ സുന്നത്ത് കല്യാണം ഒഴിവാക്കിയ പുരുഷന്മാരാണ് ഭാര്യമാരുടെ നിര്‍ബന്ധത്തിന് വഴങ്ങി ഇപ്പോള്‍ ചടങ്ങ് നടത്തേണ്ടി വന്നതെന്ന് കെനിയയിലെ റേഡിയോ സ്‌റ്റേഷനായ വെസ്റ്റ് എഫ് എം റിപ്പോര്‍ട്ട് ചെയ്തു. നാട്ടുകാരെല്ലാം ചേര്‍ന്ന് പാട്ടും കൂത്തുമായാണ് ചെറുപ്പക്കാരെ സുന്നത്ത് കല്യാണം നടത്താനുള്ള ആശുപത്രിയിലേക്ക് കൊണ്ടുപോയതത്രെ.

ഭര്‍ത്താക്കന്മാര്‍ക്ക് സുന്നത്ത് നടത്തിയതില്‍ തങ്ങള്‍ സന്തുഷ്ടരാണ് എന്നാണ് ഇവരുടെ ഭാര്യമാര്‍ പറയുന്നത്. സുന്നത്ത് കല്യാണം നടത്തപ്പെട്ട ചെറുപ്പക്കാര്‍ക്ക് നാട്ടുകാര്‍ പണം കൊടുത്തതായും റിപ്പോര്‍ട്ടുണ്ട്. സുന്നത്ത് കല്യാണം നടത്താത്ത ചെറുപ്പക്കാര്‍ക്കായി പ്രദേശത്ത് ആഗസ്തിലെ ആദ്യത്തെ മൂന്നാഴ്ച സുന്നത്ത് സീസണ്‍ തന്നെയുണ്ടാകും എന്നാണ് കെനിയന്‍ ഡെയ്‌ലി പോസ്റ്റ് റിപ്പോര്‍ട്ട് ചെയ്യുന്നത്. തങ്ങളെ സംരക്ഷിക്കണം എന്നാവശ്യപ്പെട്ട് അമ്പതോളം പുരുഷന്മാര്‍ പോലീസിനെ സമീപിച്ചതായും റിപ്പോര്‍ട്ടുണ്ട്.

English summary

Men are forced to undergo circumcisions in Kenya after their wives complained that they were not as good in bed