മിസ് യൂണിവേഴ്സ് മത്സരാർത്ഥിയെ അയോഗ്യയാക്കി !!! കാരണം ഞെട്ടിയ്ക്കുന്നത് !!!
ഡെന്മാര്ക്കില് ക്രിസ്റ്റീനയ്ക്ക് എതിരെ ക്രിമിനല് കേസ് നിലവില് ഉണ്ട് .
കോപ്പന്ഹേഗന്: 2016ലെ മിസ് യൂണിവേഴ്സ് മത്സരത്തില് പങ്കെടുത്ത സുന്ദരിയെ അയോഗ്യയാക്കി. മിസ് ഡെന്മാര്ക്ക് ക്രിസ്റ്റീന മികല്സനെയാണ് സൗന്ദര്യമത്സര അസോസിയേഷന്റെ ഭാരവാഹികള് അയോഗ്യയാക്കിയത്.
അയോഗ്യയാക്കുന്നത് സംബന്ധിച്ച് ക്രിസ്റ്റിനയെ വിവരം അറിയിച്ചിട്ടുണ്ടെന്നും എന്നാല് അവര് ഇത് വരെ പ്രതികരിച്ചിട്ടില്ലെന്നും സംഘാടകര് അറിയിച്ചു.
2016ല് നടന്ന മിസ് യൂണിവേഴ്സ് മത്സരത്തില് ഡെന്മാര്ക്കിനെ പ്രതിനിധീകരിച്ചാണ് ക്രിസ്റ്റിന മത്സരിച്ചത്. ഡെന്മാര്ക്കിലെ അറിയപ്പെടുന്ന മോഡലാണ് ഇവര്.
ക്രിസ്റ്റീനയ്ക്ക് എതിരെ ക്രിമിനല് കേസ് നിലവില് ഉണ്ട് ഡെന്മാര്ക്കില്. ഈ കേസില് അന്വേഷണം പുരോഗമിക്കുകയാണ്. ഇതേ തുടര്ന്ന്ാണ് ക്രിസ്റ്റീനയുടെ സൗന്ദര്യറാണി പട്ടം എടുത്തുമാറ്റാന് സമിതി തീരുമാനിച്ചത്.
എന്നാല് തനിക്കെതിരെയുള്ള കേസ് കെട്ടിച്ചമച്ചതാണെന്നും നാഷണല് ഡയറക്ടര് പോള് ഹാമില്ട്ടണ് തന്നോട് മോശമായി പെരുമാറിയിട്ടുണ്ടെന്ന് ക്രിസ്റ്റിന ആരോപിക്കുന്നു.
കേസില് നിന്ന് രക്ഷപ്പെടുത്താനായി പല ഉദ്യോഗസ്ഥരും തന്നോട് മോശമായി പെരുമാറിയിട്ടുണ്ട്. ടോപ് ലെസ് ഫോട്ടോ അയച്ച് തരാനും ആവശ്യപ്പെട്ടിട്ടുണ്ടെന്നും ക്രിസ്റ്റീന ആരോപിയ്ക്കുന്നു.
പൊളിറ്റിക്സിലും ജേര്ണലിസത്തിലും ഡിഗ്രി ഉള്ള ആളാണ് ക്രിസ്റ്റീന. കോപ്പന്ഗേഹന് സ്വദേശിയാണ്. സാമൂഹിക പ്രവര്ത്തനങ്ങളില് സജീവ പങ്കാളിയാണ് ഇവര്. ഡെന്മാര്ക്കിലെ ടിവി പരിപാടികളിലും ഇവര് അവതാരികയാണ്.