Click it and Unblock the Notifications
Just In
Don't Miss
-
റെക്കോർഡ് വിലയിൽ നിന്നും താഴോട്ടിറങ്ങി സ്വർണം, ഇന്ന് കുറഞ്ഞത് 240 രൂപ, ആഭരണം വാങ്ങാൻ 58,000 നൽകണം -
IPL 2024: 3 വിക്കറ്റിനു ഒരു വിലയുമില്ലേ? അവാര്ഡ് അര്ഹിച്ചത് മുകേഷ്! റിഷഭിന് എന്തിന് കൊടുത്തു -
മധുര, ശ്രീരംഗം, തഞ്ചാവൂർ; ഒറ്റദിവസ യാത്ര, ചെലവ് വെറും 1000 രൂപ! പോയാലോ -
25 തികഞ്ഞ 'ധൂം' ബൈക്കിന്റെ സ്പെഷ്യല് എഡിഷനുമായി സുസുക്കി! വാങ്ങാന് എസ്യുവിയുടെ വിലയാകും -
കെമ്പമ്മ ദേവി നല്‍കിയ സ്വപ്ന ദര്ശനം; നായയെ ദൈവമായി ആരാധിക്കുന്ന ക്ഷേത്രം -
വെറുപ്പിന്റെ അങ്ങേയറ്റം ജാസ്മിനും ഗബ്രിക്കും സപ്പോര്ട്ട്; വൈല്ഡ് കാര്ഡ് എന്ട്രികളുടെ ശ്രമം പാളുന്നു? -
തുടരൻ ഹിറ്റുകൾ; മലയാള സിനിമ മാത്രമല്ല റിയൽമിയും മാസാണ്! നാർസോ 70x 5ജിയുടെ വില അങ്ങാടിപ്പാട്ട്!
ഇസ്രായേല്‍ സുന്ദരിക്കൊപ്പം സെല്‍ഫി; ലെബനോണ്‍ സുന്ദരി വിവാദത്തില്‍
ഇസ്രായേല്‍ സുന്ദരിക്കൊപ്പം ഒരു സെല്‍ഫിക്ക് പോസ് ചെയ്യുമ്പോള്‍ മിസ് ലബനോണ്‍ ഇത്രയും പ്രതീക്ഷിച്ചിരിക്കില്ല. വെറും ഒരു സെല്‍ഫി ഇപ്പോള്‍ രാജ്യദ്രോഹി എന്ന പേരാണ് യുവതിക്ക് നേടിക്കൊടുത്തത്. മിസ് യൂണിവേഴ്‌സ് മത്സരത്തിനിടെ കണ്ടുമുട്ടിയപ്പോഴാണ് നാലുപേര്‍ ചേര്‍ന്നുള്ള സെല്‍ഫിയില്‍ മിസ് ലെബനോണ്‍ സാലി ഗ്രേയ്ജ് മുഖം കാട്ടിയത്.
എന്നാല്‍, തങ്ങളുടെ അടുത്ത ശത്രുക്കളായ ഇസ്രായേലില്‍ നിന്നുമുള്ള ഒരു സുന്ദരിക്കൊപ്പം ഇത്ര സന്തോഷത്തോടെ ചിരിച്ചുനില്‍ക്കുന്ന സാലിയുടെ ചിത്രം മാധ്യമങ്ങളില്‍ വന്നതോടെ വിവാദവും പൊട്ടിപ്പുറപ്പെട്ടു. ഫോട്ടോബോംബ് എന്ന ലെബനോണ്‍ മാധ്യമങ്ങളുടെ വിശേഷണം തന്നെ ചിത്രത്തിനെതിരെയുള്ള വികാരം എത്രവലുതാണ് വ്യക്തമാക്കുന്നു.
2014ല്‍ നല്‍കിയ മിസ് ലബനോന്‍ 2014 കിരീടം സാലിയില്‍ നിന്നും തിരിച്ചുവാങ്ങണമെന്ന് പലരും ആവശ്യപ്പെട്ടിട്ടുണ്ട്. എന്നാല്‍, താന്‍ ഇക്കാര്യത്തില്‍ പൂര്‍ണമായും നിരപരാധിയാണെന്ന് ഗ്രേയ്ജ് പറയുന്നു. മിസ് ജപ്പാനും മിസ് സ്‌ളോവാനിയയും ചേര്‍ന്നുള്ള ഒരു സെല്‍ഫിക്കിടെ മിസ് ഇസ്രായേല്‍ ചാടിവീഴുകയായിരുന്നെന്ന് അവര്‍ പറയുന്നു. സംഭവിച്ചതില്‍ ഖേദമുണ്ടെന്ന് മിസ് ഇസ്രായേല്‍ ഡോറന്‍ മറ്റാലനും പ്രതികരിച്ചു.
അതിര്‍ത്തി തര്‍ക്കവുമായി ബന്ധപ്പെട്ട് ഇസ്രായേലും ലബനോണും തമ്മില്‍ വര്‍ഷങ്ങള്‍ നീളുന്ന കുടിപ്പകയുണ്ട്. ഇരുവരും തമ്മിലുള്ള യുദ്ധത്തില്‍ ആയിരക്കണക്കിന് ലബനോണുകാര്‍ മരിച്ചിരുന്നു. 2006 ഇസ്രായേല്‍ ലബനോന്റെ ഹിസ്ബുള്ളയില്‍ നടന്ന ആക്രമണത്തില്‍ മാത്രം 1,200 ലബനോണ്‍ നിവാസികള്‍ക്കാണ് ജീവന്‍ നഷ്ടമായത്.
