ബോഡി ബില്‍ഡര്‍മാര്‍ക്ക് മുലപ്പാല്‍ വിറ്റ് പണം സന്പാദിയ്ക്കുന്ന അമേരിയ്ക്കന്‍ യുവതി

ലാന്‍സിങ്: ഓണ്‍ലൈനിലൂടെ മുലപ്പാല്‍ വിറ്റ് പണം സന്പാദിച്ച് മിഷിഗണ്‍ യുവതി. മൂന്ന് കുട്ടികളുടെ അമ്മയായ സ്ത്രീയാണ് തന്റെ മുലപ്പാല്‍ വില്‍ക്കുന്നത്. മിഷിഗണിലെ ബോഡി ബില്‍ഡര്‍മാര്‍ക്കാണ് ലിസ ചാര്‍ബൊനേയും എന്ന സ്ത്രീ മുലപ്പാല്‍ വില്‍ക്കുന്നത്.

പുരുഷന്റെ ശരീര സൗന്ദര്യം കൂട്ടാന്‍ വേണ്ട എല്ലാ പോഷകങ്ങളും മുലപ്പാലില്‍ അടങ്ങിയിട്ടുണ്ടെന്നാണ് യുവതി പറയുന്നത്. സൗന്ദര്യം കൂട്ടാന്‍ മരുന്നുകള്‍ ഉപയോഗിയ്ക്കുന്നതിന് പകരം മുലപ്പല്‍ ഉപയോഗിയ്ക്കൂ എന്നാണ് യുവതി പറയുന്നത്. അമേരിയ്ക്കയില്‍ പലയിടത്തും ബോഡി ബില്‍ഡര്‍മാര്‍ മുലപ്പാല്‍ ഉപയോഗിയ്ക്കുന്നതായി റിപ്പോര്‍ട്ടുണ്ട്.

ഒട്ടേറെ വിറ്റാമിനുകളുടേയും പ്രോട്ടീനുകളുടേയും ഉറവിടമാണ് മുലപ്പാല്‍. തന്റെ ഒരു ബന്ധു ഫേസ്ബുക്കില്‍ ഇക്കാര്യം പോസ്റ്റ് ചെയ്തതോടെയാണ് മുലപ്പാല്‍ വില്‍ക്കുന്നതിനെപ്പറ്റി സ്ത്രീ ചിന്തിച്ചത്. മൂന്നാമത്തെ കുഞ്ഞിന് ജന്മം നല്‍കിയതോടെ മുലപ്പാല്‍ വില്‍പ്പനയും തുടങ്ങി. ഒരു ഔണ്‍സ് മുലപ്പാലിന് ഒരു ഡോളറാണ് വില ഇത്തരത്തില്‍ 70 ഔണ്‍സിലേറെ യുവതി വില്‍ക്കുന്നുണ്ട് .

English summary

Mom sells breast milk online for bodybuilders