10 ദിവസം, 12 രാജ്യങ്ങളിലായി 92 കുരങ്ങ് പനി കേസുകള്; അറിയേണ്ടതെല്ലാം
വാഷിംഗ്ടണ്: കുരങ്ങ് പനി കൂടുതല് രാജ്യങ്ങളിലേക്ക് പടരുന്നു. മെയ് 13 മുതല് പന്ത്രണ്ട് രാജ്യങ്ങളില് നിന്നായി തൊണ്ണൂറ്റി രണ്ട് കുരങ്ങ് പനി കേസുകളാണ് രജിസ്റ്റര് ചെയ്തിട്ടുള്ളത്. കേസുകള് ഇനിയും വര്ധിക്കാനുള്ള സാധ്യതയുണ്ടെന്ന് ലോകാരോഗ്യ സംഘടന വ്യക്തമാക്കി. രോഗ വ്യാപനം തടയുന്നതിനായി, അണുബാധയുണ്ടാകാന് കൂടുതല് സാധ്യതയുള്ളവരെ കൃത്യമായ വിവരങ്ങള് അറിയിക്കുന്നതിലാണ് ശ്രദ്ധ കേന്ദ്രീകരിക്കുന്നതെന്ന് ലോകാരോഗ്യ സംഘടന വ്യക്തമാക്കി.
യുണൈറ്റഡ് സ്റ്റേറ്റ്സ്, ഓസ്ട്രേലിയ, കാനഡ, കുറഞ്ഞത് ഒമ്പത് യൂറോപ്യന് രാജ്യങ്ങള് എന്നിവിടങ്ങളില് കുരങ്ങ് പനി റെക്കോര്ഡ് ചെയ്യപ്പെട്ടിട്ടുണ്ട്. ആദ്യമായി കുരങ്ങുകളില് കണ്ടെത്തിയതിനാലാണ് ഈ രോഗത്തിന് ഈ പേര് ലഭിച്ചത്. ഇതുവരെ മരണങ്ങളൊന്നും രേഖപ്പെടുത്തിയിട്ടില്ല.
യുകെ, പോര്ച്ചുഗല്, സ്പെയിന് എന്നീ രാജ്യങ്ങളാണ് കുരങ്ങ് പനി ഗുരുതരമായി ബാധിച്ച യൂറോപ്പ്യന് രാജ്യങ്ങള്. ബെല്ജിയം, ഫ്രാന്സ്, ജര്മ്മനി, നെതര്ലാന്ഡ്സ്, ഇറ്റലി, സ്വീഡന് എന്നീ രാജ്യങ്ങളിലും കുരങ്ങ് പനി സ്ഥിരീകരിച്ചിട്ടുണ്ട്. ലൈംഗികാരോഗ്യ ക്ലിനിക്കുകളില് നിന്ന് ധാരാളം കേസുകള് രേഖപ്പെടുത്തിയിട്ടുണ്ട്.
മങ്കിപോക്സ് വൈറസ് ബാധയാണ് കുരുങ്ങ് പനിക്ക് കാരണമാകുന്നത്. ഓര്ത്തോപോക്സ് വൈറസ് വിഭാഗത്തില് ഉള്പ്പെടുന്നതാണ് മങ്കി പോക്സ് വൈറസ്. 1958 ലാണ് കുരങ്ങ് പനി ആദ്യമായി റിപ്പോര്ട്ട് ചെയ്യുന്നത്. പഠനത്തിനായി സൂക്ഷിച്ചിരുന്ന കുരുങ്ങുകളുടെ കോളനിയിലാണ് ആദ്യമായി ഈ രോഗം കണ്ടെത്തിയത്.1970 ല് കോംഗോയിലാണ് ആദ്യമായി മനുഷ്യരില് കുരുങ്ങ് പനി റിപ്പോര്ട്ട് ചെയ്യപ്പെട്ടത്.
വസൂരിക്ക് സമാനമാണ് മനുഷ്യരില് ഉണ്ടാകുന്ന കുരുങ്ങ് പനിയുടെ ലക്ഷണങ്ങള്. പനി, തലവേദന, പേശി വേദന, ക്ഷീണം എന്നിവയാണ് പ്രധാന ലക്ഷണങ്ങള്. ശരീരത്തില് കുരുക്കള് പൊങ്ങി വരികയും ചെയ്യും. വൈറസ് ശരീരത്തില് പ്രവേശിച്ച് 7 മുതല് 14 ദിവസത്തിനകം തന്നെ രോഗലക്ഷണങ്ങള് കണ്ട് തുടങ്ങും. ചിലരില് 5 മുതല് 21 ദിവസമെടുക്കും കുരങ്ങ് പനിയുടെ ലക്ഷണള് കാണിച്ചുതുടങ്ങാന്.
രണ്ട് മുതല് നാല് ആഴ്ച വരെയാണ് കുരങ്ങ് പനി നിലനില്ക്കുക. വൈറസ് ബാധിച്ച മൃഗത്തില് നിന്നോ മനുഷ്യനില് നിന്നോ മറ്റൊരു മനുഷ്യനിലേക്ക് ഈ രോഗം പടരാം. മൂക്ക്, കണ്ണ്, വായ, ശ്വാസനാളം, ശരീരത്തിലെ മുറിവുകള് എന്നിവയിലൂടെ വൈറസ് ബാധയുണ്ടാകും.
നിലവില് കുരങ്ങ് പനിക്ക് മരുന്ന് കണ്ടുപിടിച്ചിട്ടില്ല. വസൂരി, ആന്റി വൈറല്, വിഐജി എന്നീ വാക്സിനുകളാണ് ഇപ്പോല് നല്കുന്നത്.
-
സ്വർണം തിങ്കളാഴ്ച വാങ്ങുന്നുണ്ടോ? വില 1.20 ലക്ഷത്തിന് മുകളിലേക്കോ അതോ താഴേക്കോ? വിദഗ്ധർ പറയുന്നത് ഇതാണ് -
ബഹ്റൈന്, ഖത്തര് പ്രവാസികള്ക്ക് പ്ലാന് ബി; തിരിച്ചെത്തിയത് 52360 പേര്, അനാവശ്യ ധൃതി വേണ്ട -
ജോബി ജോര്ജ് ജയിലിലേക്ക്; സിനിമാ നിര്മാതാവിന് 4 വര്ഷം തടവ് വിധിച്ച് കോടതി, ഇതാണ് കേസ് -
'മമ്മൂട്ടി ഒരു അൽപനാണ്..വയനാട് ദുരന്തം നടക്കുമ്പോൾ നിങ്ങൾ എവിടെ ആയിരുന്നു';രൂക്ഷവിമർശനം -
റഫീഖിനെ ഫോണില് വിളിച്ച് സംസാരിച്ച് മമ്മൂട്ടി, 'മനപൂര്വ്വം അപമാനിക്കാന് ശ്രമിച്ചതല്ല' -
സുനില് കുമാറിന് പകരം ജയരാജ് വാര്യര്? പത്മജ വേണുഗോപാലിനെതിരെ ഇറങ്ങിയേക്കും, കോണ്ഗ്രസിനാര് -
ഡോളറിന് അടിതെറ്റുന്നു.. പൊന്ന് കയറി; സര്വകാല റെക്കോഡിലേക്ക് 19000 രൂപ മാത്രം പിന്നില് സ്വര്ണം -
പാലക്കാട് ബിജെപിയിൽ 'കല്ലുകടി'; ശോഭ സുരേന്ദ്രന്റെ വരവിൽ അതൃപ്തിയുമായി ജില്ലാ അധ്യക്ഷൻ, -
മമ്മൂട്ടിയെ തെറി വിളിക്കുന്നവർ അറിയൻ; കട്ട് മുടിച്ചിട്ടാണ് ഔദാര്യമെന്ന പ്രചാരണം; അഖിൽ മാരാർ -
മമ്മൂക്കയുടെ ഉള്ളിൽ മൈക്കിളപ്പനോ സേതുരാമയ്യറോയെന്ന് ആർക്കറിയാം';നടി സരിത -
സ്വര്ണം വാങ്ങിയവര്ക്ക് പേടി വേണ്ട... ഇറാന്-യുഎസ് യുദ്ധം അവസാനിച്ചാലും വില കൂടും! കാരണമിത് -
രാഷ്ട്രപതിയുടെ വേദിമാറ്റം; വിവാദം മുറുകുന്നു..സർക്കാരിനോട് റിപ്പോർട്ട് തേടി കേന്ദ്രം
Click it and Unblock the Notifications
Sign in with Google