ഡളളസില്‍ മാര്‍ച്ചിനിടെ വെടിവെപ്പ്; അഞ്ച് പോലീസുകാര്‍ മരിച്ചു

Updated: Friday, July 8, 2016, 12:34 [IST]

ടെക്‌സാസ് :ടെക്‌സസിലെ ദള്ളസ് നഗരത്തില്‍ മാര്‍ച്ചിനിടെ അഞ്ചു പോലീസുകാര്‍ വെടിയേറ്റു മരിച്ചു. പതിനൊന്നു പോലീസുകാര്‍ക്ക് പരിക്കേറ്റു. മൂന്നു പേരുടെ നില ഗുരുതരമാണ്. മിന്നസോട്ടയിലും ലൂസിയാനയിലുമുണ്ടായ പൊലീസ് വെടിവെയ്പ്പില്‍ പ്രതിഷേധിച്ച് നടത്തിയ മാര്‍ച്ചിനിടെയാണ് പോലീസുകാര്‍ക്കു വെടിയേററത്.

സംഭവസ്ഥലത്തുണ്ടായിരുന്ന 100 ഒാളം പേര്‍ക്ക് വെടിവെപ്പിനെതുടര്‍ന്നുണ്ടായ ഉന്തിലും തള്ളിലും പരിക്കേറ്റതായും റിപ്പോര്‍ട്ടുണ്ട്. അക്രമികളെന്നു കരുതുന്ന രണ്ടു പേരെ ഇതുവരെ പിടികൂടാന്‍ കഴിഞ്ഞിട്ടില്ല. എന്നാല്‍ സംശയാസ്പദമായ സാഹചര്യത്തില്‍ കണ്ട ഒരാളെ കസ്റ്റഡിയിലെടുത്തതായി പോലീസ് ഉദ്യോഗസ്ഥര്‍ അറിയിച്ചിട്ടുണ്ട്.

ഡൗണ്‍ടൗണിലൂടെ മാര്‍ച്ച് നടത്തുന്നതിനിടെ പൊലീസുകാര്‍ക്കുനേരെ രണ്ടുപേര്‍ വെടിയുതിര്‍ക്കുന്ന ദൃശ്യങ്ങള്‍ പുറത്തു വന്നിരുന്നു. ആഫ്രിക്കന്‍ പൗരന്മാരെന്നു കരുതുന്ന രണ്ടു പേരാണ് അക്രമത്തിനു പിന്നിലെന്നാണ് പോലീസ് സംശയിക്കുന്നത്.