അവിഹിതബന്ധം നേരിട്ട് കണ്ടതിന് 7വയസുകാരനെയും അനിയത്തിയേയും അമ്മ കൊല്ലിച്ചു

കെയ്‌റോ: ഒരു അമ്മയ്ക്ക് മക്കളോട് ഇത്രയും ക്രൂരത ചെയ്യാനാകുമോ? ഈ സ്ത്രീയെ അമ്മ എന്ന് വിളിയ്ക്കാനാവുമോ? വാര്‍ത്ത വായിച്ച ശേഷം വായനക്കാര്‍ക്ക് തന്നെ തീരുമാനിയ്ക്കാം. തന്റെ അവിഹിത ബന്ധം കണ്ടതിന് മക്കളെ അമ്മ കാമുകനെ കൊണ്ട് കൊല്ലിച്ചു. ഈജിപ്തിലാണ് സംഭവം. 31കാരിയായ നജാത്ത് എന്ന സ്ത്രീയാണ് സ്വന്തം താത്പര്യങ്ങള്‍ സംരക്ഷിയ്ക്കുന്നതിന് വേണ്ടി മക്കളെ കൊല്ലാന്‍ നിര്‍ദ്ദേശിച്ചത്.

ഭര്‍ത്താവ് വീട്ടിലില്ലാത്ത സമയങ്ങളില്‍ നജാത്തിന്റെ കാമുകന്‍ ഫ്ളാറ്റില്‍ എത്താറുണ്ടായിരുന്നു. സംഭവ ദിവസം ഉറക്കമുണര്‍ന്നെത്തിയ മകനാണ് അമ്മയ്‌ക്കൊപ്പം കിടപ്പറയില്‍ കാമുകനെ കണ്ടത്. കാമുകന്‍ വീട്ടില്‍ എത്തിയ കാര്യം അച്ഛനോടും അമ്മാവനോടും പറയുമെന്ന് ഏഴ് വയസുകാരനായ മകന്‍ പറഞ്ഞു.

തൊട്ടടുത്ത ഫ്ളാറ്റില്‍ താമസിയ്ക്കുന്ന അമ്മാവനടുത്തേയ്ക്ക് വിവരം പറയാനായി കുട്ടി പോകാനൊരുങ്ങി. എന്നാല്‍ കാമുകന്‍ കുട്ടിയെ വലിച്ചിഴച്ച് വീട്ടിലേയ്ക്ക് തിരികെ എത്തിച്ചു. അതിന് ശേഷം കുട്ടിയുടെ കഴുത്തറുക്കുകയും ചെയ്തു. യുവതിയുടെ സഹായത്തോടെയാണ് കുട്ടിയെ കൊന്നത്.

സഹോദരനെ കൊല്ലുന്നത് കണ്ടാണ് അഞ്ച് വയസുകാരിയായ യുവതിയുടെ മകള്‍ ഉറക്കമുണര്‍ന്നെത്തുന്നത്. കൊലപാതകം കണ്ടതിനാല്‍ മകളെയും കഴുത്തറുത്ത് കൊല്ലാന്‍ യുവതി കാമുകനോട് നിര്‍ദ്ദേശിച്ചു. തുടര്‍ന്ന് പെണ്‍കുട്ടിയേയും കാമുകന്‍ കഴുത്തറുത്ത് കൊലപപ്പെടുത്തുകയായിരുന്നു.

English summary

Mum lets lover kill her 2 children. Children saw her with him at home.