ജോലിത്തിരക്ക് മൂലം ഫോണ്‍ എടുക്കാന്‍ കഴിഞ്ഞില്ല,ഭര്‍ത്താവ് ഭാര്യയുടെ മൂക്ക് കടിച്ചുപറിച്ചു

ബെയ്ജിങ്: ജോലിത്തിരക്ക് മൂലം ഒന്ന് ഫോണ്‍ കോള്‍ എടുക്കാന്‍ പറ്റാതിരുന്നതിനു യുവതിക്ക് ക്രൂര പീഡനം. രോഷാകുലനായ ഭര്‍ത്താവ് സ്വന്തം ഭാര്യയുടെ മൂക്ക് കടിച്ചുപറിച്ചു. ചൈനയിലെ ഷാന്‍ഡോംഗിലാണ് സംഭവം നടക്കുന്നത്. ഭര്‍ത്താവ് ഫോണില്‍ വിളിച്ചപ്പോള്‍ തിരക്കുകള്‍ കാരണം യുവതിക്ക് എടുക്കാന്‍ സാധിച്ചില്ലത്രേ. ഇതിനാണ് ഭര്‍ത്താവ് ഇങ്ങനെയൊരു ശിക്ഷ നല്‍കിയത്.

യാംഗ് എന്ന സ്ത്രീക്കാണ് ഗുരുതരമായ പരിക്കുകളേറ്റത്. മൂക്കിന്റെ പകുതിയും നഷ്ടപ്പെട്ട നിലയിലാണെന്നാണ് ഡോക്ടര്‍മാര്‍ പറയുന്നത്. മൂക്ക് തിരികെ കിട്ടണമെങ്കില്‍ ശസ്ത്രക്രിയ ചെയ്യേണ്ടിവരും. ഭര്‍ത്താവിന്റെ സംശയ രോഗമാണ് ഇങ്ങനെയൊരു ക്രൂര പീഡനത്തിനു ഇടയാക്കിയതെന്നാണ് സൂചന.

ഓഫീസില്‍ രാത്രി ഷിഫ്റ്റ് ചെയ്യുന്ന യാംഗിനെ ഫോണില്‍ വിളിച്ചപ്പോഴാണ് കിട്ടാതായത്. പുലര്‍ച്ചെ രണ്ടു മണിക്ക് വിളിച്ചപ്പോഴും ഫോണ്‍ കോള്‍ എടുത്തില്ലെന്നാണ് വിവരം. ഷുഭിതനായ ഭര്‍ത്താവ് ഭാര്യയുടെ ഓഫീസിലേക്ക് കയറി ചെന്നാണ് അക്രമം കാട്ടിയത്. ഭാര്യയെ മര്‍ദ്ദിക്കുകയും മൂക്ക് കടിച്ച് പരിക്കേല്‍പ്പിക്കുകയുമായിരുന്നു.

ഗുരുതരമായി പരിക്കുകളേറ്റ യാംഗിനെ സഹപ്രവര്‍ത്തകരാണ് ആശുപത്രിയില്‍ എത്തിച്ചത്. രണ്ടാം ഭര്‍ത്താവാണ് യുവതിയെ മര്‍ദ്ദിച്ചത്. ഇയാള്‍ക്കെതിരെ പോലീസ് കേസെടുത്തിട്ടുണ്ട്. ആദ്യ ഭര്‍ത്താവില്‍ നിന്നുണ്ടായ കുട്ടികളെ പണത്തിനായി വില്‍ക്കാന്‍ രണ്ടാംഭര്‍ത്താവ് തന്നെ നിര്‍ബന്ധിച്ചിരുന്നെന്ന് യാംഗ് പോലീസിനോട് പറഞ്ഞു.

English summary

My husband bit my nose off and ATE it because I didn't answer his phone call': Chinese woman tells of her terrible ordeal after a row with estranged spouse