അവിഹിതബന്ധം ചോദ്യം ചെയ്തതിന് അറബിയെ ഭാര്യ 'കടിച്ച് മുറിച്ചു', പരാക്രമം കേട്ട ജഡ്ജി...
റിയാദ്: ഭാര്യയും ഭര്ത്താവും തമ്മിലുള്ള വഴക്ക് കോടതിയില് എത്തിയപ്പോള് വിധി കല്പ്പിയ്ക്കാനാവാതെ കുഴങ്ങി ന്യായാധിപന്. സൗദിയിലെ ഒരു കോടതിയിലാണ് സംഭവം നടക്കുന്നത്. ഭാര്യ തന്നെ തല്ലുകയും ശരീരത്തിലെ പലഭാഗങ്ങളിലും കടിയ്ക്കുകയും ചെയ്തുവെന്ന് ആരോപിച്ചാണ് യുവാവ് കോടതിയില് എത്തിയത്.
സ്വദേശിയായ ഇയാള് തന്റെ ഭാര്യയ്ക്ക് അവിഹിതബന്ധമുണ്ടെന്നും, ബന്ധത്തെ ചോദ്യം ചെയ്തപ്പോഴാണ് തന്റെ ശരീരം ഭാര്യ കടിച്ച് മുറിച്ചതെന്നും പറഞ്ഞു. ഇഖാല് കൊണ്ട് ഭാര്യ തന്നെ പൊതിരെ തല്ലിയെന്നും ഇയാള് പറഞ്ഞു.
എന്നാല് ഭര്ത്താവിന്റെ ആരോപണങ്ങളെ ഭാര്യ കോടതിയില് നിഷേധിച്ചു. തനിയ്ക്ക് അവിഹിതബന്ധമുണ്ടെന്ന് ആരോപിച്ച് ഭര്ത്താവാണ് തന്നെ മര്ദ്ദിച്ചതെന്നും താന് തിരികെ മര്ദ്ദിച്ചിട്ടില്ലെന്നും പറഞ്ഞു. രണ്ട് പേരുടേയും വാദങ്ങളില് വൈരുദ്ധ്യമുണ്ടെന്ന് മനസിലാക്കിയ ജഡ്ജി വിധി പറയാനാകാതെ കുഴങ്ങി. കേസില് തീര്പ്പാക്കാതെ പിരിച്ച് വിടുകയായിരുന്നു.