അഡല്റ്റ് സൈറ്റില് ചൂടന് ചിത്രങ്ങല് പങ്കുവച്ചു; മ്യാന്മറിലെ മോഡലിന് സംഭവിച്ചത്, പട്ടാള നടപടി ഇങ്ങനെ
മ്യാന്മര്: 2016 നവംബറില് ബ്രിട്ടീഷ് സംരംഭകനായ ടിം സ്റ്റോക്ക്ലിയാണ് ഒണ്ലി ഫാന്സ് എന്ന പേരില്, പേ വാള് വഴി സുരക്ഷിതമാക്കപ്പെട്ട ഒരു കണ്ടന്റ് ഷെയറിങ് പ്ലാറ്റ്ഫോം സ്ഥാപ്പിക്കുന്നത്. കൊവിഡ് പൊട്ടിപ്പുറപ്പെട്ടതോടെ വന് സെലിബ്രിറ്റികളെ പോലും ഒണ്ലി ഫാന്സിന്റെ ഭാഗമാക്കാന് കഴിഞ്ഞു. ഇന്ന് ഓണ്ലി ഫാന്സ് ലോകത്ത് തരംഗമാണ്. എന്നാല് ഇപ്പോഴിതാ ഒണ്ലി ഫാന്സില് ചിത്രങ്ങള് പോസ്റ്റ് ചെയ്തതിന്റെ പേരില് ഒരു മോഡല് നേരിടേണ്ടിവന്ന കാര്യമാണ് സോഷ്യല് ലോകത്ത് ചര്ച്ചയാകുന്നത്.
മ്യാന്മറില് നിന്നാണ് ഈ വാര്ത്ത പുറത്തുവരുന്നത്. ഒണ്ലി ഫാന്സില് ഗ്ലാമറസ് ചിത്രങ്ങള് പോസ്റ്റ് ചെയ്തതിന്റെ പേരില് ഡോക്ടര് കൂടിയായ മോഡലിന് മ്യാന്മര് ആറ് വര്ഷം ജയിലിലടച്ചു. ചിത്രങ്ങളുപയോഗിച്ച് സംസ്കാരത്തെയും അന്തസ്സിനെയും ഹനിച്ചന്നെ് ആരോപിച്ചാണ് മ്യാന്മറിന്റെ നടപടി.
മോഡല് നാങ് മ്വെ സാനെതിരെ രണ്ടാഴ്ച മുമ്പ് കുറ്റം ചുമത്തിയതായി സൈനിക അധികാരികള് അറിയിച്ചു. രാജ്യത്തെ ഇലക്ട്രോണിക്സ് ഇടപാട് നിയമത്തിലെ സെക്ഷന് 33 (എ) പ്രകാരം ഫീസ് ഈടാക്കി നഗ്ന ഫോട്ടോകളും വീഡിയോകളും വിതരണം ചെയ്യാന് സൈറ്റുകള് ഉപയോഗിച്ചതിന് മിസ് സാന് കുറ്റക്കാരനാണെന്ന് കണ്ടെത്തുകയായിരുന്നു.
ഒണ്ലി ഫാന്സ് മോഡലായതിന് മ്യാന്മറില് ജയിലില് കഴിയുന്ന ആദ്യ വ്യക്തിയാണ് നാങ് മ്വെ സാന്. സാന് യാങ്കൂണിലെ നോര്ത്ത് ഡാഗോണ് ടൗണ്ഷിപ്പില് താമസിക്കുന്നതിനാല്, അവിടെ സൈനിക നിയമം പ്രാബല്യത്തില് ഉണ്ട്, അതുകൊണ്ട് തന്നെ കുറ്റകൃത്യങ്ങളില് ആരോപിക്കപ്പെടുന്ന ആളുകള്ക്ക് സൈനിക കോടതികളില് വിചാരണയുമുണ്ടാകും.
അതേസമയം,അഭിഭാഷക സഹായം പോലുള്ളവയൊന്നും മോഡലിന് ലഭിച്ചില്ലെന്നാണ് വിവരം. മ്യാന്മറിലെ ഏറ്റവും വലിയ ജയില് കോടതിയായ ഇന്സെയിന് ജയില് കോടതിയിലായിരുന്നു മോഡലിന്റെ വിചാരണ. ബിബിസിയുടെ ബര്മീസ് സര്വീസ് പറയുന്നതനുസരിച്ച്, മിസ് സാന് അടുത്ത ആഴ്ചകളില് അമ്മയുമായി ബന്ധപ്പെട്ടിരുന്നു. എന്നാല് സൈനിക മാധ്യമങ്ങള് ഇന്ന് സ്ഥിരീകരിക്കുന്നത് വരെ മകള്ക്ക് ശിക്ഷ വിധിച്ചതായി അമ്മ അറിഞ്ഞിരുന്നില്ല.
മ്യാന്മര് മെഡിക്കല് കൗണ്സിലിന്റെ മുന്നറിയിപ്പുകള് അവഗണിച്ച് ഫേസ്ബുക്കില് തന്റെ ചില ഫോട്ടോകള് പോസ്റ്റ് ചെയ്തതിനെ തുടര്ന്ന് 2019-ല് മിസ് സാന്റെ മെഡിക്കല് ലൈസന്സ് നഷ്ടമായിരുന്നു. ഇതിന് പിന്നാലെയാണ് ഈ നടപടി. അതേസമയം, 2021ല് അട്ടിമറിയിലൂടെ ഭരണത്തിലെത്തിയ സൈന്യത്തെ നാങ് വിമര്ശിച്ചിരുന്നു.
നേരത്തെ സൈനിക ഭരണത്തിനെതിരെയുള്ള പ്രതിഷേധത്തിന്റെ ഭാഗമായി ചിത്രം പങ്കുവച്ചതിന് മറ്റൊരു മോഡലിനെ അറസ്റ്റ് ചെയ്തിരുന്നു. ഇപ്പോള് നാങിനെതിരെ ചുമത്തിയ അതേ കുറ്റങ്ങളാണ് ആ മോഡലിനെതിരെയും ചുമത്തിയത്. നിരവധി രാഷ്ട്രീയ തടവുകാര്ക്കൊപ്പമാണ് ഇപ്പോള് ഈ മോഡലും ജയിലില് കഴിയുന്നതെന്നാണ് വിവരം.
Click it and Unblock the Notifications
Sign in with Google