മലേഷ്യന്‍ പ്രധാനമന്ത്രി റസാഖ് മോദിയെപ്പറ്റി പറഞ്ഞതെന്ത്?

By Muralidharan

Published: Monday, November 23, 2015, 13:52 [IST]

ക്വലാലംപൂര്‍: ചെയ്യുന്നതിനെക്കാള്‍ ഒരുപാട് പറയുന്ന ആള്‍ എന്നാണ് ഇന്ത്യയില്‍ നരേന്ദ്ര മോദിയെപ്പറ്റിയുള്ള ഒരു പൊതുബോധം. മോദിയുടെ പ്രസംഗങ്ങളും ശൈലിയും അടുത്തുകണ്ടിട്ടുളളവര്‍ക്ക് ഒരുപാട് സംസാരിക്കുന്ന ആളാണ് മോദി എന്ന് തോന്നിയാല്‍ അത്ഭുതമില്ല. എന്നാല്‍ പറയുന്നതിനെക്കാള്‍ പ്രവര്‍ത്തിക്കുന്ന ആളാണ് മോദി എന്നാണ് മലേഷ്യന്‍ പ്രധാനമന്ത്രി നജീബ് റസാഖ് മോദിയെപ്പറ്റി പറയുന്നത്.

മാന്‍ ഓഫ് ആക്ഷന്‍ എന്നാണ് റസാഖ് മോദിയെ വിളിക്കുന്നത്. വളരെ ശക്തവും ചലനാത്മകവുമാണ് ഇന്ത്യ. ആയുര്‍വേദം പോലുള്ള പരമ്പരാഗത ചികിത്സാരീതികളില്‍ പ്രത്യേക താല്‍പര്യമുള്ള പ്രധാനമന്ത്രിയാണ് മോദി. വളരെ വേഗം കാര്യങ്ങള്‍ നടന്നുകാണാന്‍ ആഗ്രഹിക്കുന്ന പ്രധാനമന്ത്രിയാണ് അദ്ദേഹം. മോദിക്കൊപ്പം ഒരു പത്രസമ്മേളനത്തില്‍ സംസാരിക്കുകയായിരുന്നു അദ്ദേഹം.

ഭീകരതയ്ക്ക് എതിരെ

ഭീകരവാദികള്‍ക്കെതിരെ ഇന്ത്യയും മലേഷ്യയും ഒരുമിച്ച് പ്രവര്‍ത്തിക്കണമെന്ന് മോദി പറഞ്ഞു. ഇന്ത്യയ്ക്കും അഫ്ഗാനിസ്ഥാനും എതിരായ ഭീകരാക്രമണങ്ങള്‍ ലോകത്തിനുള്ള മുന്നറിയിപ്പാണ്.