Click it and Unblock the Notifications
Just In
Don't Miss
-
ചില ദിവസങ്ങളിൽ അദ്ദേഹം മറ്റൊരു മുറിയിൽ; ഞാനത് പൂർണമായും മനസിലാക്കുന്നു; ഭർത്താവിനെക്കുറിച്ച് വിദ്യ -
കറങ്ങുന്ന കസേരയ്ക്ക് മുടക്കിയ കാശ് ഖുദാ ഹവാ; നവകേരള ബസ് ഇനി റൂട്ടിലോടും -
ബംബർ ഐപിഒ വീക്ക്, വിപണിയിലേക്കെത്തുന്നത് 4 കമ്പനികൾ, ഇഷ്യൂ സൈസ്, പ്രൈസ് ബാൻഡ് വിവരങ്ങളറിയാം -
IPL 2024: ഇവനെയൊക്കെ ഞങ്ങളുടെ കയ്യില് കിട്ടണം...; ധോണി പുകഴ്ത്തി സിഎസ്കെയെ കളിയാക്കി ഐസ് ലാന്റ് ക്രിക്കറ്റ് -
1000 കിലോ ഭാരം, 15 അടി നീളം; ലോകത്തിലെ ഏറ്റവും വലിയ പാമ്പ് വാസുകിയുടെ ഫോസില് കണ്ടെത്തി -
വേനല് ചൂടോ.. ഇവിടെയോ? ഇത് സൈലന്റ് വാലിയാണ്.. വരൂ കാട്ടിൽ സഫാരി പോകാം -
ചാർജിന്റെ കാര്യത്തിൽ ആശങ്ക വേണ്ട, ഇവിയിൽ ധൈര്യമായി ട്രിപ്പ് പോവാം; കൂട്ടിന് കിടിലൻ ഫീച്ചറുമായി ഗൂഗിൾ മാപ്പ്
ഭൂകമ്പം: ഗൂഗിള്‍ എക്‌സിക്യൂട്ടീവ് മരിച്ചു
കാഠ്മണ്ഡു: നേപ്പാളിലും ഉത്തരേന്ത്യയിലുമുണ്ടായ ശക്തമായ ഭൂചലനത്തില്‍ ഇന്റര്‍നെറ്റ് തിരച്ചില്‍ ഭീമന്മാരായ ഗൂഗിളിനും നഷ്ടം. ഭൂകമ്പത്തെത്തുടര്‍ന്ന് എവറസ്റ്റ് കൊടുമുടിയിലുണ്ടായ ഹിമപാതത്തില്‍ ഗൂഗിള്‍ എക്‌സിക്യൂട്ടീവ് ഡാന്‍ ഫ്രെഡിന്‍ബര്‍ഗാണ് മരിച്ചത്. ഗൂഗിള്‍ എക്‌സ് വിഭാഗത്തിലെ ഗവേഷകനാണ് ഫ്രെഡിന്‍ബര്‍ഗ്.
ഫ്രെഡിന്‍ബര്‍ഗിനൊപ്പം മൂന്നുപേര്‍ കൂടി ഉണ്ടായിരുന്നു. ഇവര്‍ ഇരുവരും സുരക്ഷിതരാണ്. സഹപ്രവര്‍ത്തകര്‍ക്കൊപ്പം എവറസ്റ്റിലേക്ക് പോയ ഫ്രെഡിന്‍ബര്‍ഗ് തലയ്‌ക്കേറ്റ ഗുരുതരമായ പരിക്കിനെത്തുടര്‍ന്നാണ് മരിച്ചത്. ഫ്രെഡിന്‍ബര്‍ഗിന്റെ സഹോദരി ഇന്‍സ്റ്റാഗ്രാമിലാണ് ഇക്കാര്യം അറിയിച്ചത്. 2007 മുതല്‍ ഗൂഗിളില്‍ ജീവനക്കാരനാണ് ഡാന്‍ ഫ്രെഡിന്‍ബര്‍ഗ്.
ഫ്രെഡിന്‍ബര്‍ഗും കൂട്ടരും 18000 അടി മുകളിലുള്ള ബേസ് ക്യാമ്പില്‍ കഴിയവേയാണ് കനത്ത ഹിമപാതം ഉണ്ടായത്. ഫ്രെഡിന്‍ബര്‍ഗ് അടക്കം 18 പര്‍വ്വതാരോഹകര്‍ എവറസ്റ്റ് ബേസ് ക്യാമ്പില്‍ മരിച്ചതായി റിപ്പോര്‍ട്ടുകളുണ്ട്. ഇവരുടെ മൃതദേഹങ്ങള്‍ കണ്ടെടുക്കാനായി തിരച്ചില്‍ നടത്തുന്നുണ്ട്. ജാഗ്ഡ്ഗ്‌ളോബ് എന്ന സാഹസിക സംഘത്തോടൊപ്പമാണ് ഫ്രിന്‍ബര്‍ഗും സഹപ്രവര്‍ത്തകരും ഉണ്ടായിരുന്നത്.
അതേസമയം നേപ്പാളിലും ഉത്തരേന്ത്യയിലും ഞായറാഴ്ച വീണ്ടും ഭൂചലനം അനുഭവപ്പെട്ടു. റിക്ടര്‍ സ്‌കെയിലില്‍ 6.7 രേഖപ്പെടുത്തിയ ചലനമാണ് ഉണ്ടായത്. ലഖ്‌നോ, കൊല്‍ക്കത്ത, ഭുവനേശ്വര്‍ തുടങ്ങിയ സ്ഥലങ്ങളിലാണ് ചലനം അനുഭവപ്പെട്ടത്. കാഠ്മണ്ഡുവില്‍നിന്ന് 80 കിലോമീറ്റര്‍ കിഴക്കുള്ള കൊടാരിയാണ് ഭൂചലനത്തിന്റെ പ്രഭവ കേന്ദ്രം.
