യൂറോപ്പിൽ പുതിയ കോവിഡ് തരംഗം, ഏഷ്യയിലും സമാനസ്ഥിതി; വാക്സിൻ എല്ലാവരിലേക്കും എത്തിക്കണമെന്ന് യുഎൻ
യുഎൻ; യൂറോപ്പിൽ കോവിഡിന്റെ പുതിയ തരം ഗം രൂപപ്പെടുന്നതായി യുഎൻ സെക്രട്ടറി ജനറൽ അന്റോണിയോ ഗുട്ടെറസ്. ദിനം പ്രതി 1.5 ദശലക്ഷം കോവിഡ് കേസുകളാണ് ഇപ്പോൾ റിപ്പോർട്ട് ചെയ്യുന്നത്. ഏഷ്യയിലും സമാനമായ സ്ഥിതി ആണെന്ന് അദ്ദേഹം കൂട്ടിച്ചേർത്തു. ഓരോ നാല് മാസത്തിലും പുതിയ കൊറോണ വൈറസ് വേരിയന്റുകൾ ഉയർന്നുവരുകയാണ്. ഈ സാഹചര്യത്തിൽ ഓരോ വ്യക്തിക്കും വാക്സിനുകൾ എത്തിക്കാൻ സർക്കാരുകളും ഫാർമ കമ്പനികളും ഒരുമിച്ച് പ്രവർത്തിക്കണമെന്നും ഗുട്ടെറസ് ആവശ്യപ്പെട്ടു.
"ഞങ്ങൾ ഓരോ ദിവസവും 1.5 ദശലക്ഷം പുതിയ കോവിഡ് കേസുകൾ കാണുന്നു. ഏഷ്യയിൽ വലിയ പൊട്ടിത്തെറികൾ പടരുന്നു. യൂറോപ്പിലുടനീളം ഒരു പുതിയ തരംഗം വ്യാപിക്കുന്നു. ചില രാജ്യങ്ങൾ പാൻഡെമിക്കിന്റെ തുടക്കം മുതൽ ഏറ്റവും ഉയർന്ന മരണനിരക്ക് റിപ്പോർട്ട് ചെയ്യുന്നു" അദ്ദേഹം പറഞ്ഞു. ചില ഉയർന്ന വരുമാനമുള്ള രാജ്യങ്ങൾ അവരുടെ രണ്ടാമത്തെ ബൂസ്റ്റർ ഡോസുകൾക്കായി തയ്യാറെടുക്കുമ്പോൾ, മനുഷ്യരാശിയുടെ മൂന്നിലൊന്ന് ജനങ്ങളും വാക്സിനേഷൻ എടുക്കാതെ തുടരുകയാണെന്നും അദ്ദേഹം പറഞ്ഞു. രോ ഗത്തിനെ തടയാൻ വാക്സിൻ കൊണ്ട് മാത്രമേ സാധിക്കു എന്നും ഓരോ ആളുകളിലേക്കും വാക്സിൻ എത്തിക്കേണ്ടത് നമ്മുടെ ചുമതല ആണെന്നും അദ്ദേഹം കൂട്ടിച്ചേർത്തു.
യുകെയിൽ ആദ്യമായി കണ്ടെത്തിയ ഒമിക്രോണിന്റെ പുതിയ വേരിയന്റ് മുമ്പത്തെ വൈറസുകളേക്കാൾ കൂടുതൽ അപകടകാരിയാണെന്നാണ് പഠനങ്ങൾ സൂചിപ്പിക്കുന്നത്. ഈ സാഹചര്യത്തിൽ സമ്പന്ന രാജ്യങ്ങളിൽ മാത്രമല്ല മറ്റ് രാജ്യങ്ങളിലും വാക്സിൻ ലഭ്യമാകാൻ നമ്മൾ പ്രവർത്തിക്കണം. അദ്ദേഹം കൂട്ടിച്ചേർത്തു. ജനുവരി 19 നാണ് യുകെയിൽ എക്സ്ഇ റീകോമ്പിനന്റ് ആദ്യമായി കണ്ടെത്തിയത്. അതിനുശേഷം 600-ലധികം സീക്വൻസുകൾ റിപ്പോർട്ട് ചെയ്യുകയും സ്ഥിരീകരിക്കുകയും ചെയ്തുവെന്ന് ലോകാര്യോ ഗ്യ സംഘടന കഴിഞ്ഞ ആഴ്ച പറഞ്ഞു. ഒമിക്രോണിനെ അപേക്ഷിച്ച് ഇവക്ക് വളർച്ചാ നിരക്ക് 10 ശതമാനം കൂടുതലാണ് എന്നും ഡബ്ലുഎച്ചഒ കൂട്ടിച്ചേർത്തു.
ലോകാരോ ഗ്യ സംഘടനയുടെ കണക്കനുസരിച്ച് ഏപ്രിൽ 3 വരെ. ആഗോളതലത്തിൽ 489 ദശലക്ഷത്തിലധികം കേസുകളും 6 ദശലക്ഷത്തിലധികം മരണങ്ങളും റിപ്പോർട്ട് ചെയ്യപ്പെട്ടിട്ടുണ്ട്. നിലവിൽ രാജ്യതലത്തിൽ, ഏറ്റവും കൂടുതൽ പ്രതിവാര കേസുകൾ റിപ്പോർട്ട് ചെയ്തത് ദക്ഷിണ കൊറിയയിൽ നിന്നാണ് 2,058,375 പുതിയ കേസുകൾ, ജർമ്മനിയിൽ 1,371,270, ഫ്രാൻസിൽ 959,084, വിയറ്റ്നാമിൽ 796,725, ഇറ്റലിയിൽ 486,695 എന്നിങ്ങനെയാണ് കേസുകൾ. അതേ സമയം ഏറ്റവും കൂടുതൽ പ്രതിവാര മരണങ്ങൾ റിപ്പോർട്ട് ചെയ്തത് യുണൈറ്റഡ് സ്റ്റേറ്റ്സ് ഓഫ് അമേരിക്കയിലാണ് 4,435 പുതിയ മരണങ്ങൾ, റഷ്യയിൽ 2,357 പേരാണ് രോ ഗം ബാധിച്ച് പുതിയതായി മരിച്ചത്.
Click it and Unblock the Notifications
Sign in with Google