കഞ്ചാവ് കേസില് ശിക്ഷിക്കപ്പെട്ടിട്ടുണ്ടോ..? എന്നാലിനി കഞ്ചാവ് ബിസിനസ് ചെയ്യാം, അതും നിയമപരമായി
ന്യൂയോര്ക്ക് സിറ്റി: കഞ്ചാവ് കേസില് ശിക്ഷിക്കപ്പെട്ടാല് ജാമ്യമില്ലാ ശിക്ഷയാണ് നമ്മുടെ നാട്ടില് ചുമത്തുക. എന്നാല് കഞ്ചാവ് കേസില് പിടിക്കപ്പെടുന്നത് യോഗ്യതയായി എപ്പോഴെങ്കിലും കണക്കാക്കാന് ആകുമോ? അതും ഒരു ബിസിനസ് തുടങ്ങാന്. ഇല്ല എന്ന് ഉത്തരം പറയാന് വരട്ടെ. ന്യൂയോര്ക്ക് സിറ്റിയില് കഞ്ചാവ് കൃഷി നിയമവിധേയമായതോടെ മുകളില് പറഞ്ഞ കാര്യം നടക്കും.
അതായത് കഞ്ചാവ് നിയമവിരുദ്ധമായപ്പോള് ശിക്ഷിക്കപ്പെട്ടവര്ക്ക് കഞ്ചാവ് ഇനി നിയമപരമായി വില്ക്കാന് സാധിക്കും. അതിനുള്ള നിയമം ന്യൂയോര്ക്ക് സിറ്റി കഴിഞ്ഞ വര്ഷം തന്നെ പ്രാബല്യത്തില് വരുത്തിയിരുന്നു. ഇപ്പോഴിതാ വില്പന ഉള്പ്പെടെയുള്ള മയക്കുമരുന്നുമായി ബന്ധപ്പെട്ട കുറ്റകൃത്യങ്ങളില് ശിക്ഷിക്കപ്പെട്ട ആളുകള്ക്കും അവരുടെ ബന്ധുക്കള്ക്കും കഞ്ചാവ് നിയമപരമായി വില്ക്കുന്നതിനുള്ള ആദ്യത്തെ 150 ലൈസന്സുകള് ന്യൂയോര്ക്ക് സംസ്ഥാനം വാഗ്ദാനം ചെയ്യുന്നു.
സംസ്ഥാനത്തെ ഡെമോക്രാറ്റിക് നേതാക്കള് നടപ്പിലാക്കിയ നയം കഞ്ചാവ് നിയമവിരുദ്ധമായപ്പോള് അറസ്റ്റുചെയ്യപ്പെടുകയും ശിക്ഷിക്കപ്പെടുകയും ചെയ്ത ആഫ്രിക്കന്-അമേരിക്കന്, ഹിസ്പാനിക് കമ്മ്യൂണിറ്റികള്ക്ക് നഷ്ടപരിഹാരം നല്കാന് സഹായകമാകുന്നതാണ്. ഈ സമയം തന്റെ കുടുംബത്തിന് വളരെ ആവേശകരമായ നിമിഷമാണ് എന്നാണ് പിഎച്ച്ഡി ആര്ട്ട് ഹിസ്റ്ററി വിദ്യാര്ത്ഥിയായ 31 കാരനായ ഗുറേറോ പറയുന്നത്.
ഗുറോറയുടെ സഹോദരന് നേരത്തെ കഞ്ചാവ് കേസില് ശിക്ഷിക്കപ്പെട്ടിരുന്നു. കഴിഞ്ഞ മാസം, ഒരു ഔദ്യോഗിക സ്റ്റോര് തുറക്കുന്നതിനും പ്രാദേശികമായി വളര്ത്തുന്ന കഞ്ചാവ് വില്ക്കുന്നതിനുമുള്ള ലൈസന്സ് ലഭിച്ച ആദ്യ 28 അപേക്ഷകരില് ഒരാളായിരുന്നു ഗുറേറോ. 20 ദശലക്ഷം ആളുകള് താമസിക്കുന്ന ന്യൂയോര്ക്കില് കഞ്ചാവ് ഉപയോഗം നിയമവിധേയമാക്കി ഒരു വര്ഷത്തിലേറെയായി ലൈസന്സുകള് നല്കി വരുന്നുണ്ട്.
നിയമപരമായ കഞ്ചാവ് വ്യവസായം അടുത്ത വര്ഷം തന്നെ 1.3 ബില്യണ് ഡോളര് വില്പ്പനയും മൂന്ന് വര്ഷത്തിനുള്ളില് 19,000 നും 24,000 നും ഇടയില് തൊഴിലവസരങ്ങള് സൃഷ്ടിക്കും എന്നാണ് നഗരത്തിലെ ഭരണകൂടം പ്രതീക്ഷിക്കുന്നത്. ഇതുവഴി വലിയ നികുതി വരുമാനം സര്ക്കാരിന് ലഭിക്കുന്നുണ്ട്. അതേസമയം കഞ്ചാവ് കൃഷിയ്ക്കും ബിസിനസിനും വേണ്ട 'യോഗ്യത' കേസില് ശിക്ഷിക്കപ്പെട്ടത് മാത്രമല്ല.
ലൈസന്സുകള്ക്ക് യോഗ്യത നേടുന്നതിന് അപേക്ഷകര്ക്ക് ലാഭകരമായ മറ്റൊരു ബിസിനസ്സും ഉണ്ടായിരിക്കണം. കഴിഞ്ഞ 20 വര്ഷത്തിനിടെ കഞ്ചാവ് കൈവശം വച്ചതിന് 800,000 അറസ്റ്റുകള് ഉണ്ടായിട്ടുണ്ടെന്ന് 2018 ല് ഒരു സംസ്ഥാന റിപ്പോര്ട്ട് കണക്കാക്കുന്നു. 2017-ല് അറസ്റ്റിലായവരില് ഭൂരിഭാഗവും കറുത്തവര്ഗക്കാരാണ് (48 ശതമാനം), ഹിസ്പാനിക്കുകള് 38 ശതമാനവും.
അതേസമയം കഞ്ചാവ് പ്രോഗ്രാം അഭിലഷണീയമാണെങ്കിലും, നടപ്പിലാക്കുന്നതിന് അതിന്റെ വെല്ലുവിളികള് ഉണ്ടാകും എന്നാണ് വിദഗ്ധര് പറയുന്നത്. കഞ്ചാവ് നിയമവിധേയമാക്കിയതിനുശേഷം, തെരുവിലും പാര്ക്കുകളിലും ഭക്ഷ്യവസ്തുക്കളും പൂക്കളുമൊക്കെ വില്ക്കുന്ന ഷോപ്പുകളിലും കഞ്ചാവ് സുലഭമാണ്. നിയന്ത്രണങ്ങളുടെ അഭാവം അനധികൃത കച്ചവടക്കാര്ക്ക് മുതല്ക്കൂട്ടായിട്ടുണ്ട്.
-
കഴിഞ്ഞ അഞ്ച് വര്ഷത്തെ വരുമാനം ഇനി സ്വര്ണം തരില്ല..! സ്വര്ണം ഇങ്ങനെ വാങ്ങിയാല് ലാഭം -
ശബരി റെയിൽ പദ്ധതി; അങ്കമാലി-എരുമേലി പാതയിൽ 4 തുരങ്കങ്ങൾ, പാലങ്ങൾ നിരവധി, ആകെ 111 കി.മീ ദൂരം -
ഈ രാശിക്കാരാണോ? രണ്ടാഴ്ചയ്ക്കുള്ളില് അളവറ്റ ധനം കൈയിലെത്തും, ഇനി സൗഭാഗ്യനാളുകള് -
സ്വര്ണവില 75000 ത്തിലേക്ക് വീഴും, ഗ്രാമിന് 9500 രൂപ..! അതും 2026 ല് തന്നെ..! -
സ്വര്ണം 'പറ്റിക്കല്' തുടരുന്നു.. ഇന്ന് വീണ്ടും വില കൂടി, തിരികെ കയറി തുടങ്ങിയോ? ഗ്രാം, പവന് വില അറിയാം -
സ്വര്ണം ഞെട്ടിച്ചു; ഇന്ന് സ്വര്ണവിലയില് വന് കുതിപ്പ്, രൂപ തകര്ന്നടിഞ്ഞു, ഇന്നത്തെ പവന് വില -
അച്ഛനും അമ്മയും എന്നും വഴക്ക്, എന്നെ ഷൂട്ടിംഗിന് കൊണ്ടുപോകുന്നത് ഇഷ്ടമല്ലായിരുന്നു; കിച്ചു പറയുന്നു -
മഞ്ജു വാര്യർ പറയുന്നു, 'സ്ഥാനാർത്ഥിത്വം വാഗ്ദാനം ചെയ്ത് വന്നിട്ടുണ്ട്',ഇനി രാഷ്ട്രീയത്തിലേക്കോ?മറുപടി -
'വിനീതാണ് അമ്മയ്ക്ക് മൊബൈൽ ഫോൺ വാങ്ങിച്ചു കൊടുത്തത്, അത് എനിക്ക് പാരയായി';എം മോഹനൻ്റെ കുറിപ്പ് -
'പക്വത ഇല്ല,ഭർത്താവിനുള്ള പിന്തുണ തനിക്കും കിട്ടുമെന്ന തെറ്റിധാരണ,ആര്യ രാജേന്ദ്രന് വിനയായത് ഇതൊക്കെ' -
സന്തോഷ് പണ്ഡിറ്റിന്റെ 500 കോടി പടം! ഹോർമുസ് കടലിടുക്ക് നീന്തിക്കടക്കാൻ 'പണ്ഡിറ്റ് കപൂർ ഐപിഎസ്' -
ഇറാന്റെ ആണവനിലയങ്ങളിലേക്ക് മിസൈൽ വർഷം; തിരിച്ചടിക്കാനൊരുങ്ങി ഐആർജിസി
Click it and Unblock the Notifications
Sign in with Google